Le célèbre groupe périgourdin Peiraguda fêtera vendredi 13 et samedi 14 octobre ses 40 ans de carrière au centre culturel de Sarlat. Ne cherchez plus de place, tout est déjà complet ! L'occasion de revenir avec Joan Bonafont sur les projets du groupe.
SO : Endonc, Joan, Peiraguda, quo es tornat partir ?
E ben òc. Dempuei qualquas annadas eran subretot pres per « L'Affaire Brassens », l'espectacle que vira enquera. Aviam enveja de nos tornar botar dins Peiraguda. Avem pres ben de plaser a tornar trobar las cançons, de far daus adobaments. Avem aura un espectacle d'una bona vintena de cançons que crueba totas las periòdas de Peiraguda.
SO : Queste còp, avetz causit Sarlat per festejar los 40 ans. Perqué ?
Perqué sem de Sarlat e nos an totjorn ben reçaubuts ! Per los 30 ans aviam fait un concert a Montinhac, onte aviam començat sur scena. Mas avant per los 10 e 20 ans, quò era tanben Sarlat.
SO : Me sei laissat dire que vai i aver de las surpresas aus dos concerts de Sarlat ...
Aurem coma convidat dos amics Jan de Nadau que coneissem dempuei 40 ans mai Francis Cabrel, que coneissem dempuei 30 ans. Quand l'i ai damandat si volia cantar qualquas cançons emb nosautres, me diguet simplament de òc, ço que nos faguet plan plaser. L'i cresiam pas ! Aurem tanben Los Pagalhos, los contaires Daniel Chavaròcha e Daniel Lhomond e totplen d'autras suspresas.Nòstres convidats van demorar los dos sers. Avem fait una repeta ensemble a Astafòrt chas Francis: quo virava coma un relòtge !
SO : E quala es la formacion actuala de Peiraguda ?
E ben, lo « canal istòric », Patric Salinhier e io, mai Jacques Gandon ( guitarra, cant), Pascal Bonafont, mon filh ( bassa), Patrick Descamps (accordeon, piano...) e Laurent Chopin (percussions). Nos coneissem ben, trabalham ensemble dempuei un brave moment.
SO : e apres l'espectacle ? Daus projects ? Una virada ?
Farem un DVD d'aquels spectacles, que deuriam surtir per la fin de novembre*. Parlant de virada, as pas tòrt, partirèm a Oxford, England ( e òc) per far dos concert los 21 e 22 de novembre sur convidacion de nòstre amic anglés de Perigòrd Denis Noble dels Oxford Trobadors. Apres, farem daus concerts en Perigòrd, tot en far virar « L'Affaire Brassens ». Serem plan afarats l'an que ven !
(* 17€, bon se soscription a trobar sur nòstre blògue http://occitan.blogspirit.com/archive/2017/10/08/le-dvd-du-spectacle-de-peiraguda-des-13-et-14-octobre-1060534.html). Denis Gilabert.

Le groupe Peiraguda fêtera ses 40 ans de carrière à Sarlat les 13 et 14 octobre prochains.

A cette occasion, une captation sera réalisée de manière à réaliser un DVD des 23 chansons, interprétées par le groupe et leurs invités notamment Jan de Nadau et Francis Cabrel, mais aussi les conteurs Daniel Chavaroche et Daniel Lhomond.

Lire sur le même sujet: http://www.sudouest.fr/2017/09/01/francis-cabrel-en-guest-star-a-sarlat-24-3740036-2147.php

et le facebook de Peiraguda: https://www.facebook.com/Peiraguda-402437793435525/

Le DVD "Peiraguda, le concert des 40 ans" devrait être disponible à la vente fin novembre.

Pour le commander, vous pouvez remplir le bon de commande en annexe, à retourner à Novelum IEO Périgord:

Quel conte de Daniel Lhomond fuguet revirat en òc per Joan-Pau Verdier per preparar las emissions de Meitat-chen, meitat-pòrc sur los contes de Nadau dels 21 et 28 de decembre a venir. Ne'n tornarem parlar, mas per lo moment, a vos de legir quel brave present d'avant-Nadal que fan Daniel e Joan-Pau aus legeires de Rubrica en òc.

°°

Lo regime del Paire Nadal

Figuratz vautres que i a fòrça temps, longtemps del temps d’avant, lo Paire Nadal se’n anava librar sos jugets aus enfants del mond entier. Cantejava puèi que tot anava ben. Lo traineu eslampiava,la benasta èra plena,los rènes joios e fortauds perque venián de minjar un’ensalada de prunons d’Agen al vin de Pecharmant, e neviá juste çò que caliá per far eslampiar lo traineu e far crane.

Figuratz vautres qu’arribats en Peirigòrd, tots los rènes se son sentits un mal de bedon infernal. Quò vivonava dins cada pança de rène, quò fasiá un talabast que se semblava un auratge sens las eslhauciadas. Los rènes, los paurets avián  ‘trapat una malautia de ventre ben coneguda. Cadun se l’atrapa un jorn o l’autre, mesma si uèi quò se sona « gastrò » perque quò fai mai elegant. Mas geina tan coma la cagada, la vai-viste, la caganha , la traucaplais e tanben la famosa foira.

Los rènes borrinos podián endonc pus tirar lo traineu. Lo Paire Nadal se migrèt. Ne’n purava mesma de las lagremas gialadas sus sa barba blanca. A queste moment, La Lebre, lo cap de las lebres, venguèt a bombir per aquí. Se quilhèt, brochèt un parelh de cauças emb sas doas pautas de davant, espièt 125 còps per darrièr, 124 còps per davant, 123 còps a gaucha, 122 a drecha e puèi damandèt :

- Paire Nadal, que se passa?

- Oh, veses ben La Lebre, cap de las lebres, mos rènes pòdon pus avançar, an talament mal al bedon que ma virada es fotuda. E los drolets qu’esperan lors jogarons…

- Pesolhs, calhaus, genolhons… faguèt La Lebre que coneissiá la gramatica francesa … Mas me’n vau t’adobar aquò…

Se botèt a coínar, a udlar coma un nenet, a s’escraunar coma un mamiron bramaire e còp sec gisclèron dels quatre conhs, quatra lebres plan bravas e fauvas, coma de las remembranças de fadum. Las lebres prenguèron la plaça deus rènes e jiiiiiiiiiiiiiiiou ! lo traineu avancèt… enfin sopièt. Mas res tombèt e los enfants an pogut recebre lors juguets a l’ora…

I aguèt mas mon oncle Kilò per s’estonar lendoman de las traulhas puntilhadas sus la neviá daissadas per una gròssa lièja e de las piadas de lebres ben simetricas… Mas coma èra un contaire, degun l’a cregut…

E dempuèi, pensatz ben, lo Paire Nadal minja pus jamai de lebre, l’es ben tròp reconeissent.

Daniel Lhomond, revirat en òc par Joan-Pau Verdier