Per la festa dau 15 dau mes d'aust, dins las annadas 90, a Soldat, lo Piare Rapeau èra estat convidat per pinturar quauques aubres dau chamin e nautres dau grope Limus'Oc, per dire daus contes e far dançar lo monde davant 'quelas pinturas. Alaidonc, un mes avant, nos veiquí partits, lo Piare e me, lo manhetofòne a la man dins las charrieras dau vilatge per trobar la gent que nos aurian dich quauquas legendas contadas a la velhada.
Troberem dau monde plan simpatiques que risian mas a partir dau moment que nos parlavam de las legendas, tots nos viravan los talons e s'en tornavan a lurs ocupacions...
Tornerem tots los jorns per pausar las mesmas questions... ren... totjorn lo mesma silenci. 'Chaberem per aprener que i aviá bien 'na legenda dins lo borg « mas deviam pas comptar sus ilhs per nos la dire ! ».
Finalament, a fòrça de paciença, sens enregistrar malurosadament, nos 'chaberem per aver lo començament e los autres jorns, l'istòria en entier. La gent pensavan talament fòrt que 'quela istòria s'èra realament passada, qu'ilhs culpabilisavan de nos la dire !
Fau notar que Soldat se tròba pas loenh d'Ajac e de Nautafaia ente se 'vian passats de las revòltas durament reprimadas que volian pas ajostar mai «de malurs e de miserias a la reputacion de la contrada».
La mesma istòria se ditz dins tots los ranvers de l'Occitania e pas solament a Soldat ! Mas qu'era contat emb talament de fervor que la gent 'chabavan per i creure !

°°

La leberona de Soldat (Soudat)
istòria contada dins lo « Bòsc dau leberon », illustrada per Piare Rapeau
'Quela istòria s'èra passada, i a longtemps... bien longtemps a Soldat.
Qu'era un ser de velhada... vos sabetz, las velhadas, que se fasian l'ivern quand los jorns eran corts e quand i avia pas tant a far defòra...
Alaidonc, 'queu ser, doas ò tres familhas de Soldat avian 'nat velhar chas de la gent d'Eimotiers, aura situat en Charanta, mas dins 'queu temps, coma los despartaments existavan pas... qu'era lo mesma païs...
Los veiquí tots partits dins la nuech bruna... tots, afen, presque tots !... avian laissat los vielhs que marchavan pas tròp bien per gardar los pitits qu'eran dins lurs borrassons... 'Queu ser, i aviá pas de luna. Lo Jan marchava davant emb son falòt. Tots seguian bien mitonats dins lurs manteus e capuchas. Mas lo vent passava tot parier au travers de lurs mitas de lana e lurs dets començavan a lur martelar...
En 'ribar, se chauferen davant la granda flamba que lur fasiá d'enquera mai dòure lurs paubres dets... mas conteren coma avian rit en fasant paur aus pitits que vesian plen de uelhs dins las cabòrnas... « cho... avetz auvit daus bruchs de chadena... qu'es beleu quauquas tòrnas, quauques revenants ? »... e los pitits se sarravan dins los cotilhons de lurs mairs ò ben fugian !
En 'ribar chas los vesins, davant lo fuòc, s'avian metut a l'aise.. avian pausat lurs gròs manteus e los pitits jugavan coma lo margaud dins lo canton... daus uns avian quitament pausat lurs pès sus los landiers. La Catarina aviá surtit los grilhons e lo fromatge... e quò clapava ! Apres las femnas surtigueren lurs 'gulhas per brochar e los òmes aidavan a pelar las chastanhas.
Sietat sus l'archabanc, lo Toine s'aviá fait un pauc prejar per contar de las istòrias de lops... « un còp, lo lop aviá segut son grand-pair, sens bruch... quand eu se restava... lo lop tanben ! Eu marchava... lo lop era 'quí darrier se e lo grand-pair que marchava pas tròp bien se disiá : « si tu tombas, Tistou... tu ses mòrt... si tu tombas Tistou... tu ses mòrt... ! » e tot lo chamin, eu se disiá 'quò e finalament, eu 'chabet per 'ribar e lo lop lu minjet pas ! »

« Chanta-nos ta chançon, Toine ! » e lu Toine se campava, levava la testa, se uflava e lançava « E iu me 'pele Toine e ieu sei de Glandon, vesètz coma sei crasne emb ma cana e mon chapeu melon... »
Lo temps passava viste... qu'es entau qu'ilhs avian chantat « Baissa-te montanha, leva-te valon », « lo Turlututu », « l'aiga de ròcha »... « un jorn dins l'estolhas »... Avian begut, minjat... e lu pilòt de chastanhas era vengut a ren… qu'era l'ora de partir.... l'ora de tornar prener lo chamin de Soldat... « Bona nuech, rentratz bien ! ».. « oc-es ! Aura, qu'es a vòstre torn de venir ! »... E los jòunes davant contunhavan de chantar per se balhar de l'eslanç, dins la nuech negra... « lo pelelè … las filhas de la montanha fan io-pelelè ! ». Un autre aviá uchat « Ifofó ! » Avian marchat mai de demia ora quand, a la caforcha dau chamin que mena de la Trichariá a las Justiças, pres de la Font St-Piare... 'na massa negra coma 'na béstia volet sus l'eschina dau grand Marçau...
« Qu'era lo Leberon ! », faliá ren dire e lu portar... faliá mesma pas lu tucar de paur de prener sa plaça... Tots marchavan sens ren dire... Quauques còps, lo Leberon li lechava la figura... mas tots sabian qu'a l'entrada de Soldat, « a las prumieras maisons, lo Leberon sautariá per terra e se sauvariá...  Qu'era entau ! »

Alaidonc Marçau se calculava... « e si eu lu laissava pas partir... ? » Aviá envia de sapcher. Marçau sarrava las dents... e totjorn 'quela ritantoina que li tornava : « E si lu laissava pas partir ? »... 'Ribats a Soldat, qu'era pus lo Leberon que teniá Marçau, qu'era Marçau que teniá lo Leberon … e eu disset … « 'queste còp, qu'es me que te tene e nos veiram ben ! »... Eu prenguet un bilhon e li borret sus lo cagoelh... lo Leberon tombet redde, assomat... Se 'traperen a li dautar la peu... la peu de béstia... e jos la peu.... troberen 'na femna... emb plen de chadenas en aur... quauqu'un de riche... qu'era pas un Leberon, qu'era 'na Leberona... e que bujava pas... la secoderen... la torneren secodre un moment apres e d'enquera e d'enquera...ren... totjorn ren... la Leberona era mòrta !.

« Qu'era un brave malur... que far ? « N'am pro de miséria entau sens 'nar a la galera !... disseren-t-ilhs»... e disseren pus ren, los òmes fagueren un cròs sus lo bòrd dau chamin... Fagueren un autre cròs per los coliers e se'n aneren se coijar sens ren dire.

Sabian ben que los Leberons, qu'era los riches que volian lur far paur per d'enquera mai los assujetir... aquí ne'n avian la pròva !

Lo lendeman, daus òmes a chavau passeren, damanderen si 'vian pas rencontrat la Comtessa dau Chasteu... de...

Degun disset ren... mas dins la contrada, n'i aguet pus de Leberons...

« E quand las armas a fuòc fagueren lur aparicion, ne se'n tornet pus jamai parlar ! »

Jaumeta Beauzetie

(Per la pita istòria, la gent nos monstreren l'emplaçament daus cròs, jos daus pruniers au bòrd dau chamin coma si quò s'èra realament passat !)

En mai, una chançon de ma mair que se chantava a la velhada :

« Tres canalhas van velhar lo ser,
qu'es per raubar lo jau de Minet !
Minet, Minet, ne'n sauta dau liech
Pren sa carabina e son pistolet
E li jura dessus son ressòrt...
Si quò peta, i a quauqu'un de mòrt ! »

Lo monde disen que devem lo freg de la fin de feurier e la debuta de març a un episòde mòscovite o de Siberia...N'impòrta que!

Ai tornat trobar la vertadiera explicacion sur l'ofensiva dau Generau Ivern que nos fuguet donada per Micheu Chapduelh...Legissetz pusleu qui-dejos...

°°

Las reguitnadas de la Vielha

Las "reguitnadas de la Vielha" son los tres prumiers jorns de març. Au sense prumier, una "reguitnada", quo es lo movement que fai lo chavau per se desbarrasar d'un cavalier que l'embèstia o se defendre de quauqu'un o d'una bèstia en li lançar sos pès de darrier per un chais o per lo morre. Au sense figurat, quò vòu dire refusar se segre la penda que nos es impausada.
La "Vielha", avem desjà parlat d'ela dins los darriers jorns de genier emb los "jorns dela Vielha". Avem aquí una varianta (o una seguida) qu'es gaire coneguda en Perigòrd mas que se tròba tanben en Lengadòc, en Provença, en Daufinat… onte per contra se parla gaire daus "jorns de la vielha".
En quilhs temps donc, lo mauplasent Feurier, que 'viá pus nonmàs vint e uech jorns, arribava a sa fin e la Vielha era totjorn quí, totjorn tant galharda e desavenha. Se virant darrier davant, devers le mes que veniá de se ’chabar, li disset :
« Adiu, Feurier, ton paubre geu Non m’a fait rufar la peu Ni mai pialada ».
(Adieu, Février, ton pauvre gel n’a pu me gercer la peau ni me faire peler).
Alaidonc, Feurier damandet a Març de li prestar tres jorns per fin de jalar la Vielha, quela pretenciosa, e de la far se pialar ! Març disset de òc. Quo es entau que, l'annada que vos dise, feurier aguet trenta e un jorns e març comencet nonmas lo quatre! Mas la vielha fuguet jalada.
Feurier tenguet sa paraula e tornet los tres jorns a març. Mas dempuei, los tres prumiers jorns de març se remarcan per un retorn dau freg. Quo es quò, las "reguitnadas de la Vielha" e la granda paur daus vinhairons que la Sent-Aubin es lo prumier de quilhs tres jorns. E que sent Aubin es lo patron daus vinhairons dau Lengadòc ( onte "Aubin" se pronóncia coma "Au vin!" ) e que quo es eu que presida a la qualitat e a l'abonde de las vendenhas de l'annada.
Micheu Chapduelh

Peut-être ne le saviez-vous pas, mais on parle occitan en Italie du nord, jusqu' à 50 km de Turin dans les fameuses "Valadas Occitanas" alpines, une version très proche de celle parlée en Périgord. "Alors, pour sa 4ème édition, le week-end du 2 au 4 mars, "Oc en Vesera" prendra des accents d'Italie Occitane", précise Stéphane Roudier, maire de Condat sur Vézère.

Vendredi 2 mars au soir à 20 h 30, un concert polyphonique du groupe de jeunes femmes Cocanha, venu de Toulouse, lancera avec dynamisme la rencontre à la salle des fêtes(entrée 12€).

Samedi 3 mars au matin, toujours à la salle des fêtes à 10 h, les arts culinaires seront au programme avec un débat animé par Patric Chouzenoux autour de la cuisine et de la table. De nombreux auteurs et débatteurs seront présents : Christophe Amand, Bénédicte Bonnet, Micheu Chapduelh, Daniel Chavaròcha, Joan-Claudi Dugros, Joan Ganhaire, Joan-Peire Lacombe, Joan-Lois Leveque, David Grosclaude, Philippe Mazeau, Marie Françoise Oudard, Monica Sarrasin... Un stand de vente de livres avec les dernières nouveautés sera tenu par Olivier Pigeassou de Novelum.

Les élus et acteurs économiques auront par ailleurs leur conférence avec le sociologue Jean-Yves Agard qui leur parlera d'économie, culture et identité des territoires et leur montrera a quel point les langues et cultures régionales sont des éléments de différenciation importants qui peuvent mener à la réussite économique et touristique.

Le repas buffet sera pris au restaurant La Commanderie, vers 12 h 30 ( 20€, sur réservation).

L'après-midi sera italienne avec un atelier de danse du Piémont animé par le groupe Catafolk ( voir un extrait sur youtube: https://www.youtube.com/watch?v=w5ukjzY8Hsc)et Dario Anghilante de La Chambra d'òc( entrée 3€) ou au choix un atelier cuisine animé par Pasqualina Pasero.

Le soir à 19 h, les convives dégusteront le repas des vallées italiennes( 15€) avant le concert avec le groupe Catafolk( entrée 5€).

Dimanche 4 mars , de 10 h à 12 h, une balade musicale italienne résonnera dans les rues de Condat, avant le repas italien à midi (12€).

« Il est intéressant de voir que l'on peut partager une culture transalpine, avec une langue dite régionale comme l'occitan. Les gens, que ce soit ici ou dans les Valadas en sont surpris, n'en avaient pas idée; pourtant c'est bien une réalité de communication intéressante : les périgourdins occitanophones peuvent parler aux italiens alpins sans avoir besoin d'utiliser l'italien ou le français » conclut Stéphane Roudier.

Grâce à l'événement organisé par Condat Animations, ils auront donc trois jours pour s'y essayer.

Renseignements et réservations au 0781110288.
Denis Gilabert.

Photo Denis Gilabert: Stéphane Roudier, maire de Condat sur Vézère présente les grandes lignes de Oc en Vesera.

Je ne résiste pas au plaisir de vous joindre deux vidéos "qui décapent" de Sergio Berardo du groupe Lou Dalfin, justement des Valadas Occitanas italianas, en concert avec tout un groupe de musiciens de tous âges:

https://www.youtube.com/watch?v=CJnn9MFQthM

et également

https://www.youtube.com/watch?v=5x0g1_Qp-mE