Messatge de Sigolène Cabié

TALHIER OCCITAN
Maison Occitana de Perigòrd
21, rua Béranger
24000 Perigüers
A 20 oras 30

Lo 12/10/2023 : convidat  l'escrivan Joan Ganhaire
En omenatge a Fabienne Garnerin, autriça dau libre “Joan Ganhaire : "Entre rire et desespoir, un regard occitan sur l’humaine condition”

Lo 09/11/2023 : convidada Jaumeta Beauzetie
Los personatges de la mitologia lemosina dins l’obra dau pintre  Pierre Rapeau

Lo 07/12/2023 : convidat Joan Claudi Martegoute
Flora daus cauces de Perigòrd per un especialista de las plantas de la region

Lo 04/01/2024 : convidada Anna Charieras
Jòuna metge afogada d’Istòria de la Medecina, Anna a trabalhat a l’espitau Vauclaire

Lo 01/02/2024 : convidat Patric  Chalmel
Per nos presentar son darrier libre “Memòria de raiç e promessa de fruchas”

Escotisson: 10 € l'annada
Entresenhas : 06 23 91 65 23 o 06 67 78 86 75

L'associacion Novelum IEO Perigòrd edita una revuda au trimestre, disponible en venda per abonament sur la botica en linha de Novelum : https://www.novelum-ieo24.fr/product-page/paraulas-de-novelum-abonnement-1-an-4-num%C3%A9ros.

Ne'n veiqui lo sommari, comunicat per Joan-Micheu Bardou que ne'n es lo responsable coma Joan-Claudi Dugros :

Ressons de legida  

Joan-Peire Lacomba nos presenta un recuelh de crónicas escrichas per une "jòune òme de quatre còps vint ans", "Un pauc d'autres còps e ne'n parlar enquera – Histoire de parler"

Taulejada en temps de pesta 

Emb son talent costumier, Joan-Peire Reidi nos fai descrubir "en vèrs blancs de onze sillabas", una corta tragedia d'Alexandre Posquin revirada dins lo mai beu respect de l'autor. 

Poemas 

Joan-Gui Peironin, que coneissem per èsser passionat d'arqueologia, mai reviraire e chantaire en òc daus textes d'Ugues Aufray, nos ofris dos poemas de son crud… 

Un òme umil 

Raimon Bousquet se remembra un ortejaire daus còrs…

Toponimia :  
Queste còp, Joan Rigosta, qu'es pus de presentar mai, s'interessa eu tanben aus "Casal, òrt, jardin, vargier…" en nos perpausar dins queu prumier article, totas las declinasons toponimicas dau mot "casal"… en esperar la seguida. 

Remembrança 

Murielle Truffy nos conta los sovenirs de sa granda daus temps de l'ocupacion …

Plaça dau marronier 

Jaumeta Beauzetie veu tornar viure un luòc char a son còr…

Cerchatz la femna (3esma pertida)  

Joan Ganhaire luira aquí la fin d'una enquesta passionanta dau comissari Alexandre "Sandron" Darnauguilhem.

E per ocupar vòstre estiu :

De bon legir : "Mina de plomb, Mina de ren" de Cecila Chapduelh. De comandar a la botica de Novelum : Boutique | Novelum IEO Perigòrd (novelum-ieo24.fr)

De visitar : lo Museu dau Tabat de Brageirac, visita contada en occitan, 
sus reservacion au 05 53 63 04 13 / musee@bergerac.fr

Dimecres 24 de junh 2023, Henri Stassinet, director de França Blu Perigòrd convidet la premsa e la familha e los amics de Joan-Pau Verdier a la pausa de la placa que dona lo nom de Joan-Pau Verdier a l'estudiò onte enregistrava sas emissions de 1995 a 2019, en companhia de Marçau PeironI mai Nicolas Peuch emb l'ajuda tecnica de Franck Lutton. M. Stassinet insistet sur la trabalh remirable que faguet Joan-Pau per la stacion e l'occitan.

L'eveniment se debanet en presencia de Katy e Louis Verdier, eposa e filh de Joan-Pau. La placa fuguet dessenhada per José Corrèia.

Marçau Peironi, professor d'occitan au collegi e au liceu Bertran de Born a Perigüers donet totplen d'anectòdas sur sa collaboracion coma Joan-Pau. La chausida dau nom de l'emission "Meitat-chen, meitat-pòrc": voliam una emission duberta a tots e pas nonmàs aus occitanistas, alaidonc fagueren la chausida d'un biais de dire popular e plan conegut dau monde perigòrd, onte lo monde son meitat-chen, meitat-pòrc e en Lemosin son meitat-chen, meitat-coquin".

"Los ròtles eran separats entre nosautres dos. Joan-Pau era lo serios, lo clown blanc e io, lo clown auguste; me sovene de crisas de rire...Joan-Pau era conscient de la valor de son òbra unica, en francés, en occitan, mas demoret umile. Era important, mas zo fasia pas sentir aus autres. Katy Verdier m'ofret recentament un CD "Tabou le chat" per mon filh que lo fai virar en bocla!. Joan-Pau era jamai tant content que quand parlava coma dau monde dau pòble, daus paisans. Obludet jamai sas originas popularias de las ruas nuòvas a Perigüers".

" Quand Marçau me perpauset per prener sa seguida, çò -disset Nicolas Peuch, li respondi "Ses segur?" . Io, era un pauc impressionat. E ben, Joan-Pau sabia botar lo monde a l'aise. Dins las intervistas, sabia botar los convidats en valor. M'a format a prener la seguida de Marçau, era totjorn de bon conselh".

De mon costat vos perpause de veire l'album quauquas fotòs que prengui a l'epòca dins l'estudio de "Meitat-chen, meitat- pòrc", en clicar qui-dejos:

http://occitan.blogspirit.com/album/joan-pau-verdier-a-franca-blu-perigord/

De legir tanben, l'article que escrigui per los 20 ans de "MCMP"

http://occitan.blogspirit.com/archive/2015/09/14/vingt-bougies-pour-meitat-chen-meitat-porc.html