Lo dissabde 13 d'abriu, a Nontron,  apres l'acuelh daus diferents gropes (cafè e pitits gasteus) sos la Ala, a costat de la Meraria, a 2 oras 1/2 de l'apres-mieijorn, los gropes venguts de Dordonha  L'A.S.C.O. (Atelier Sarlades de Cultura Occitana) emb Daniel Chavaroche,  « Las 'Belhas de Brageirac » emb Frances Pontalier, « Carillon » de Pueg 'Gut, emb Cary Middlemiss, « La Tireta Duberta » de Nontron emb Michel Perthuis, l'atelier d'Eissiduelh emb Yannick Guédec... e venguts tanben de Nauta-Viena «Chant'oc Greu » de Sent-Auvenç, emb Benoît Ribière e « Terras » de Lemòtges, emb Françoise Etay.

Siá 4 oras de scena duberta dins las salas de la vila, sos la Ala, a l'Auditorium, a la Sala dau Tribunau, au Chasteu per 'chabar a la Sala de las Festas ente un aperitiu sirá ofert per l'Union Occitana Camila Chabaneu.
Entrada libra.

En mai de quò, "Meli-Melò" de Nontronh ( nòstra fotò) fara la prumiera partida dau concert de Moizbat lo divendres 12 d'abriu à 20 oras trenta a la sala de las festas.

Jaumeta Beauzetie

De veire qui-dejos las presentacions daus gropes.

Carillon.odt

Chant'Oc Greu 1.odt

La Tireta.odt

las belhas de Br..odt

ASCO sarlat.odt

'talier de chant Eissiduelh.odt

Terras F. ETAY.odt

1. Pitit torn en nontronés/ Petit tour en nontronnais

de "Divendres" de l'associacion Phot'Oc

"Divendres/Vendredi" nom chausit ' per queu Mera de la Communautat de Communas dau Nontrones que vòu damorar anonime quand eu fai sas expausicions de fotògrafias e qu'aima la vita sauvatja coma Daniel Defoe dins Robinson Crusoe !

Divendres, amoros dau país se ditz « Chaçador d'imatges »  e garda totjorn los uelhs grand duberts per espiar una nibla que passa, un auratge que rieba, un rai de solelh dins un chamin prund e notar l'imensitat dau ceu emb son aparelh totjorn dins sa pòcha.

Sa prumiera expausicion fuguet per lo PNR en 1998. Eu a tanben creat una associacion de fotògrafes de la region « Phot'Oc » en 2008 qu'expausa dempuei 7 ans, a Tiviers, a la gara de La Coquilha, a la bolenjariá de Milhac, a la maison medicala de St-Pardol... e.c.a.

Coma eu es elegit, eu balha tanben beucòp de sas fotòs per ilustrar diferents guides de las collectivitats dau Nontrones e partcipa activament a lurs elaboracions...

E... qu'es entau qu'eu presta aimablament doas dotzenas de fotòs per l'Enchantada de Nontron, los 13 e 14 d'abriu, a veire absolument, dins la sala d'acuelh de la Sala de las Festas de Nontron.

2- Rencontras en terra nontronesa/ Rencontres en terre nontronnaise

de David Middlemiss

David Middlemiss, professor de las escòlas a Nottingham, 'chaptet son prumier aparelh fotò d'occasion per sa luna de miau coma Cary, que dirija aura la corala « Carillon » de Pueg'Gut. Entau nasquet sa passion !

Per lur retirada, en 1994, a Pensòu, eu prenguet son inspiracion chas lo monde d'aquí, tradicions, maisons, natura, fauna, flòra e tot lo patrimòni.

En 2000, a la damanda dau Conselh Municipau de Pensòu, eu faguet sa prumiera expausicion sus « les habitants de Pensol » (fotòs balhadas a las archivas de la Meraria), en 2003 « un an dans la vie de Pensol » e en 2008 « Le pays des feuillardiers » a Oradour sur Vayres.

Dempuei 2013, David e Cary an passat la frontiera dau Perigòrd (a 10 km de Pensòu) per s'instalar a Pueg'Gut. David contunha de fixar sus la pelicula « sas rencontras en terra Nontronesa », sa novela expausicion daus 13 e 14 d'abriu dins lo bar de l'Enchantada a Nontron !

Jaumeta Beauzetie

Joan-Pau Verdier e Nicolau Puech nos informan que lo convidat de l'emission dau diumenc 14 d' abriu 2019 a 11 oras sur França Blu Perigòrd sera Guilhem Surpas per parlar de son noveu CD « Humus Machine » .

De veire l'article qu'avem fach recentament sur Guilhem dins queu blògue: http://occitan.blogspirit.com/archive/2019/03/27/guilhem-surpas-sort-%C2%A0humus-machine%C2%A0-1070062.html

Meitat chen , Meitat pòrc , chasque diumenc a 11 oras  sur França Blu Perigòrd!

Per escotar l'emission en directe o en redifusion, clicar sur lo ligam: França Blu Perigòrd

Veiqui lo ligam vers lo site de Joan-Pau Verdier

e los ligams vers lo sites de Nicolau Puech:  www.nicolaspeuch.com e facebook.com/nicolaspeuch