Joan-Pau Verdier e Nicolas Peuch nos informan que lo convidat de l'emission dau diumenc 3 de setembre 2017 a 11 oras sur França Blu Perigòrd sera Pierre Coussy que parlara de la sieisièma edicion dau festenau "Mascaret" que se debanara a Bordeu dau 29 de setembre au 4 de novembre.

Meitat chen , Meitat pòrc , chasque diumenc a 11 oras  sur França Blu Perigòrd!

Veiqui lo ligam vers França Blu Perigòrd

e lo ligam vers lo site de Joan-Pau Verdier

Jan dau Melhau nos fará lo plaser de venir chantar 17 chançons de son CD "Gent qu’Espleitas" au Grand Lac, comuna de Javerlhac, lo diumenc 17 de setembre a 5 oras de l’enser.

Sira acompanhat per los guitarristas Marianne Tixeuil e Frédéric Chabalier.

Los que voldran podran demorar aprep lo concert per prener ensemble un repas tirat dau panier.

Coma de costuma, metram quauques sòus dins una envelòpa a l’entrada dau concert per paiar los despens daus artistas.Faram pus aisat per organizar ’quela serenada si la personas que vòlen venir se marquen d’avança per internet ( a reydy@orange.fr ) o ben au 05 53 56 00 39.

Informacion de Jan-Peire Reidi

Auvetz Occitanistas !
N’i a pas que la musica tradicionala e folclorica.
Drubetz vos a la diversitat : la musica classica contemporala (o sabenta) en occitan exista ben e beu !
Surtissetz de vostre zòna d’aise…

Lo 15 de julhet, recitau liric de melodias en òccitan emb (seconda partita)

Brunò Rossinhòu (piano) e Matilda Rossinhòu (mezzo-soprano) que chanterá de las òbras de
Canteloube, Beroi, Rossinhòu…

Au "Festivau de la forest en scena" a 20 oras 30 a Sent Estefe de Puei Corbier rasis Moissidan
Dins los bòscs… de « la Fortuna »

Reservacions e rensennhaments : festivalforet@orange.fr – 06 60 35 46 10
Associacion «  Musica au molin »

De veire, lo facebook de Matilda Rossinhòu: https://fr-fr.facebook.com/Mathilde-Rossignol-210471068967270/