L'animator Nicolas Peuch nos infòrma que la convidada de l’emission  dau diumenc 24 de novembre 2024 a 11 oras sur França Blu Perigòrd sera Aurore Seguier, responsabla dau pòle informatic au Congrès Permanent de la Lenga Occitana per presentar los projects numerics dau Congrès.

Per escotar l'emission en directe o en redifusion, clicar sur lo ligam: França Blu Perigòrd

Veiqui lo ligam vers los sites de Nicolas Peuch:  https://www.nicolaspeuch.com/ e https://fr-fr.facebook.com/nicolas.peuch

Novelum-IEO Perigòrd e l' Espace Culturel E. Leclerc de Sarlat La Caneda organisan una dedicaça occitana dissabde lo 30 de novembre 2024 de 10 oras à 12 oras 30 e de 14 oras a 17 oras coma los autors seguents:

Micheu Chapduelh, per presentar e dedicaçar son libre de contes "Las Set Filhas dau Diable"

Joan-Claudi-Dugros per presentar e dedicaçar lo libre  CD "Poèmas, poèmes de Bernard Lesfargues"

Brigita Miremont-Orazio per son libre " Mel o citron/ Endacòm" mai"

Joan-Lois Orazio per son libre "Arbres, arbrilhons, arbricels"

Los autors auran tanben en venda lors autres libres.

Una occasion unica de platussar coma los autors occitans actuaus !

Veiqui un messatge de Sigolena Cabié dau Talhier Culturau Occitan de Perigüers.

Dijuous 5 de decembre de 2024 a 20o30, 

L'escrivan Joan Ganhaire sera a la MOP (Maison Occitana de Perigord, 21 rua Béranger a Periguers) a 20o30 coma nosautres per presentar son darrièr libre : "Lo Pacient espanhòu".

L'istòria se situa entre la prumièra partida dau sègle XIX a Bordèu, a la fin de la vita de Francisco Goya, lo grand pintre espanhòu, fins uèi. I seguissèm la traça de son darrièr mètge per descobrir, segon l'autor, l'explicacion d'un fach estranh : perqué, quand se volguèt renviar lo còs de Goya en Espanha a la fin dau sègle XIX s'a constatat qu'aqueste aviá pas mai de cap...

Amorós de Goya e mètge, l'autor a pres plaser a escriure un scenari possible. Entre imaginacion e realitat, nos passeja sus dos sègles dins l'òbra, la vida e la mòrt del pintre grand e dins la malediccion que sembla estacada a son òbra mai negra.