Ok

En poursuivant votre navigation sur ce site, vous acceptez l'utilisation de cookies. Ces derniers assurent le bon fonctionnement de nos services. En savoir plus.

Jaumeta Beauzetie

  • Impasse de las Charrieras a Pueg Ardich, per Jaumeta Beauzetie

    Jaumeta Beauzetie 2018.JPGDins lo vilatge desert en ivern, en davalant lo pitit chamin baptisat « Impasse de las Charrieras », pense a tota 'quela gent que vivian 'quí, dins las annadas 1950, aura dispareguts... 

    A gaucha, la pita maison de la Fauriena, granda femna drecha, 'bilhada de negre, coifada d'un colet, aus dets plejats que m'impressionavan (n'un diriá aura que 'la sufriá de la malaudia de Dupuytren) que l'empaichava pas de far son vargier en naut de l'escalier de peira e que me balhava daus plants de « ribans », sòrta d'erba de la pampá invasiva... e... qu'a, aura, tot envasit !

    Coma 'l'aviá 'na chabra que 'la fasiá chabridar tots los ans, au printemps...(me sovene de l'odor fòrta dau boc, quand veniá, que me portava lo vent dau chamin !), 'la me laissava anar jugar coma 'quilhs dos pitits bidons ! Quau bonur de los veire espingar, plen d'energia e se potonar ! 

    Aura, l'estable es formidablament convertida, en cosina d'estiu per daus noveus vesins angles qu'an beucòp de gost.

    Juste a costat, la chaudiera de la Janeta que fumava, ente fasiá cueire sos chauls e pinambors de la bacada per una gròssa tròia que viviá dins un tot pitit estable enconhassat dins lo mur en fàcia, darrier 'na pòrta en boesc, juste sos lo vargier. Lo forn s'es esbolhat, lo mur tanben e demòren de las grossas peiras que rollen daus còps dins lo chamin. 

    Dins l'espaci de la maison dau relotgier, que fuguet rasada per empeirar lo chamin dau Maurin, duermen las veituras d'un vesin colleccionaire de Citroën CX.

    La granja dau relotogier esbolhada aitot, se garnis de rondres, de nosilhieras e de pès de noah. vinha que pòrta d'enquera daus rasims dins lo plais.

    Au n° 60, la pita maison d'Enric aus contravents verts, ren n'a bujat dempuei son despart en 1993 ente s'aviá endurmit una nuech, per l'eternitat... que faguèt dire au medecin vengut lo matin per constatar sa mòrt «il sourit, il ne s'est même pas rendu compte qu'il était parti ! ». Un chastenh a frotjat en naut dau vargier, la pintura daus contravents s'es escalhada, lo bas de la pòrta es ronhada per l'umiditat mas ten d'enquera. Enric, un vesin discret qu'aimava rendre service aus uns e aus autres. Sa mair, la Françèsa, apres sos acoijaments, partiá chas daus borgés de Charanta per balhar son lach. Era nurriça. Bien tractada, bien nurrida, 'la deviá pas pensar a sos pitits que beurian lo lach de la chabra... Enric ne'n aviá segurament sufert mas n'un ne'n parlava pas a 'quela epòca... 

    Eu trabalhava coma obrier agricòle chas los uns e los autres. Era nurrit, un pauc paiat... Partiá lo matin dabora en petaron e tornava a la nuech. 

    A la retirada, qu'era un plaser de l'auvir s'esbadalhar benaise, au moment de la siesta ! Aimava peschar a son estanchon... eu desvirava quauquas peiras dau chamin per trobar daus vermes qu'eu barrava dins un bocau de chicoreia e lo veiquí partit per l'apres-miegjorn a peschar sas carpas.

    Un jorn, apres daus tractaments contra las meschantas erbas dins las terras dau dessus, las carpas monteren totas a la surfaça, ventre en l'aer... lo pescha fuguet 'chabada. 

    Aviá barrat son coderc per elevar quauques moltons, per lo plaser... un pitit anheu, qu'èra estat oblijat de nurrir, lo seguiá pertot !

    N'un diriá auei qu'eu aplicava l’idéia de « sobrieté heureuse » dins nòstra societat de consomacion : un jorn, son botilhon en cuer de bona qualitat prenguèt l'aiga, dau biais drech e quò l'esmalissiá d'estre oblijat de 'chaptar un autre parelh... « la chauçura gaucha 'nava plan bien » !

    Bien entendut, la linga que se parlava dins lo chamin era sustot l'occitan.

    Autre monde, autras valors.... autra faiçon de viure...

    Jaumeta  Beauzetie 

  • Tous enchantés par la 14e journée du chant occitan: L'Enchantada

    Un message de Jaumeta Beauzetie de l'Union Occitane Camille Chabaneau de Nontron:

    Après l'accueil des premiers arrivants au Café associatif « Br'oc branlant », un échauffement vocal et des chants à l'unisson,animé par Patric, le public s'est retrouvé à l'église pour le 1er concert de la journée du chant, à 16 h 30.

    Chant'Oc Greu, groupe vocal de St-Auvent en Haute-Vienne, dirigé par Benoît Ribière a fait raisonner, sous les voûtes moyenâgeuses de l'église de St-Estèphe, ses magnifiques chants polyphoniques traditionnels recueillis.

    A 17h 30, à la salle des Fêtes, l'Atelier Sarladais de Culture Occitane (L'A.S.C.O.), au grand complet, dirigé par Daniel Chavaroche, offrit, comme à l'accoutumée ses fameuses « pastichadas » comme « los grilhons » sus l'air de « only you » pour le plus grand plaisir du public ! Ce sympathique groupe fait aussi référence à de nombreux auteurs occitans. 

    A 19 h, grâce à une météo favorable, l'apéritif, servi à l'extérieur, fut très joyeux et festif.

    Autre moment convivial, le repas partagé où se firent entendre les chants participatifs animés par « lu Ratinòc » et Laurence Peytour, à accordéon.

    En début de soirée, venus de la lointaine Provence, les artistes d' AZALAÏS ont fait découvrir au public, très à l'écoute, des chants subtils de Troubadours et Trobairitz. L'émotion était encore au rendez-vous !

    Autre style avec le sextuor « ABAL », jeunes périgourdins percutants et dynamiques, qui a conclu la 14e Journée du chant occitan « L 'Enchantada ».

    L'Union Occitana Camille Chabaneau, après deux années de Covid, s'est félicitée de retrouver, enfin, un public très nombreux, attentif et parfois venu de loin ! Son concept participatif a été atteint grâce à de nombreuses interventions chantées. L'autre objectif étant de présenter un large éventail de styles de créations occitanes a également été atteint avec la découverte pour certains de chants de Troubadours.

    Les organisateurs tiennent à remercier tous leurs soutiens comme le précieux concours des services techiques de l'Agence Culturelle, très efficaces ainsi que tous les groupes et le nombreux public qui ont permis de faire de cette journée, une réussite totale !

    Bien sûr, la 15e Enchantada est déjà en préparation pour continuer à faire vivre notre langue et notre culture.

    azalaïs.jpgABAL.jpgegleisa.jpgChant'Oc Greu.jpgL'ASCO.jpglaurence e Patric.jpgrepas.jpg

  • « Googlelisacion » de nòstras charrieras, per Jaumeta Beauzetie

    charriera.jpgNoveutat dins las campanhas dau Nontrones : auram tots un « limerò » coma disiá ma defunta vesina, la Marcela e de novelas plancardas en naut daus chamins.

    'Chabats los torns daus vilatges per trobar la maison ente demòren la gent que voldriatz veire... que vos eschivaran de vos far embrucir per un chin ò una coada d'auchas mas que vos fasian discutar coma los vesins surtits sus lurs bassuelhs, quand vos vesian aprupchar. En mai de las explicacions per trobar la bona maison, parlavatz dau merchat ente beleu eran partits ò autras consideracions que vos fasian tot parier, perdre dau temps... e coma tot lo monde sap, « lu temps qu'es de l'argent » !...

    Aura, pus de problema ! Brancharatz vòstre GPS « Global Positioning System” « Geò-posicionament per satellite» sus vòstra veitura e dirijat per lo ceu, còp sec, 'ribaretz au metre pres davant la bona pòrta !

    Per aver la fibra optica (fiu de veire que laissa passar la lumiera per las informacions, beucòp mai rapidament que lo fiu de coire), foliá metre en plaça « l'adressage », explica la Marie-Laure, secretaria de Meraria, per fin que chasca maison siá localizada. Quel equipament vos permetrá per exemple de veire daus filmes entiers sus vòstre telefòne dins vòstre vergier en plaça de visar possar vòstras favas, lissas ò mongetas... lo progres !

    Problema, coma chausir 'quilhs noveus noms ? Lo Sergí Virolet, lo Mera e sos conselhiers an tot simplament surtit lur cadastre per visar los noms de las parcelas. Qu'es entau qu'an trobat la rota de « Bécassou », dau « Château du lièvre ». E quand lo nom i figurava pas, an essaiat de veire au pus pres de la gent... coma « l'impasse du verger » en sovenir de Roger de Verlena qu'aimava beucòp empeutar los aubres... ò de tenir compte dau pitit patrimòni coma lu « four à chaux », « four à pain » « du puits ». Per l'eficacitat de la sinhalisacion an ajostat « route du golf », « route du camping »... Una plancarta es marcada en occitan « impasse de las charrieras » a Pueg Ardich... en sovenir daus ancians que vivian dins 'queu vilatge. Notam que la comuna de Firbes a revirat tots sos paneus en occitan. Brave trabalh. A Milhac, lo Mera a tanben damandat a l'associacion « Union Occitana Camille Chabaneau» de balhar daus noms d'auseus en occitan. A Vers Ceus Sent Angeu, an volgut rendre omatge a tots los mòrts de la guerra de 14 per los noms de ruas. A Bussairòla, an prengut daus noms d'aubres mas coma ne'n mancava an botat tanben lo bananier ! A Ajac, se son sovenguts de la revòlta de 1640 per los noms dau vilatge de Farjas. Brava creativitat !

    Fin 2021, annada ente mai de modernitat ven de chabar d'entrar dins nòstras vitas ! 

    Jaumeta  Beauzetie

    charriera Firbes.jpg