Quò tombava plan. Lo trabalh qu’aviái de far me maucorava, l’actualitat internacionala me paranoïdizava, l’actualitat nacionala m’esquizofrenetisava e la regionala me fasiá sobechar sus las paginas centralas de Sud-Ouest. Mon bon astre vouguet que mon aurelha alassada se tendesse de vers lo pòste de ràdio que s’eissurissiá tot solet coma un robinet d’aiga tèbia que son junh seriá bon per la reforma.

« Il est de bon ton de se moquer de la publicité, disiá una votz, mais la publicité fait pleinement partie de notre culture, au même titre que la Bible, Homère ou Victor Hugo. La publicité, c’est l’usine à rêve de notre siècle. » Me virí de vers lo pòste e li pausí la question per fin de saber quala era l’usine à rêve dau segle XIX, la dau segle XIV, la dau segle XXI avant J.-C. mas me respondet pas.

Basta ! De raive, de pantais, de sòmis, n’aviái plan mestier. E - miracle ! - lo portaire, emb lo Sud-Ouest, m’aviá pausat un desplejant de Leclerc, un d’Intermarché e un de Carrefour ! E enquera, quand dise « desplejant », rende pas compte de la vertat ! Tres revistas tan espessas e tan quadricromatizadas coma un Paris-March (Le poids des maux, le chuc des photos.) En tot una liura e un quart de raive tot drech vengut de l’usina ! Ne’n lebretava, paubres amics !

E fuguí pas decebut. La publicacion de Leclerc se dubriá sus una plan bona fotografia d’un topinon de iogort au bifidus. Coma lo cubertilh era dessús pausat, era pas possible de veire lo bifidus mas quò se sentiá plan que i era. Lo iogort tanpauc se vesiá pas mas fau pas tot mostrar, si que non lo raive crebariá dins l’uòu. Era d’un realisme a te’n tombar de cuol. Quatre perlas d’aigada, coma sus una ròsa matiniera, eran aquí per alucar ton desir de freschor, alucar lo raive. Mon det passet, eniurat, sus la foto coma per cerchar lo caire levadís que permet de desoperculizar sens mau lo topinon. Mas quo era res mai qu’un imatge e deguí m’acontentar de raivar de la frescha e immaculada onctuositat dau iogort furmijant de bifidussonets de l’uelh coquin.

Lo iogort de Carrefour era mai classic, quasi militari : sieis topinons alinhats democraticament qu’era pas possible de dire quau era lo cap d’escadrilha. Lo d’Intermarché era mai audaciós : la fotografia en low-angle shot (1) te laissava l’impression de davalar dessús coma una belha sus una flor confla de nectar, coma un burgaud sus una pera madura o coma un avion camicaze sus las pòrtas dau Paradís. Un momenton d’emocion prigonda coma ne’n rescontras quatre - cinc còps dins ta paubra vita !

E la saussissa de Tolosa ! Tota ròsa coma un arquetip de tesson surtit tot drech d’un sovenir d’enfància o daus albums du Père Castor. La de Leclerc, en partir dau centre de la sieta s’envertolhava, s’elicoïdizava vers la drecha coma una fantastica cauquilha de cagolha de mar. La de Carrefour s’envertolhava vers man mansa coma un vertiginós vortex daus antipòdes, pòrta duberta benleu sus la quatrena dimension, los plecs misteriós de l’espaci-temps. La saussissa d’Intermarché, arribada au bòrd de la sieta, s’escartava de son quite envertolhament e, en plan de fugida, quitava la sieta e mai lo quite quadre de la foto. Ont anava ? Vers quala libertat conquesida ? Ma pensada era ben tròp impoderosa per la poder segre.

E la botelha d’òli de Carrefour . Òli de solelh ! Sens marca ! Òli venician que s’avança mascarat ! Quala chara s’escond darrier queu misteriós anonimat ? Vielha fachilhera o jouna fada ? puta o divessa ?

E lo talhon d’Emmenthal d’Intermarché ! Trogloditic ! Las alveòlas de la ciutat daus mòrts. O las qu’una vita terribla i es en gestacion, alien rosicaire o belha emmialairitz...

E los malinons de Leclerc ! Tres, plan pejats e estachats per un riban ròsa ! La quita esséncia de l’erotisme ! Ovidi, Safò, Pierre Louÿs, l’Amant de Lady Chatterley, Robert Lafont ! Pour l’achat de trois Sloggi, le quatrième gratuit ! E lo quatren, òc! aquí, rasís los autres, mas sens riban. Liure ! A ! lo quatren ! lo quatren !

E dire que dau monde que i a an besonh d’alcòl, de drògas, de libres, de musica o de museus per entrar dins lo monde de la beutat, de l’art, dau raive, dau temps que l’usina lo nos conha democraticament e a gratis dins la boitia, entre Sud-Ouest e la letra dau Tresor Public !

Micheu CHAPDUELH

1. Low-angle shot : francisme per « contra cabussada »

Dans le cadre de la programmation du Festenau 2013, vous aurez la possibilité d'aller écouter Jan dau Melhau dans son nouveau spectacle "Couté et Brassens chantats en occitan", à l'église Saint Michel de la Chapelle Gonaguet jeudi 8 août à 20h30.

Il nous l'annonçait dans l'interview qu'il nous avait donné le 09 juin ( ITV Jan dau Melhau) .

"Ecrivain et éditeur à l'enseigne "Lo chamin de Sent Jaume", Jan dau Melhau est avant tout un homme de spectacle: musicien, chanteur, conteur, diseur et comme tel, il propose les prestations les plus variées, des chansons traditionnelles à sa propre création, des mythes et légendes à ses contes absurdes, de la poésie des troubadours à celle de Marcelle Delpastre, Jan dau Melhau fréquente l'oeuvre de Georges Brassens depuis l'adolescence, celle de Gaston Couté depuis pas mal de temps. Il les a traduits tous les deux dans son occitan limousin, donné des musiques aux textes du second.

Il associe là, ces deux grands de la chanson , accompagné pour Couté par Alexandra Lacouchie au violon et Magali Urroz à l'accordéon diatonique et pour Brassens par Frédéric Chabalier à la guitare."

Entrée 5€

Photo : Jan dau Melhau (à droite) avec Jean-Marc Simonin

Pourquoi avez-vous décider d'organiser le Festenau chez nous, Monsieur Théodoridès ? « Parce que je voulais honorer la langue et la culture qui m'ont accueilli en Dordogne et où j'ai décidé de passer toute ma vie». Per lo segond còp, lo Festenau dau Perigòrd Centrau vai s'instalar dau 3 au 10 aust dins lo ranvers de Perigüers dins dietz de la comunas de la CAP. Questa annada, lo president dau festivau, a vougut drubir lo monde sur la Mediterraneia , 'laidonc, a convidat lo grope de polifònias corsas « Alte Voce » ( lo 08 de aust) e lo grope marselhés « Lo Còr de la plana » que jugan de la percussions e chantan tanben de la polifònias occitanas lo dissabte 09 de aust..Lo mesme ser, auram la possibilitat d'auvir le grope occitan « Somi de Granadas » de Guillaume Lopez. « Fasem un pretz especiau per las doas seradas per nonmas 20€ », ço-ditz Mr Théodoridès. « Mas la programacion fai la part bela au monde dau Perigòrd e dau Lemosin : Talabast lo dimecres 7 de aust a Nòstra Dama de Sanilhac a uech oras trenta de l'enser, Jan dau Melhau chantara Brassens e Couté a La Chapela Gonaguet le dijuòu 08 mesma ora e per 'chabar, Bernat Combi à l'eigleisa Senta Eumacha de Cornilha lo diumenc. I a pas nonmas daus concerts, lo monde que volen tot saber sur la toponimia de Champ Savineu podran 'nar auvir la conferença de Joan-Loís Leveque de l'IEO, a la sala de las festas lo dissabte 3 de aust a dietz oras trenta dau matin. De las autras animacions se tendrán en jornada: a Escoira lo 7 de aust, memòrias dau Perigòrd de leo Justin Laffargue e Antoine Leo Guimard a dietz oras trente, a Marçac, exposicion « Parfum de bal » au centre sociau et culturau a sieis oras de l'enser lo dijuòu 8 e per 'chabar, « Mémoires de demain » , fotòs de Nicolas Lux a Antona et Trigonant dissabte 10 aust partir de dietz oras trenta. ». Avec une programmation aussi solide et variée, voilà de quoi bien occuper votre début de mois ! Denis Gilabert .

Réservations à l'Office de Tourisme, Marbot, Maison de la Presse Périgueux, Auchan, Leclerc, Cultura et sur ticketnet.fr.