"La musica m'a causida a jo!" çò-ditz Alidé Sans
A l'occasion de la jornada occitana de ligason collègis e liceus a Perigüers lo 5 d'octòbre 2018, daus eslevas de 3esma daus collegis de La Coquilha e Sent-Abre an pogut far una intervista en occitan a la jòuna chantairitz venguda de la Vau d'Aran en Pireneus espanhòlas. Alidé donet un concert plan vivent coma son guitarista Paulin Courtial dins los vergiers de l'Espaci Culturau François Mitterrand.
Q : Qual atge as e quantben de lengas parlas ?
Ai 25 ans, parle l'occitan aranés , ma lenga de familha e lo catalan, l'espanhòu, las tres lengas oficalas en Vau d'Aran, mai lo francés e l'inglés.
Q : Quora as començat d'aprener la musica ?
Dempuei totjorn, en familha, a l'escòla enfantila. M'acompanhe a la guitarra e a l'accordeon, juegue de pianò tanben mas Paulin Courtial , que m'acompanha, es guitarista professionau.
Q : Perqué as chausit la musica pusleu que lo dessenh, la dança... coma biais de t'exprimir ?
La musica m'a causida a jo ! Aquò se faguet naturalament.
Q : Perqué as chausit l'occitan e non pas una autra lenga ?
Perque es la lenga meuna, pòde m'exprimir d'un biais mai sincere.
Q : De que te ven l'inspiracion ? Coma fas per compausar ?
L'inspiracion ven de l'experiencia de la vita. En generau, compause soleta, parte de la musica, lo texte ven apres, ne'n parle a Paulin e fasem los arranjaments ensemble.
Q : Que pensa ta familha de ton engatjament per la musica ?
Aquò es pas totjorn aisat perqué aquel trabalh balha pas tant de tranquilitat e de stabilitat financiara que non pas un autre.Son contents de veire que sei urosa de far çò que m'agrada.
Q : Quals autras artistas t'influençan ?
Silvana Estrada , d'America del Sud, Mireka, Berota Ingo.
Denis Gilabert e los eslevas
Lien permanent
Catégories : Actualitats, actualité, Musica, chants e dança
Joan-Pau Verdier e Nicolau Puech nos informan que lo convidat de l'emission dau diumenc 14 d'octòbre 2018 a 11 oras sur França Blu Perigòrd sera Alexandre Chiavassa de Vittorio, animator de la matinala de Radiò Occitania a Tolosa.
Joan-Pau Verdier e Nicolau Puech nos informan que lo convidat de l'emission dau diumenc 7 d'octòbre 2018 a 11 oras sur França Blu Perigòrd sera Guilhem Lopez per parlar dau noveu CD que ven de surtir coma son amic Clamenç Ros : "Canard Isard" dau duò Thoux Azun.