Gràgrà, de Jan-Peire Reidi
Variacion de Jan-Peire Reidi a l'entorn de l'actualitat politica sur una comptina per pitits... Una esmaliciada de l'autor.
°°
Grà, grà, grà dins ’queu pitit país plat
La guerra i a passat
’Queu-quí la ’lumet
’Queu-quí la faguet
’Queu-quí l’atiset
’Queu-quí la ’viset
E lo pitit mermilhon mermilhon mermilhon que se voliá chaufar
Glaç-glaç ’queste ivern
Grà, grà, grà dins ’queu grand champ de blat
La roina i a passat
’Queu-quí l’espandet
’Queu-quí la trobet
’Queu-quí la laisset
’Queu-quí ne’n profitet
E lo pitit mermilhon mermilhon mermilhon qu’esperava tant
Crebará de fam
Grà, grà, grà dins ’quela granda ciutat
La bomba i a tombat
’Queu-quí, lo cramet
’Queu-quí, l’esbolhet
’Queu-quí ne’n crebet
’Queu-quí ne’n sentit lo bufe
E lo pitit mermilhon mermilhon mermilhon que voliá frotjar
Clocon dins l’infern
Grà, grà, grà dins ’quela umanitat
La sechiera a passat
’Queu-quí, l’estofet
’Queu-quí, l’empoisonet
’Queu-quí se’n fotet,
’Queu-quí ne’n venguet pus riche
E lo pitit mermilhon mermilhon mermilhon que damandava ren
L’esmalit lo prenguet
A Javerlhac, Lo 31 d’octòbre de 2022
Jan-Peire Reidi
Lien permanent
Catégories : Jan-Peire Reidi
L'animator Nicolas Peuch nos infòrma que lo convidat de l’emission dau diumenc 30 d’octòbre a 11 oras sur França Blu Perigòrd sera l’escrivan Jan-Peire Reidi per parlar de son noveu libre + CD « Per l’amor, cronicas de vita e de linga », 22€ chas Novelum IEO Perigòrd en partenariat coma França Blu Perigòrd.
Vendredi 4 novembre 2022 à partir de 19 h , le Parc Naturel Périgord Limousin et l'association Novelum IEO Perigòrd vous invitent gracieusement à la grande "Velhada occitana" de présentation des nouveautés littéraires de la rentrée à la salle des fêtes de Milhac de Nontron.