Cecila CHAPDUELH a la MOP Dijuòus 11 d'abriu 2024 a 20 o 30
Messatge de Sigolena Cabié dau Talhier Culturau Occitan de Perigüers
Cecila CHAPDUELH sera a la MOP (Maison Occitana de Perigòrd, 21 rua Beranger a Perigüers) lo dijuòus 11 d’abriu a 20 o 30 per la presentacion de son darrier libre de poemas : « Mina de Plomb, Mina de ren ».
Un recuèlh illustrat de dessenhs de la mina de plomb de Jue (d’aquí son títol) que reclaus doas dosenas de cançonetas e de retraches en pròsa. Las Chançonetas de ren reprenon amb malícia la fòrma e lo ton de las sansonhas popularas, mas rompon d’un biais radical amb los tèmas e los poncius que se poirián esperar d’una « poesia femenina », que son lenas de marrit esperit. Mas pòdon èsser tanben cançons d’amor sincèr, e mai formulat dins lo lengatge dels simples. Los Retrachs fotosensibles, son de contòts borlesques, de retraches fantasioses de creaturas imaginàrias, coma lo cameleon poliglòt que pren l’accent de sos entreparlaires o l’epitafografa que redigís amb virtuositat los mots que s’engravaràn sul cròs dels defuntats…Lo Diari, 06/2023
De veire: Cecila Chapduelh (Cécile Chadeuil), Voix Vives / Sète (21-29 juillet 2022) - YouTube, en clicar sur:
L'animator Nicolas Peuch nos infòrma que los convidats de l’emission dau diumenc 31 de març 2024 a 11 oras sur França Blu Perigòrd seran Laurence Salles-Villard, en charja dau project departamentau de cultura occitana e Rodin Kauffman, artista, per parlar de las jornadas Generacion Paratge per los collegians occitanistes que se debanaran lo 9 d’abriu a Rabairac e lo 12 d’abriu a Carsac-Alhac. 
Lo monde de l'Union Occitana Camila Chabaneu seran qui per vos far chantar lo 31 de març 2024 sur la plaça de la gleisa si lo temps es brava o b'etot a la sala de las festas de Ajac de Bandiat si quò plòu.