Serenada especiala « Contes doubles » Chapduelh/Gervaise »

Se coneissen dempuei Loís Padela ( lo 1er, lo vertadier, lo Vielh, quò es dire ...). « S’endevenen coma l’òli de cacaus e lo bolhon de mongetas »,

e pasmens z’avian jamai fach !

Dissabde lo 20 d’abriu 2024, a partir de 20 oras a la sala de las festas de Sent-Victor ( 24350), dins l’encastre de las animacions « prefelibrejada » dau Comitat de la Felibrejada de Sent Abre, los dos famos contaires perigòrds

Micheu Chapduelh e Francis Gervaise ( e vice versa)

tòrnan montar ensemble sur scena per vos perpausar per lo prumier còp :

« Contes doubles », "Contes dobles"

una serenada originala de contes occitans « de las quatre mans » o « de las doas cervelas », boirant umor, fantastique, emocion, passat, present, avenidor... Per questa prima, quand la seba tòrna montar aus vielhs chastanhs, ne’n van surtir, de las bravas còdras!

L’entrada es au chapeu. La sala de las festas de Sent-Victor es plan brava mas pas bela-bela, laidonc, mielhs vau reservar en contactar au pus leu  lo 06 14 58 06 60.

Messatge de Sigolena Cabié dau Talhier Culturau Occitan de Perigüers

Cecila CHAPDUELH sera a la MOP (Maison Occitana de Perigòrd, 21 rua Beranger a Perigüers) lo dijuòus 11 d’abriu a 20 o 30 per la presentacion de son darrier libre de poemas :  « Mina de Plomb, Mina de ren ».

Un recuèlh illustrat de dessenhs de la mina de plomb de Jue (d’aquí son títol) que reclaus doas dosenas de cançonetas e de retraches en pròsa. Las Chançonetas de ren reprenon amb malícia la fòrma e lo ton de las sansonhas popularas, mas rompon d’un biais radical amb los tèmas e los poncius que se poirián esperar d’una « poesia femenina », que son lenas de marrit esperit. Mas pòdon èsser tanben cançons d’amor sincèr, e mai formulat dins lo lengatge dels simples. Los Retrachs fotosensibles, son de contòts borlesques, de retraches fantasioses de creaturas imaginàrias, coma lo cameleon poliglòt que pren l’accent de sos entreparlaires o l’epitafografa que redigís amb virtuositat los mots que s’engravaràn sul cròs dels defuntats…Lo Diari, 06/2023

De veire: Cecila Chapduelh (Cécile Chadeuil), Voix Vives / Sète (21-29 juillet 2022) - YouTube, en clicar sur:

https://www.youtube.com/watch?v=Y-kkj8onYC0