Adiu brave monde !

Trobaretz sur queu blògue l'album de fotòs dau Comici de Braçac lo 2 de setembre 2023, en clicar aqui: http://occitan.blogspirit.com/album/comice-agricole-grand-brassac-2023/

e lo rendut compte en legir qui-dejos !

Un comici plan colorat

Dissabde lo 2 de setembre 2023 se tenguet a Braçac la 145esma edicion dau Comici de l’ancian canton de Mont Agrier. Lo concors de lauradas se debanet au Grand Varet, rasis lo vilatge de Clausuras e comptet pas mens de 37 candidats,coma antan a Mont Agrier. Lo public i venguet nombros, que fasia plan brave temps.

Per mieijorn, lo monde disneren jos la structura rasis la sala de las festas dins lo borg de Braçac, onte i avia tanben daus expausants ( venda de miau, de sablons, de conservas…).
L’apres-mieijorn vers las 3 oras e demiá comencet lo passa-charriera dins las ruas dau borg e las animacions musicalas coma lo duò Nicolas Peuch-Paul Deltheil.

Vers las 6 oras de l’enser, lo president dau comici Micheu Lagarda donet lo palmarès, en presencia daus meras de las comunas dau ranvers mai lo conselhier departamentau Olivier Chabrairon e lo deputat Joan-Peire Cubertafont. Lo deputat rampelet que lo prumier comici de França fuguet creat per lo generau Bugeaud dins sa bona vila de La Noalha e qu’exista totjorn.

Peire Janalhac, mera de Sent-Abre prenguet la paraula per convidar lo monde a participar a l’organisacion de la felibrejada 2024 a Sent-Abre, que sera tanben l’afar de las comunas dau ranvers. Olivier Chabrairon disset que portará tot lo sosten possible a quela felibrejada e convidet lo monde a se mobilisar per l’eveniment. La prumiera reunion publica se tendra divendres lo 22 de setembre a partir de 20 oras a la sala de las festas de Sent-Abre.

La serenada contunhet a la sala de las festas emb lo sopar entre 200 personas.

En 2024, la comuna de Sent-Just prendra en charja l’organisacion dau comici.

Veiqui lo podium ( los tres prumiers de chasca categoria) dau concors de laurada

Catégorie 6 socs plats: 1^er Miguel Lacoste

Catégorie 5 socs plats: 1^er Gauthier Joussain, 2^e Léo Bouriel, 3^e Samuel Lartigue

Catégorie 4 socs plats : 1^er Valentin Gérard-Saigne, 2^e Simon Berry, 3^e Jérémy Lauseille

Catégorie 3 socs plats : 1^er Martin Fargeot, 2^e Tom Simon, 3^e Timéo Thiélens

Catégorie 3 socs planche : 1^er Quentin Faure, 2^e Quentin Dumon, 3^e Norbert Lacoste

Catégorie 2 socs plats : 1^er Kévin Uscain, 2^e Julien Grolhier

Catégorie 2 socs planche : 1^er Jean-Louis Magne, 2^e David Bunlet, 3^e Henri Robert

Catégorie planche traînée : 1^er Maranda Jean-Claude, 2^e Stéphane Authier

Catégorie charrue balance : 1^er Alain Rey

Catégorie charrue alternative : 1^er Vincent Maranda, 2^e Jérémy Théveniault

Prix spécial attelage chevaux : attelage Lassimouillas/ Grolhier

Diluns 3 de julhet, Peire Janalhac, mera de Sent Abre ( Tocane Saint-Apre en francés) convidet los abitants de la comuna, los elegits e las associacions per dos eveniments a l’entorn de la cultura occitana dins lo ranvers de la vau de Drona.

D’en prumier, l’edila confirmet que Sent-Abre fuguet chausida per organisar l’edicion 2024 de la Felibrejada, en presença de Christel Grégoire, Presidenta dau Bornat dau Perigòrd. Quò se fara emb l’ajuda de las comunas dau ranvers, maitot las comunas de l’ancian canton de Montagrier e de L’Esla, Mencinhac, Sent-Meard de Drona. Lo mera desira que la Felibrejada de Sent-Abre sia l’afar de tot lo monde, associacions, benevòles, elegits, artistes, actors economics dau ranvers : tots se pòden apropriar l’afar per ne’n far un succès popular. Lo trabalh de preparacion vai començar  e una prumiera amassada de trabalh sera leu organisada en setembre. Melania Celerier, Conselhiera departamentala dau ranvers e artista occitanista plan coneguda, faguet saber son estambòrd per l’eveniment e assegura li aportar tot lo sosten possible.

Manièra de lançar l’afar de la Felibrejada, la meraria decidet de nonmar l’esplanada entre l’Ostau Paradòu e la sala de las festas dau nom de placeta Joan-Pau Verdier, en presença de Marçau Peironin, professor d'occitan, amic e partenari de Joan-Pau sur França Blu Perigòrd e que representava sa familha. Entau fasent, l'artista tròba sa plaça e fai lo ligam entre dos luòcs de cultura ( la mediatèca Jean Macé e lo museu dau costuma) e d'espectacles.

Crestian Daverat, conselhier municipau en charja de l’adreçatge rendet un omenatge plan personau e inspirat au famos autor, compausitor, chantaire, cronicaire ( eca!) perigòrd que descubriguet dins sa jòunessa. Expliquet son accion remirabla per far passar la cultura occitana dins lo monde d’aüei. Una placa especiala, creacion de fer, fuguet revelada per Christel Grégoire, Melania Celerier e Peire Janalhac. Pòrta lo texte en occitan: « Joan Pau Verdier, trobador de nòstre temps ». Alaidonc, aura, "i a una plaça que pòrta ton nom".

Lo prumier magistrat faguet remarcar la continuitat de l’accion de mesa en valor de la cultura occitana, començada per Micheu Debet, ancian mera de Sent-Abre, conselhier generau e « deputat daus picadis » que fondet lo museu dau costume de Sent Abre coma Gineta Valpremi ,membre dau Bornat dau Perigòrd,e que chausiguet de donar a doas ruas importantas dau borg los noms daus trobadors perigòrds dau ranvers, Arnaut Daniel e Arnaut de Maruelh.

Lo monde present son demorats un bon moment a platussar e an començat de prener data per diferents projects, las idèias espelissavan de pertot !

Denis Gilabert