Mariska Rebière, 26 ans, nascuda a Sent-Pardol La Ribiera es una de las doas regentas de la Calandreta Pergosina de Perigüers. Rencontra coma  una jòuna femna passionada de lengas, licença d'anglés mai amorosa de sa lenga familiala l'occitan.

DG : Mariska, qual  es vòstre parcors d'estudis?
Ai passat mon Bac a Sent Josef a Perigüers, apres, sei partida aus Etats-Units per passar mon bac anglés dins lo Minnesota, ai fait una licença d'anglés a Bordeu qu'ai validada a l'universitat d'Oklahoma. Parle un pauc l'espanhòu, tanben. Ai fait un "Master" Mestiers d'Ensanhament a l'universitat de Perigüers a la Granadiera. Apres un an de reflexion en tant que survelhanta au liceu Jay de Beaufort, ai decidat de me lançar coma regenta de calandreta .

DG : E per l'occitan ?
D'en prumier, quo es una lenga qu'ai totjorn auvida parlar a la maison, en particulier chas mos grands parents, mai mos parents. Ma mair, passionada de dança m'a fait aprener las danças tradicionalas. Per aprener a escriure e ensenhar, ai seguit e segue totjorn lors cors de Joan Ganhaire, Marisa Lasjuilliarias e Micheu Chapduelh qu'ai apres a coneitre a l'Escòla Occitana d'Estiu a Vilanòva d'Olt. Dau monde que m'an apres totplen de chausas.

DG : Coma se passen las jornadas a la Calandreta ?
Plan ben, sem doas regentas, coma Olivia Mullier, la directriça. Sei en charja de la mairala, 19 goiassons de tres a cinc ans. Quo es una "pedagogia institutionala d'inspiracion Freinet". Començam la jornada emb "Que de nuòu ?", avem "Lo conselh", mai "La monuda". Los eslevas son en imersion occitana. De segur parlam francés tanben e fasem de l'iniciacion a l'anglés. Vesetz, tot çò qu'ai apres me serv dins mon noveu mestier.

DG : Coma es l'ambiança ?
L'ambiança de l'escòla es plan bona, familiala. Los parents son plan implicats e balhan la man. Sem asociats a las decisions, nos sentem bien sostenguts. Quo es l'ambiança que cerchava, justament. En mai de quò, quò me permet de parlar e far viure l'occitan e de botar en pratica tot çò qu'ai apres. Rencontram dau monde plan interessats e motivats per la lenga.

Un bon començament de carriera, pròba de mai que l'estudis de l'occitan pòt aidar trobar un trabalh dins son ranvers pròpche e dins son mestier.

Denis Gilabert.

Nous l'annoncions le 23 juin dernier , la formation au DCL occitan ( Diplôme de Compétences Linguistiques) vient de commencer chez Novelum à Marsac sur l'Isle. Douze élèves se retrouvent deux matinées par semaine pour des sessions de travail en commun, ils participent aussi à des ateliers de langue et devront également fournir un travail personnel, en tout près de 400 heures de formation. Objectifs, parfaire sa formation en vue d'un projet professionnel ou personnel.

Les stagiaires sont de tous âges, de la vingtaine aux jeunes retraités, mais quels sont leurs profils et leurs motivations ?

Començam per Geri e Pau, jòunes musicaires e chantaires e dançaires. "Coma chantaire,utilise l’occitan dins mon activitat professionala. Mas quante lo monde venen me parlar, sei pas totjorn capable de lor respondre en òc. Sei aquí, per aprener de conversar en occitan". "La musica e la dança me fagueren prendre consciença de la cultura occitana. Quò me parla a l’endedins, laidonc la vòle coneisser un pauc mai".

I a tanben dau monde que trabalhan dins l'ensanhament e se vòlen perfectionar, coma Manon: "Sei aquí per aprener a mestrejar la lenga dins l’idèia d’obtener un pòste en classa bilenga occitan-francés".

N 'i a que vòlen far passar la lenga, coma Joan-Micheu : "Me sei interessat d’aprener la lenga vertadierament aprep aver agut una eslusiada pendent la preparacion de la Felibrejada de Vertelhac. Ai idèia de far quauquaren per transmetre la lenga aus pitits – notadament ma pita filha – e per aquò me fau afortir la pratica".

Sergi e Arvei vòlen l'ensenhar aus adultes "Dempuei la retirada anime un talhier sus Puei ‘Gut e vòle afortir ma pratica". "Aimariá far quauquaren per sensibilisar los parents d’elevas e los convencer d’envoiar lors dròlles aprener l’occitan. Auriá idéia d’organisar un Cafet Òc dins los ranvers de Puei ‘Gut".

Emilia trabalha dins una companhia de teatre occitan : "Mon ròtle dins, en defòra de l’administratiu, es la comunicacion coma los artistas que sovent parlan en occitan. Compreni tot, mas jusca a uei lor responde en francés e per io quò es un problema. Sei aquí per l’eliminar, lo problema !".

Maria Laura, ela,  vòu "puescher aver una melhora pratica de la lenga. Per lo moment, fa'm dau teatre per lo repàs daus vielhs a Sent Peir de Còla".

Ana-Laura es passionada de plantas : "Voldriá collectar los usatges en Perigòrd d’utilisacion de las plantas sauvatjas. Me fau la pratica de la lenga per mielhs dintrar en contact coma lo monde paisan".

Una autra Maria-Laura fai de las animacions en maison de retirada "Dempuei un an, perpause de las intervencions, jos fòrma d’animacions, dins las maisons de retirada. L’objectiu es de tornar far parlar dins lor lenga mairala los vielhs. Quò me plai mai que mai, e quo es parier per ilhs!".

Que de motivations pour mieux connaître la langue occitane ! A vous de trouver la votre !

Denis Gilabert, collecté avec l'aide d'Olivier Pigeassou.

Voici un lien vers l'émission consacrée par France 3 sur le sujet, dans les classes de Martial Peyrouny au collège/lycée Bertran de Born a Périgueux.

A ne manquer sous aucun prétexte et à faire tourner sur vos réseaux!

http://france3-regions.francetvinfo.fr/nouvelle-aquitaine/dordogne/plus-plus-eleves-seduits-occitan-dordogne-1329037.html