Joan-Pau Verdier e Marçau Peironi nos informan que lo convidat de l'emission de questa dimenjada sera
Patric Salinié dau grope Peiraguda, autor, compositor, chantaire...

Meitat chen , Meitat pòrc , chasque diumenc a 11 oras 30 sur França Blu Perigòrd!

Veiqui lo ligam vers França Blu Perigòrd

France-Bleu Périgord

e lo site de Peiraguda

Gilbert Borgés nos conta sas vacanças en Catalunha a la fin de l'an passat.

Prumiera partida : Aira de servici.

°°

Quo es decidat : nos en anem a l'entorn de nòus oras mas ma femna a sonat sos parents per lor dire de pas venir avanç dietz oras. A dietz oras demiá, las valisas son conhadas dins la veitura, las cinç cinturas son baradas e nos veiqui partits. Som partits tardiers mas som partits l'enmatin e quo es desjá pas mau !

Rotlem doas bonas oras 'vancès de nos 'restar sus una aira de servici de l'autopista aprep Briva. Se passa totjorn de las chausas interessantas a 'queu endrech. Espere pas estre deçaubut aqueste còp. Quo es pas la bona ora per se 'restar, i a tot plen de monde, mas quò fai mai de doas oras que rotlem e quo es mai prudent.

Au mitan dau hall, un productor de trufas e de cacaus a installat una taula. Dessus, i a tres belas trufas dins una boitiá de plastic tranparent, de las cagetas de cacaus e daus bocaus de champanhòus secs. La gent fan lo torn de la taula en demorar a dos metres coma si riscavan quauqua ren. M'aproïme per apreciar la merchandisa e per blagassar. L'òme es blanc de piaus, roge de peu e violet de nas. Se bòta d'espiar sos pès en virar mai roge d'enquerra e fai coma si me vesiá pas. Quò vai pas estre aisat per se de vendre sa besunha. Se passa totjorn de las chausas interessantas a 'quel endrech...

Anem tots tombar de l'aiga. Quò fai la coa davant las toaletas, coma davant la pòrta de la cantina dau liceu a miegjorn. 'Queu còp, las toaletas son drubertas. Las filas davant son nonmas l'effiech de l'afluença a l'ora dau marende.

'Chabem per nos trobar campats tots cinç autorn d'una nauta taula granda coma una 'sieta. Mirelha suert los cassa-crostas de son sac e fai la distribucion. Ai fam. Minge viste. Ai nonmas 'chabat mon cassa-crosta que vese un tipe vestit d'una especiá d'unifòrme de color risolenta, entre lo verd e lo gris, emb dins son eschina lo nom dau minja-viste-e-tira-te-leu conhat un pauc mai loenh que fai descampar la gent de la taula rasis la nòstra. Fai de grands gestes, e mostra las taulas defòra, jos la ploïa. Parla fòrt e sembla pas tròp aimable. Segue daus uelhs lo grope que vai vers la pòrta e se 'resta faciá a la ploïa que davala fòrt. Vise un pitit paneu pejat a la vitra : « cassa-crosta defendut ». L'òme pas comòde es partit fotre los minjaires d'una autra taula defòra. Se passa totjorn de las chausas interessantas a 'queu endrech...

Me despaiche d'anar comandar quatre cafes. Una fila d'una dietzena de metres s'eslonja davant sa botica. Tres filhas corren per essaiar de siervir lo monde. Sonen a grandas credadas l'òme pas comòde que 'chaba per s'en tornar en getar daus viras d'uelh meschants a la gent autorn de las taulas.

Me bòte au comptador e espere un quart d'ora. Las filhas contunhen de correr dins tots los senses e l'òme a disparegut. Una filha fai païar una practica e se vira vers lo comptador en credar : « lo seguent !

- Lo seguent voldriá quatre cafes, li dije. »

Ela fai dos pas, se quilha en faciá de me, cròsa los braç sus son parpalh e m'agacha dins los uelhs en fruncir severament las ussas. « Podetz dire bonjorn ! » çò-ditz d'una votz aiça de vielha regenta celibatara.

Sei pas deçaubut : se passa totjorn de las chausas interessantas a 'quel endrech...

Empuriabrava, lo 22 de decembre 2013 Gilbert Borgés

Le pôle occitan de l' Agence Culturelle organise sa première dictée occitane pour tous les membres des 33 ateliers de langue occitane en Dordogne, dans le cadre d'une journée qui se déroulera le 8 février prochain au Centre de la Communication, Cours Saint-Georges à Périgueux.

Cette journée, sur la thématique de l'écriture en occitan se déroulera en présence des ateliers de langue pour adultes.

La dictée sera réalisée en languedocien et en limousin, les deux dialectes occitans parlés en Dordogne.

A cette occasion sera lancé le projet d'écriture pour l'édition 2014  de Paratge  à Bourdeilles le week-end du 13 au 15 juin prochain.

Cette journée sera également l'occasion pour les ateliers de langue de faire connaître leur travail et leurs créations. Elle est ouverte également à ceux qui ne sont pas inscrits aux ateliers.

Renseignements et réservations à l'Agence Culturelle départementale Dordogne Périgord au 05 53 06 40 00.

Le programme:

10h-10h30: Point sur la politique départementale et présentation des missions de Novelum

10h30- 11h00: Présentation du projet d'écriture dans le cadre de Paratge 2014 à Bourdeilles

11h00-11h30: Echanges

11h00-12h30: Partage en ateliers : dictée occitane, ou bien atelier de composition écrite

12h30-14h00: Buffet offert par l'Agence Culturelle

14h00- 15h00: Retour sur la dictée

15h00-17h00: Présentation d'un projet par les ateliers de langue qui le souhaitent : lecture, saynètes, chant etc...