Adiu brave monde, nous espérons que vous avez passé un bel été et nous vous proposons de nous retrouver un còp de mai per chantar ensemble !
Onte ? Au Cocagne, place Saint Louis à Périgueux !
Quora ? Le mercredi 18 septembre, à partir de 19h !
Venez avec vos carnets de chant et votre bonne humeur ! Reprise toute en douceur !
A très bientôt !
L'equipa dau Tchatch'oc

Adiu, brave monde,

vos veiqui lo programa de la 16esma edicion de l'Enchantada en pais de Nontronh a Sent Estefe.

Samedi 28 septembre et dimanche 29 septembre 2024

« L'Enchantada, 16a Jornada dau Chant occitan » 

Participation à « Paratge, lo movament d'Oc et d'ailleurs» avec la participation de l'Agence Culturelle de la Dordogne, du Parc Naturel Régional Périgord-Limousin, de la Communauté de Communes, du Département de la Dordogne, du bourg de St-Estèphe. Rencontre des différents ateliers chant en oc de la région.

Lieux : Eglise et Salle des Fêtes 

Eglise romane 

Samedi 28 septembre

15 h 30 : Groupe vocal «la Quincaròla »

16 h : Groupe vocal « Terras » chants traditionnels limousins dirigé par Françoise Etay

Salle des Fêtes 

17 h :  « L'ASCO » groupe de Sarlat, dirigé par Daniel Chavaroche

18 h 30 : Apéritif offert par l'Union Occitana Camille Chabaneau animé par « Lo Ratinòc »

suivi du Repas tiré du sac ou pris au camion gourmand présent sur la place (crèpes)
21 h  : «Concert Arnaud Cance

Dimanche 29 septembre 

Salle des Fêtes            Gratuit

De 10 h à midi : Stage de chants occitans par Françoise Etay du groupe « Terras »

Veiqui un autre texte, de Jan-Peire Reidi  que vene de tornar trobar, sur le tema de la rentrada. Fuguet presentat a una dictada occitana de Charreç . Si la rentrada vos inspira tanben, me podetz far segre daus textes !

-------------------------------------------------------------------------------------------------------------------------------

LA RENTRADA

Dins las annadas cinquanta, la rentrada era lo prumier d’octòbre. Dempuei la fin dau mes d’aust, aviam agut lo temps de veire los jorns venir pus corts, las prumieras gòrjas rojas surtir dins los prats aprep los auratges, las irondelas s’assemblar e dispareitre… La sason era ’chabada de las frairias los diumencs dins los borgs. L’ombra daus aubres veniá lonja, pesanta, frescha, negra… La ribiera meitat tarida era charjada de fuelhas de papulon talament espessas que lo clau de linha cujava pas s’enfonsar dins l’aiga. Los auseus chantavan pus gaire. Quante òm auviá petar, òm se damadava lo quau dau vilatge aviá fait levar la lebre.

Fin setembre, la vita chamjava. Los rasims eran madurs ; quò risiá e quò colhonava dins las vinhas. L’enser, los òmes torrinavan autorn dau cubier. Fasian uflar las barricas, las secodian per rasclar lo dedins emb de las chadenas. La sentor pesanta de la vendenha que preniá lo bulir vos sadolava. Quauques jorns pus tard, lo demieg gobelet de vin noveu que òm tirava de la barrica vos laissava tot esfeunit…

Au mes d’octòbre, las chastanhas e los cacaus tombavan, e los champanhòus naissian. E quo era justament lo moment que faliá tornar prener lo chamin de l’escòla ! Comptava quantben de mes e de setmanas faudriá l’endurar, « ’quela salopariá d’escòla », avant las festas de Nadau. Mas podiá ren pus far dins las terras que d’anar davant los buòus quand lo pair bladava. E ma fe, quauques jorns aprep la rentrada, quò anava mielhs. Quante lo temps se virava a l’aiga, òm se’n trobava pas pus mau d’estre a l’acelat. Lo fornet pipava tot l’ivern au mitan de la maison d’escòla e òm podiá ’visar los tableus d’istòria de França per se distraire quante òm trobava durar.

Non, eram pas a nòça lo prumier d’octòbre. Au vilatge, los goiats se borravan pas, mas a l’escòla, los pus fòrts fasian einoiar los pitits e, dins la cort, quò ’restava pas de se brejar. Los goiats venen esmalits e chaitius, quand òm los barra entre quatre murs per los dondar.

Disian aus dròlles e a las dròllas, que « si aprenian bien a l’escòla, aurian una brava situacion » : gendarmas, factors, institutors o institutriças… De que ganhar sa vita jusc’a la retirada sens trimar coma chas nos. Podem-nos aüei dire la mesma chausa a nòstres pitits-filhs e nòstras pitas-filhas, que tòrnen au collègi emb un telefonet e una barra de chocolat dins lur cartable ? Pas coma quante partiam l’enmatin emb una moleta, un tròç de pan e una roquilha de piqueta dins nòstra museta !