Per los qu'an pas pògut venir, veiqui lo texte originau de la tençon poetica entre Brigita Miramont e Cecila Chapduelh que fuguet dictada per las doas "trobairitz"!

Bon coratge!

Texte dictada 2016 Perigüers 30 genier 2016.odt

Fondée en 1969, l'association Novelum, section périgorde de L'IEO ( Institut d'Estudis Occitan) lança en même temps la revue 100 % en occitan « Paraulas de Novelum ». Le responsable éditorial actuel de la revue, Jean-Claude Dugros nous en parle.

«Dempuei la debuta, trobam dins quela revista los temas fondators de l'IEO : l'ensanhament de la lenga, la grafia normalisada, l'estudis de textes ancians, la creacion culturala e literaria e la politica per far avançar la causa occitana. L'idèia es de perpausar de textes en occitan de qualitat per participar a la « defensa e illustracion » de la lenga occitana en Perigòrd. Los estudis de toponimia par Joan Ros e Joan Rigosta, las criticas de libres e los textes de Micheu Chapduelh son de rendetz-vos reguliers plan legits. En mai de quò , tot un fum de textes actuals, poesias, contes, estudis venen completar lo contengut de 24 paginas en general. De temps en temps suertem un numerò especial tematic sur la toponimia per Joan Ros o los juecs ancians per Micheu Chapduelh, lo numerò d'Ezra Pound sur los trobadors, sur la poesia ... Una bona partida daus autors perigòrds coneguts an començat en far pareisser de las creacions originalas dins Paraulas e continuan de zo far : Jaumeta Beauzetie, Benedicta Bonet, Jacme e Frederic Fijac, Joan Ganhaire, Brigita Miramont, Jan Peire Reidi, Esteve Ros, mas tanben Joan-Claudi Puegraveu, Gilbert Borgés...Lo contengut es pas folcloric, passadiste. Virada vers l'avenir, d'aisar legir e de qualitat, la revista se vòl tanben botar a la portada de la gent en perpausar dels textes que se pòden utilizar dins los talhiers de lenga coma « Las cronicas de Vent l'i bufa » de Joan Ganhaire que son dels còps editats en libre. Lo n° especial 150 qu' es per surtir en feurier es un mescladitz de textes ancians qu'avem causit mai de la creacion novela. Las darrièras annadas son tan ricas coma las primièras. La carcassa es solida e avem confiança en l'avenir».

Revue par abonnement : 15€ les 4 numéros ou 25€ les 8 numéros, chèque à l'attention de Novelum, 95 route de Bordeaux 24430 Marsac sur l'Isle.

Denis Gilabert

Joan-Pau Verdier e Marçau Peironi nos informan que lo convidat de l'emission de diumenc 7 de feurier a 11 oras sur França Blu Perigòrd sera Laurenç Labadia per parlar de doblatge en occitan dau film « Le hussard sur le toit », fach per daus comedians maitot perigòrds formats per Pixel'òc.

Meitat chen , Meitat pòrc , chasque diumenc a 11 oras sur França Blu Perigòrd!