Ok

En poursuivant votre navigation sur ce site, vous acceptez l'utilisation de cookies. Ces derniers assurent le bon fonctionnement de nos services. En savoir plus.

Chançons e comptinas de Patric Ratineaud, Lu Ratin - Page 5

  • Auberja espanhòla, per Patric Ratineaud

    Adiu, brave monde!

    Avant de passar a taula per lo revelhon, un pitit encas de Nadau per Patric.

    Bon Nadau a tots !

    °°

    Patrick Ratineaud.JPGDins lo monde associatiu, fasem plan suvent de las « auberjas espanhòlas ».

    L’expression ven d’Espanha justament : Au segle dietz-set, los pelegrims de Sent Jaume, quand ‘ribavan en Espanha, apres ‘ver trascimat los Pireneus, minjavan talament mau que se portavan lor minjar dins l’auberjas… espanhòlas !

    Daus-uns disen « Marende canadian », d’autres «repas partatjat » mas quo demòra lo pus suvent un « minja-freg »…

    Aquí se pòt veire tots los comportaments de la societat. Normalament, de mai, fau portar sa sieta, son gobelet e los ustilhs de taula. 

    I a los que porten ren : nimai per minjar, nimai de minjar… an totjorn obludat… mas son pas los darriers d’ocupar lo bòrd de la taula*… 

    I a los que porten totjorn la mesma chausa : ‘na salada olha-crestian : lo famos « tabolet », emb mai o mins de semola. I a tanben la salada de boiradis de ris… e de salada justament, de sòbras de vianda (daus-uns còps) e d’erbas estranjas, coma dins las incontornablas tartras « saladas » que fan l’object daus parladis : « Oa ! qu’es-que as botat dedins ? quo es plan saboros, dija-me qu’i’ pense de ne’n botar dins la mia lo prupchen còp ! »… De la vetz, las tartras « saladas » e « sucradas » se boiren…- Dins ‘quela categoria, lo beure es simple : nonmàs de l’aiga, preque BEVEN PAS D’ALCÒL : son de mai en mai nombros e quo es per quò que comprene pas perque l’atge mejan de la populacion aumenta pas mai, de jamai beure nonmàs que de l’aiga ? Minjen pas gras nimai de pan tanpauc, quò fariá s’enautar lor tendeson.

    I a los que porten un gasteu (nonmàs) dins ‘na ganga de plastic : enquera ‘queu còp, avián pas pensat a l’avança… an obludat lo beure tanben, mas an marcat lo còp, n’es-quò pas ?

    I a los qu’an pas de gardaminjar nimai de congialator : porten un pàstis, dau pan gris emb de las granas dedins, tot quò ‘chaptat au magazin biò, ‘na « bona » botelha de vin « Sens sulfitas ajostats »

    E i a los que boiden lor gardaminjar e lor congialator, justament : pàstis de singlar, de conilh, de lebre, de chabruelh o sabe-io quela bestia esclafoirada per un vesin chaçador en recompensa de chaçar sus lor domeni ; tartra a las pomas o las prunas de la propietat, e autras lechariás plan bonas.

    Soventament, n’i a un que fai un grand topin d’una especialitat de sa mòda en far granda publicitat de la recepta, en esperar que quauqu’un(a), un jorn, benleu ne’n fará ‘na pariera ?

    Quo es entau que a queu moment de la serenada, n’um assista a ‘na ronda a l’entorn de la taula : los prumiers citats se’n van « tastar » (De segur : nonmàs tastar, pas « minjar » !) lo minjar daus darriers citats : « Ma fe, quo es pas meschant, mas me’n fau pas tròp engolar, ai pas la ‘bituda… e pis… queu roge es pas meschant non pus…. E queu fromatge… qu’es de l’auvelha ? »

    Los darriers fan un pitit torn aitot ilhs per sinar çò que i a dins los grands saladiers cuberts de plastic mòu e entrelusent : n’i tuquen pas tròp… los saladiers tornarán meitat plens…

    De segur, brava gent : setz de viure los darriers jorns de l’auberja espanhòla : será tòst tuada per las alergias (de tot : gluten, cacaüetas, lach de vacha…), los vegans e autres vegetarians… çò que fai me damandar coma avem pogut far per venir tant vielhs ?

    *Per l’ocupacion dau bòrd de la taula, avetz daus especialistas, dins los bufets/còctels ente quo es pas totjorn aisat de s’aprupchar de la taula !

     E, a tots los còps l’engorjament se produtz a l’entorn daus portadis daus darriers : degun beu de l’alcòl, degun minja gras, degun minja de pan… mas mesfia de te ne’n gardar per la fin !

     

     

     

  • 15esma edicion de l'Enchantada a Nontronh los 7 e 8 d'octòbre 2023

    L'Enchantada 2023.jpgSamedi 7 octobre et dimanche 8 octobre 2023 à Saint-Estèphe, c'est...« L'Enchantada, la 15a Jornada dau chant occitan » 

    Dans le cadre de « Paratge, lo movement d'Oc et d'ailleurs» avec la participation de l'Agence Culturelle Dordogne Périgord, du Parc Naturel Régional Périgord-Limousin, de la Communauté de Communes, du Département de la Dordogne, du bourg de Saint-Estèphe, deux jours de rencontre des différents ateliers chant en oc de la région.

    Lieux : le café associatif « Br'Oc Branlant », l'église et la salle des Fêtes de Saint-Estèphe et le marché de Nontron

    Samedi 7 octobre

    A 10 h 30 : animation au marché à Nontron par le groupe « Los Pagalhos », chanteurs pyrénéens

    A 15 h : Accueil et animation avec Patrick Ratineaud au café associatif « Br'oc Branlant » à Saint-Estèphe

    A 16 h à l'église romane de Saint-Estèphe  : Groupe vocal «A la Quinta » chants traditionnels limousins interprétés par 5 sœurs originaires de Saint-Yrieix en Haute Vienne.

    A 17 h 30  : concert du groupe "Chant'Oc Greu" de Saint Auvent en Haute Vienne, dirigé par Benoît Rebière

    A 18 h 30,  à la salle socioculturelle de Saint-Estèphe: apéritif offert par l'Union Occitana Camila Chabaneu

    A 19 h 30 : Repas tiré du sac
    A 20 h 30 : Concert "Los Pagalhos » groupe de chanteurs pour des chants polyphoniques pyrénéens

    A 22 h  : Concert/Bal du groupe « Peldrùt » venu de Toulouse. 

    Tarif pour les deux concerts 6€

    Dimanche 8 octobre

    A 10 h au café associatif « Br'oc Branlant »,  stage gratuit de chants occitans par le groupe "Peldrùt"

  • Queste diumenc sur Meitat-chen, meitat-pòrc...

    Nicolas Peuch animator MCMP.jpgL'animator Nicolas Peuch nos infòrma que lo convidat de l’emission dau diumenc 23 de setembre 2023 a 11 oras sur França Blu Perigòrd sera Patrick Ratineaud, membre de l’Union occitana Camila Chabaneu de Nontronh per presentar la 15esma edicion dau festenau L’Enchantada que se debanara a Sent Estèfe dissabde le 7 e diumenc lo 8 d’octòbre 2023.

     

     

     

    Ne'n veiqui l'aficha e lo programa:

    L'Enchantada 2023.jpgProgramme L'Enchantada 2023 .jpg

    Meitat chen , Meitat pòrc , chasque diumenc a 11 oras  sur França Blu Perigòrd!

    Per escotar l'emission en directe o en redifusion, clicar sur lo ligam: França Blu Perigòrd

    Veiqui lo ligam vers los sites de Nicolas Peuch:  https://www.nicolaspeuch.com/ e https://fr-fr.facebook.com/nicolas.peuch