Ashley e sos frairs Brendon e Bryan, tres pitits peirigòrdins* bien de chas nos (son daus pitits noms que ne’m veu corament dins nautres escòlas, aura, damandetz…) an estat « gastats » per ’queu Nadau 2017, lurs parents maitot, vesetz :

- Una Play Station (la PS 4 emb la maneta Dual Shock e lo volant Racing Wheel) e demai : dos DVD de juècs : « Starwars Fighters » e « Copa dau monde de Quidditch de Harry Potter » per los dos goiats. Bryan auriá mielhs aimat la Game Cube (que fau dire « Guesm Kiob ») de chas Nintendo... ;
- Una Game Boy color DS (Dual Screen) e una Barbie Fashion per Ashley ;
- Una clau USB MP3 (Universal Serial Bus ; Media Player 3) per Brendon emb la Star Academy 6 desja enrejistrada dessus (Si es-plan : z’an fai !), et un Action Man « Army » per Bryan ;
- Un portable Samsung que fai foto, WAP (Wireless Application Protocol) e que a la sonaria HiFi (Hi Fidelity) per Brendon que ven nonmas de ‘ver dietz ans.
- E per tots tres, una Web Cam per lo PC** de la familha (desjà conectat a la ’rantela -Internet- via lo servaire « Wanadoo*** » de (France ?) Télécom) ;
- Un « systema Home Cinema Hi Fi » per lors parents emb lo lector DVD/DivX (Digital Video Disc Digital Video eXpress) emb lo « Bass Boost » ; un GPS (Global Positionning System) per lo 4x4 de la familha, desja equipat de l’ABS (Antilock Brake System) e l’ESP (Electronic Stability Program) ;
- Per ela tota sola, Ashley a ‘gut la TV (que fau dire « tivi ») dins sa chambra (en fin : a ueit ans, l’èra la sola de sa classa que ‘viá pas la télé dins sa chambra !): una pita « Soundwave » que a tot parier un tube LCD (Liquid Crystal Display) !

- E lo lendeman, tota la familha a festat quò-quí en anar au Drive In dau Mac Do apres ‘ver fach le plen de comissions au Lidl****…

Nautres ‘vam pas tardar a tots estre americans, ‘qu‘es segur !…

* : Podetz remplaçar « Peirigòrdins » per la contrada de França que vos plai : quò marcha totparier…
** : « PC » aquí vòl pas dire « Papier per lo Cuòu », mas « Personal Computer »... e tanben « CD » vòl dire « Compact Disc » e non pas « Disque Compact ». Vos parlarai pas de « NTSC », « WMA », « ID3 Tag », and so one !
*** : Qu’es que, vesetz, « France Télécom » an degut donar un nom estasunian a lur servaire de ‘rantela : ‘quò fai mai serios per la clientela !!!
( « Wanadoo » es ‘na contraccion de « I want to do » en american : « Vòle far » o « Vòle vos las bofar» )
**** : « Lidl » es pas un mòt inglès, « Anglo-saxon »… es solament saxon !

Patric RATINÒC.

L'emission occitana Viure Al Paìs de França 3 faguet un reportatge plan interessant sur Peiraguda per lo concert que faguèren a Sarlat los 13 e 14 d'octòbre 2017, emb de las intervistas daus convidats Francis Cabrel, Jan de Nadau, Los Pagalhòs o Daniel Chavaròcha, mai daus extrachs dau concert.

Emission dau 12/11/2017 sur lo site de l'emission:

https://france3-regions.francetvinfo.fr/occitanie/emissions/viure-al-pais-0

Dempuei queu temps un DVD surtiguet, "Peiraguda, le concert des 40 ans" , 2 oras 25 de concert e 25 chançons, en venda dins las librarias e magasins de Dordonha au pretz de 17 €.

De veire dins la mesma emission lo clip de Cocanha, "Dempuèi Auriac"

A cette occasion, la rubrique occitane du lundi et son blog marquent le coup et vous proposent plusieurs textes originaux d'auteurs...et de saison. Daniel Chavaròcha nous amuse sur le nom de la rubrique ; Joan Ganhaire nous emmène au commissariat de Maraval où même le commissaire Darnaudguilhem et son équipe ont le droit de fêter Noël ; Micheu Chapduelh nous rappelle que l'hiver est bien la saison de l'homme. Toute la semaine, d'autres textes de Patric Ratinòt et Joan-Claudi Dugros seront proposés sur le blog. Bona legida a tots !

Denis Gilabert