Los vilatges e las comunas de per chas nos son a balhar daus noms aus chamins e charrieras que ne’n avián pas d’enquera… Quo es pertant pas obligatòri per las comunas de mens de 2 000 abitants.

Z’apelen « l’adreçatge ».

Mas fau creure que dins nòstres ranvers quauques elegits fan dau zèle maugrat que quò costa. D’apres que seriá per facilitar los factors, los guidaires de veituras¹, e ch. a…. (mai benleu per los drònes d’Amazon ???)

Los limeròs son balhats au nombre de metres de la caforcha la mai pròpcha.

Entau, n’um pòt veire ‘na bòria soleta au mitan d’un peladis que pòrta lo « 2 428 ».

Dins t-un vilatge dau nòrd de la Dordonha, dins lo Parc Naturau Regionau Peiregòrd-Lemosin, aquí dins la partida lemosina (veiretz que quo es important per la sega²) an ‘gut l’idèia de balhar nonmas daus noms d’aubres.

Mas quela p’ita comuna ente i a degut i aver daus rampalms³ dins lo temps -per ‘mor que son nom es tirat de quel’aubrisson- es granda e compta beucòp de chamins, rotas e charrieras.

An tot ‘gut tarit los noms d’aubres d’aquí.

Endonc, fugueren pas desconortats e contunheren dins los noms d’aubres… exotics !

Quo es entau que n’um pòt trobar lo « Chamin daus citroniers », daus « cocotiers », daus « grenadiers », daus « eucaliptus », « mandariniers », « abricòtiers » e quitament daus misteriós « parasoliers » !

Pertant, mancan pas de braves noms de vilatges : Chanta lauveta, Paunhac, La Chatinhòla, Trespès, Lo Fraisse, Leimeronia, l’Atge, Talonat, lo Pitit e lo Grand Vilòta, La Ribiera, Lo Perier, Coiraud, Los Charreirons, lo Vargier, Chas Nadau…..

Quo es quante riberem sus nòstres VTG⁴ au vilatge daus Mainieus per ‘nar au vilatge de Chas la Lira (Es-quò pas un crane nom, ‘queu-d’aquí ?) en passar per las Fontanelas (Es-quò pas un autre crane nom, ‘queu-d’aquí ?)…. Que veguèrem que ‘n’èram sus lo « Chamin daus bananiers » !!!!

Cujerem ne’n perdre la sela de la bicicleta.

Deu èsser una anticipacion de l’eschaurament climatic : son plan, plan en avança, endonc, dins queu vilatge.

Per aver la revirada en francés, vautres legiretz dins lo « Canard Enchadenat » quò lor a plagut…

Lu Ratinòc 

1 – GPS : « Guidat Per lo Senhor » !

2 - E òc : dins lo Lemosin vertadier, païs dau grison, dau granit, « La terra es freja »…

3 - buxus en latin.

4 - En occitan : « Velò Tota Gaulha »… VTT en francés.

Et voici Dordogne, le nouveau jeu vidéo en occitan préparé par Danís Chapduelh disponible sur Nintendo switch, PC, PS4, PS5, Xbox one. 

https://vauserena.chaduei.com/?mailpoet_router&endpoint=view_in_browser&action=view&data=WzUsImQ2NjQ4YzBkY2I1YyIsMCwwLDAsMV0

Destination Périgueux, l’Office de tourisme de la ville de Périgueux, met en place pendant l’été des visites du centre ville en occitan. «L’idée est venue de notre nouveau directeur, Jean Siefert-Ostermann, alsacien sensible aux cultures régionales, qui a contacté Jean-Louis Lévêque de Novelum-IEO Perigord", précise Joris Lassimouillas de Destination Périgueux( notre photo). "La visite se fait en occitan et propose un cheminement de 1 h 30 à travers le secteur sauvegardé du Puy Saint-Front. Le parcours a été choisi par Jean-Louis Lévêque qui donne un éclairage sur le nom des rues, la mémoire et l’identité des quartiers. La cible est tout public, touristes et locaux et se fait dans une langue accessible, avec des compléments en français si nécessaire. La première Passejada aura lieu vendredi 23 juin à partir de 15 h; le départ se fait à l’office de tourisme, 9 place du Coderc à Périgueux". D’autres visites auront lieu dimanche 23 juillet, vendredi 4 août et dimanche 10 septembre. Le tarif de la visite est de 7€ par personne, 5€ en tarif réduit de 5 à 16 ans et gratuit pour les moins de 5 ans. Les réservations doivent se faire sur le site https://destination-perigueux.fr/

A cette occasion, Destination Périgueux propose à la vente une sélection de livres et de CD en occitan dans sa boutique, place du Coderc.