24340 Léguillac-de-Cercles
05 53 91 14 74​

Per lo prumier còp, «mas de segur pas per lo darrier », ço-disset Olivier Boudy President dau Bornat dau Perigòrd, la Felibrejada decidet d'organizar una jornada per los escolans e collegians qu'aprenen l'occitan dins lo departament mai los dau canton de Vertelhac.

« Una jornada força interessanta e plan ben organizada » ço-disset un famos professor d'occitan a Perigüers e Brantòsme e animator de radiò ( Marçau Peironi, l'aviatz conegut de segur). Una genta persona dau ranvers, en costume tradicionau, acompahnet chasque grope pendant tota la jornada. En una vintenada de talhiers, los jòunes an pògut rencontrar daus artisans, artistes, professionaus que lor parleren en occitan e en francès de lor passion.

Coma de costuma, las farralhas, los vielhs petarons, la dalhuza, la baturza eran quì e viravan enquera. Lo teulaire monlet daus teules canau davant los eslevas. L'esculptaire sur boesc Mr Laurenç de Vancens expliquet en occitan e en detalh coma far surtir la forma dau materiau. Un expausat complet fuguet fach per « Le Rucher du Périgord », seguit per una degustacion de brescha frescha e de miau de caulzat, de ronze o de chastanh. Pòguèrem verifiar un còp de mai lo biais de dire« Culherada de miau trapa mai de moschas que barricon de vinagre » quante los dròlles botavan lo det dins lo miau fresche. Lo molinier Alan Mazeu, dau Molin de la Pausa a Sent Meard de Drona expliquet l'evolucion dau trabalh dau grun, dempuei l'esbolhatge daus prumiers òmes jusc'a la monaria e la minotaria actualas. Talhadors de peire, esculptaires, fotògrafes, juòcs ancians, bolengier...Auria faugut dos jorns per tot veire!

Musica e dança fugueren plan ben representadas : « Les chanterelles » de Gots-Rossinhòu jugueren e chanteren Turlututu emb los dròlles, avant lo talhier de danças tradicionalas. Apres la taulada, lo grope Talabast faguet un concert onte los jòunes pògueren dançar, borèia, sautiera, cercle circassian mai chantar « Se canta » a la fin. « Quò fai plaser de veire tots quilhs jòunes dansar, chantar e s'interessar a l'occitan » me disset un brave òme. «Qu'era geniau e plan interessant» disset una genta goiata. Tradicion e avenidor se tornan botar ensemble.

Une journée essentielle pour la découverte, le plaisir et la transmission, préparée de main de maître par les intervenants, les bénévoles du canton de Verteillac et du Bornat, pour le plus grand bonheur des élèves et leurs professeurs.

Denis Gilabert.

Le saviez-vous? Les périgourdins jouent un rôle moteur dans l'organisation et la programmation de l'Estivada, le plus grand festival occitan qui rassemble toutes les régions à Rodez du 23 au 26 juillet. Patrick Roux, son « Capmestre » est né à Coux-et-Bigaroque. Son responsable de communication e « oebmestre », Denis Chadeuil a ses racines à Agonac.

Laidonc, questa annada, que de noveu à l'Estivada, Danis ? « D'en prumier, tornarem dins lo centre vila, aurem l'amfiteatre, qu'es la mai bela scena de l'endrech. Lo musèu Soulages vai nos aculhir chasque matin per de las conférencias o daus espectacles. Avem gardat l'idéia de negre per la programacion per las seradas Cabaret chasque jorn a mianuech, per exemple lo 25, « Stille Volk » grope pirenean que boira esperit e instruments medievau, mites pagans d'aici e d'enlai. En generau, la programacion es plan variada, los artistes venen de pertot en occitania. Auram los classics, « Nadau » per lors quarante ans lo 23 e « Lo Còr de la plana » lo 24, mai daus artistes que utilizen la lenga e los instruments tradicionaus per de las composicions actualas, coma « Belouga Quartet » de Provença. Auram « Bal à la voix » que trabalha la polifonia, mai dau jazz, rock, dau punk-rock emb Papa Gahus de Gasconha, dau reggae, de l'electroacostic... tots los estiles actuaus en occitan».

Seulement en occitan ? 

« Non gran, avem convidat per lo 25,Txarango, un grope catalan que monte, e los bretons « Les ramoneurs de menhirs ». Fin finala, lo public tanben ven de pertot. » Et la littérature, le théâtre, les arts ? «Chasque jorn de las rencontras: Pierre François fara son òbra viva au Musèu Soulages lo 24, la tropa « Theu » de Gironda fara una representacion sur los dròlles que damandara la participacion dau public. I aura tanben de las conferencias, podretz platussar aisadament coma los autors » Et les périgourdins ? « Coma de costuma, son presents e actius : « Los Goiats » de Nicolau Puech et Gilles Debecdelièvre per la scèna baleti dau 25 e « Sonoloco », grope de hard-rock punk que vai chabar la darriera serada dau 26 ».

Une programmation très riche et éclectique pour ce festival dont il faut rappeler néanmoins qu'il est gratuit.Renseignements sur www.estivada-rodez.eu .
Infos Pratiques : http://estivada-rodez.eu/infos-pratiques/

NOUVEAU ! Campagne "Posez vos questions à l'Estivada", en partenariat avec le Jornalet

En occitan : http://www.jornalet.com//nova/3567/tot-co-quavetz-totjorn-volgut-saber-sus-lestivada-sens-jamai-gausar-o-demandar

En français : http://estivada-rodez.eu/tout-ce-que-vous-avez-toujours-voulu-savoir-sur-lestivada/

Denis Gilabert.

Photo: Denis Chadeuil, webmaster et responsable communication est l'un des périgourdins qui construisent en occitan le succès de l'Estivada de Rodez.