Dimecres 24 de junh 2023, Henri Stassinet, director de França Blu Perigòrd convidet la premsa e la familha e los amics de Joan-Pau Verdier a la pausa de la placa que dona lo nom de Joan-Pau Verdier a l'estudiò onte enregistrava sas emissions de 1995 a 2019, en companhia de Marçau PeironI mai Nicolas Peuch emb l'ajuda tecnica de Franck Lutton. M. Stassinet insistet sur la trabalh remirable que faguet Joan-Pau per la stacion e l'occitan.

L'eveniment se debanet en presencia de Katy e Louis Verdier, eposa e filh de Joan-Pau. La placa fuguet dessenhada per José Corrèia.

Marçau Peironi, professor d'occitan au collegi e au liceu Bertran de Born a Perigüers donet totplen d'anectòdas sur sa collaboracion coma Joan-Pau. La chausida dau nom de l'emission "Meitat-chen, meitat-pòrc": voliam una emission duberta a tots e pas nonmàs aus occitanistas, alaidonc fagueren la chausida d'un biais de dire popular e plan conegut dau monde perigòrd, onte lo monde son meitat-chen, meitat-pòrc e en Lemosin son meitat-chen, meitat-coquin".

"Los ròtles eran separats entre nosautres dos. Joan-Pau era lo serios, lo clown blanc e io, lo clown auguste; me sovene de crisas de rire...Joan-Pau era conscient de la valor de son òbra unica, en francés, en occitan, mas demoret umile. Era important, mas zo fasia pas sentir aus autres. Katy Verdier m'ofret recentament un CD "Tabou le chat" per mon filh que lo fai virar en bocla!. Joan-Pau era jamai tant content que quand parlava coma dau monde dau pòble, daus paisans. Obludet jamai sas originas popularias de las ruas nuòvas a Perigüers".

" Quand Marçau me perpauset per prener sa seguida, çò -disset Nicolas Peuch, li respondi "Ses segur?" . Io, era un pauc impressionat. E ben, Joan-Pau sabia botar lo monde a l'aise. Dins las intervistas, sabia botar los convidats en valor. M'a format a prener la seguida de Marçau, era totjorn de bon conselh".

De mon costat vos perpause de veire l'album quauquas fotòs que prengui a l'epòca dins l'estudio de "Meitat-chen, meitat- pòrc", en clicar qui-dejos:

http://occitan.blogspirit.com/album/joan-pau-verdier-a-franca-blu-perigord/

De legir tanben, l'article que escrigui per los 20 ans de "MCMP"

http://occitan.blogspirit.com/archive/2015/09/14/vingt-bougies-pour-meitat-chen-meitat-porc.html

Message urgent envoyé par Marie-Jeanne Verny. Voir le lien en visio-connexion

18 h à 20 h salle Médicis – site Saint-Charles 2 de l’Université Paul-Valéry, tram Albert 1^er.

Lien visio-connexion : https://univ-montp3-fr.zoom.us/j/96870417335?pwd=TnlJNEdjaEdVODlQQ1BhTE92WHBZUT09

• En présence de Joan GANHAIRE, présentation des dernières œuvres de l’auteur
• Fabienne GARNERIN, Joan GANHAIRE. Entre rire et désespoir, un regard sur l’humaine condition, PULM.

Cette rencontre sera malheureusement l’occasion de rendre hommage à Fabienne Garnerin, décédée brutalement en ce début mars 2023.

L'ouvrage de Fabienne GARNERIN :  Joan GANHAIRE. Entre rire et désespoir, un regard sur l’humaine condition, PULM, 2022.

Joan Ganhaire a très vite été reconnu comme l’un des auteurs majeurs de la littérature occitane contemporaine. S’exprimant en dialecte limousin, l’écrivain bâtit un univers mi-réel mi-imaginaire, inspiré des paysages du Périgord et de l’Aquitaine, qui se perçoit d’abord par les sensations. Des hommes y cherchent leur vérité. Face à la mort sans cesse possible, face à la violence omniprésente, face à leurs propres défaillances, où trouver un peu de réconfort ? Les religions sont impuissantes à éradiquer le Mal. L’amitié ne fait pas disparaître le sentiment de solitude. Le seul secours reste le rire, un rire partagé dans lequel chacun avoue ses faiblesses et reconnaît en autrui son semblable. Rire, c’est s’éprouver ensemble dans une communauté joyeuse, c’est exorciser le Mal, c’est échapper à l’angoisse et retrouver sa liberté. À travers ses nhòrlas, ses romans de cape et d’épée, et surtout ses nouvelles fantastiques et ses romans policiers, Joan Ganhaire explore l’âme humaine avec toutes les ressources que lui offrent la langue et la culture occitanes.

Joan GANHAIRE

• Vent de sable, coll. ATots Crimis n°224, IEO et Novelum, Puylaurens, 2020.
• Enquestas de pas creire, Novelum IEO Perigòrd, Périgueux, 2021.
• Rendetz-vos au cementeri, coll. ATots Crimis n° 231, IEO et Novelum, Puylaurens, 2022.

Joan Ganhaire, médecin à Bourdeilles en Périgord, est l’auteur d’une œuvre foisonnante et multiforme : de la nouvelle fantastique au roman de cape et d’épée, l’écrivain s’est essayé à de nombreux genres littéraires. En 2004, il publie son premier roman policier, Sorne Trasluc, où apparaissent pour la première fois l’attachant commissaire Darnaudguilhem et son équipe. Dans Vent de sable, paru en 2020, le mystérieux assassinat d’un clochard conduit le commissaire jusqu’en Afrique, à la découverte d’un passé colonial peu reluisant. Enquestas de pas creire, qui regroupe six nouvelles publiées séparément, met en scène un détective privé, le Comte Gaëtan Caüsac daus Ombradors, et les deux acolytes sans lesquels il ne serait rien. Les chemins de Darnaudguilhem et de Caüsac finissent par se croiser dans Rendez-vos au cementeri, où l’un et l’autre enquêtent pour le compte de commanditaires différents. Conjuguant humour et férocité, l’auteur, dans ces trois volumes, emmène son lecteur dans des aventures plus improbables les unes que les autres…

Les rencontres occitanes sont organisées en partenariat avec le PEN-Club de langue d’oc.

Fabienne Garnerin nos a quitats en aquesta debuta de març… omenatge

Autora d’una tèsi magistrala sus Joan Ganhaire (http://uoh.univ-montp3.fr/1000ans/?p=839), veniá de ne tirar un libre editat per las Presses universitaires de la Méditerranée, de l’Universitat Paul-Valéry : Joan Ganhaire, entre rire et désespoir, un regard occitan sur l’humaine condition.

Lo títol causit dona idèa de l’ample e de la pertinéncia de son agach sus l’òbra d’un dels grands escriveires occitans contemporanèus.

Agregada de letras, e anciana professora de licèu, Fabienne aviá entreprés d’estudis d’occitan a l’Universitat Paul-Valéry un còp arribada a la retirada. Amb l’umilitat que la caracterizava, aviá començat en primièra annada de licéncia per l’ensenhament a distància, per acabar per lo doctorat. Rigorosa, exigenta, curiosa, cultivada, èra d’aqueles estudiants que vos rendon lo trabalh d’ensenhaire agradiu.

Es amb un plaser vertadièr que seguiguèri son trabalh de tèsi. Sa formacion de professora de letras li aviá donadas de qualitats redaccionalas, e tanben lo rèire-plan cultural e metodologic que li permetèron de trabalhar lèu, amb perspicacitat, amb l’umilitat dels mai grands. Sos escambis amb l’autor niriguèron sa vision critica originala.

Deviá èsser presenta al rescontre Sauramps de Montpelhièr per un escambi amb Ganhaire (Cf. http://www.felco-creo.org/23-03-23-rencontre-occitane…/).Se’n fasián un plaser, un e l’autre. Joan Ganhaire serà aquí, mas Fabienne i serà pas que per la pensada, ailàs.

E mai aviá presa la responsabilitat d’un numèro de la revista Plumas consacrat a Ganhaire : https://plumas.occitanica.eu/588… Un numèro que bastirem sens ela, mas en memòria d’ela

Fabienne la ciutadana èra estada dels responsables del pargue natural de Millevaches (https://www.pnr-millevaches.fr/), elegida dins sa comuna de Meymac en Corresa e fòrça implicada dins l’IEO Lemosin.

Intelligenta, cultivada, curiosa d’aprene e prigondament modèsta, èra d’una granda luciditat de cap al monde, çò qu’empachava pas la benvolença de son agach.

Nos vesiam cada estiu, a l’Estivada de Rodés, dins mon ostal del Cantal o dins lo sieu de Corresa. Aimàvem, l’una e l’autra, las caminadas a pè, la culhida de fruchas salvatjas, la mangiscla simpla en bòrd de riu, los rires partatjats e las longas convèrsas compliças… M’aviá entrainada, per la Santa Estèla de setembre de 2021, a Mende, per dos jorns de fèsta felibrenca, ont nos èrem regaladas, entre agach distanciat de las occitanistas que sèm e plaser d’escambiar amb d’amics del Felibritge.

Èra aquò tanben, Fabienne : un engatjament occitanista soscat, mas una dubertura prigonda a l’alteritat. Amb d’idèas umanistas plan claras, lo refús del racisme e de l’embarrament identitari, entre autres

Marie Jeanne VERNY

« Un octogénaire plantait. »

Jean de La Fontaine, Le Vieillard et les Trois Jeunes Hommes

Fai un moment que vos ai pas donat de novelas de mas ’belhas. Tres ans benleu. Vos rapelas ? Tots mos bornats moriren : los neonicotinoïds, lo varroa, lo burgaud… E ’queu noveu bornat que ’chaptí I a dos ans e que m’a pas enquera donat un sole grama de miau ! Per li aidar passar l’ivern, fuguí oblijat de nurir mas paubras ’belhas emb un pauc de sucre fabricat exprès, chausa que aviá jamai facha. Ma fe, quò deguet ben lur plaire, perque la colonia frotget talament que eissamet la setmana passada. Quo es la sason.

Vos damandatz benleu si poguí culhir l’eissam ? Òc plan, lo ’massí, mas quò se faguet pas tot sol. Pas coma quante l’eissam entra sens se far convidar dins un pitit bornat de cinc quadres bien plaçat de la bona nautor, virat dau costat dau levant, preste per lotjar tot ’queu pitit monde. Non, ’queste còp, volgueren a tota fòrça s’aisinar jos la teulada de la maison. Quò me fasiá crema d’estre oblijat de destruir tot ’queu pitit pòble vivent, valhent, precios, mas nastre que lo diable, si las podiá pas far surtir e se pausar pus loenh. Urosament, l’endeman, auví un còp de mai lo vonvonament de bateurza de las ’belhas que volavan e viravan coma fòlas d’un costat de l’autre totas en mesma temps. De creire que avian ’chabat per trobar maujauventa la fumada de l’enfumador pausat sus lo bòrd de la fenestra, una fumada aspra que montava jos las jabletas despuei l’enmatin. Non, credí pas « Pausa bela, pausa bela » e tustí pas sus daus gatges de cosina, coma se fai ’questes temps, mas totparier l’eissam aguet la bona idéia de s’anar pausar pas tròp naut sus un prunier dins lo vargier daus aubres fruchiers.

Coma far per culhir ’quela brava grapa bruna belinaira ? Si òm podiá plaçar un pitit bornat dejos l’eissam e far tombar l’eissam dedins… Entau faguí. Secodí la bròcha, e… – miràudia !– las ’belhas s’i podian pas conhar pro viste ! Quo era tot vut, la reina era dedins. 

Lo ’belhaire contròlla sas emocions e demòra suau per pas esfoudir las ’belhas, mas ne’n a pas paur, per l’amor que las ’belhas gorjadas de miau fissen pas pendent l’eissamatge. 

Un còp que fugueren totas dedins, portí còp sec lo bornat a la plaça que aviá chausida per se. Voldrian-t-elas i demorar, o ben tornarian-t-elas partir per contunhar lur vita de ’belhas dins quauqua cabòrna o ben quauque cròs de mur ? L’endeman matin, plan benaisas dins lur novela maison, sus los quadres de cera nuòva que sentian a bon, avian començat de trabalhar… e de fissar los que las desrenjavan ! Tres jorns pus tard, a la tombada de la nuech, las metí dins un bornat de dietz quadres, pensant que auriá mestier de l’autre si per cas trobava un autre eissam. Los cinc quadres que venian dau pitit bornat, plaçats dins lo grand l’un contra l’autre dins lo mesma òrdre, eran entierament cuberts de ’belhas. Un brave eissam !

Faguí bien de las chamjar de bornat per recuperar lo pitit, perque passat-ier aguí mestier dau gatge per lotjar un autre eissam que se venguet pausar dins un perier. Faguí parier coma per lo la setmana passada. E veiquí un pitit chaptau de tres bornats !

Arser, sus Arte, fagueren veire las roinas daus sitis arqueologics de Mesopotamia laissadas per l’Estat islamic. Los sauvatges destrusian sistematicament « ’quelas marcas de supersticion de pòbles daus passats » que coneissian pas la fe vertadiera. Pilòts de gravàs ente de las « ziggorats » eran d’en-pès despuei cinc o sieis mila d’annadas. E, espansilhats deçai delai sus lo sable dau desert : troçs de colomnas ente se vesen enquera daus guerriers assirians emb lurs casques e lurs arcs, e de peiras que pòrten daus bocins de textes en escritura cuneïfòrma… Tots ’quilhs tresaurs de la prumiera civilizacion urbana de l’umanitat besilhats, esbolhats, esbocinats, explosats, per daus barbares modèrnes… Religion venguda barbaria o ben barbaria mascarada de religion ? E tot dau long de l’emission, los telespectators seguen un vielh sabent iraquian emb sa cana e son gròs ventre au mitan de las roinas. Vai sus tots los sitis per l’amor de preparar lo trabalh de los que sauvaran la sciéncia de son país.

De mon costat, ’masse çò que pòde de çò que s’es sauvat dins la natura, dau temps que contunhem de destruir, de ne’n ’rachar los plais e los aubres, de tuar los insectes e los auseus, de chaulhar l’aer e l’aiga e de d’atacar lo quite patrimòni genetic de l’estre uman. Dins ’quela guerra menada contra la natura, un eissamatge es un miracle. Un bonur per lo ’belhaire ; lo fau pas laissar fugir… Sauvar çò que pòt z’estre, far frotjar çò que promes de far daus pitits e de donar dau miau. Parier coma l’occitan.

A Javerlhac, lo 7 dau mes de mai 2023

Jan-Peire Reidi

De legir lo blògue de Jan-Peire Reidi: http://www.lochamindelafont.com/