En poursuivant votre navigation sur ce site, vous acceptez l'utilisation de cookies. Ces derniers assurent le bon fonctionnement de nos services. En savoir plus.
Bonjorn tot lo monde!
Sèi a legir : La coa de la cabra de Cristian Laus .
Una cronica d'un vilatge lengadocian dins las annadas quaranta .
Cadriá far legir aquela pagina a tots los que se carpinhon per crompar del papièr-cuol a bèles cents!!
Bona jornada confinhada!
Brigita
Per nos ocupar musicalament e d'un biais plasent, Patric Ratineaud nos a preparat una lista de 40 chançons e comptinas, emb textes en francés e en òc, mai lo son sur MP3. Nos los fara segre pauc per pauc.
Anuech, veiqui "Monsur gròs det" et "Los penons".
Braves amics
De segur avèm arrestat totas nòstras activitats de l’ASCO (atalhers de lenga, de musica, de dança, la chorala, los cafés òc…) e quò vai durar !
Assaji de far gardar al monde lo sens del contact e de la comunicacion en òc lo mai possible. A la chorala, per exemple, contunhi d’enviar de temps en temps : cants pastissats, petits contes, istòrias, paraulas…Me sèi pensat que quò seriá benlèu possible de l’espandir a d’autres ciucles occitans de Perigòrd. Lo temps, n’avèm…
Consinhas :
a cada document i aje l’enregistrament MP3 e lo texte
que degun zo bòte sus facebook o d’autras combinalhas telefoniquejantas onte serián utilisats per d’autras causas.
demorarán de documents d’utilisacion estrictament interna al grope
Vos mandi una pastissada qu’ai passada als cantaires de l’ASCO (que son pas tots occitanofònes plan se’n manca !).
La cantarèm segur tanlèu que nos podrèm tornar trobar.
Lo dijòs, mandi ça qu’apèli « Lo petit conte del dijòs ». De contes per los enfants qu’utilisavi dins las classas d’òc. Ajudan lo monde que son pas finament occitanofònes a comprèner un pauc mai.
Aquel es un petit conte que fasiái dire als drollets de 5 a 7 ans. Lo vos junhi tanben, emb d-un jorn de retard…
Si coneissètz de gropes que voldrián dintrar dins lo circuit, me podètz enviar lors mèls.
Vos espèri en bona condicion fisica e morala
Tenètz-vos fiers
Danièl