A l'enchaison de la 100esma Felibrejada dau Bornat dau Perigòrd a Perigüers, lo grope Peiraguda es a preparar « Oc Projècte » un nouvel espectacle per la serenada de dubertura , divendres 5 de julhet.

Joan Bonafont nos en parla .

DG : La 100esma edicion de la Felibrejada est un eveniment especiau. Que nos prepara Peiraguda?

L'idèia es de far un espectacle de doas oras, plan variat. D'en prumier, farem una ora de cançons « classicas » de Peiraguda. Lo « fial rotge » d'aquela partida sira de respondre a la question que nos an pausat tant sovent : « Perqué cantatz en occitan ? ». De segur, tornaretz trobar la mager part de las cançons de nòstre concert dels 40 ans. Mas , per la 100esma de la Felibrejada, nos an damandat de far qualquaren de noveu, qualquaren mai, de l'inedit. Alaidonc, avem pensat convidar qualques uns de nòstres amics per la segonda partida. Tots nos digueren de òc e nos sem botat au trabalh !

DG : Podetz ne'n dire mai sur aquela segonda partida ?

D'en prumier, avem convidat "Brass Office", una partida dels musicians de la fanfara dau Grand Ordinaire. Anem cantar qualquas cançons de Peiraguda, adobadas d'un biais un pauc jazz ; en mai d'aquò, de las cançons espanhòlas, italianas, coma una version occitana de Bella Ciao. Cantarem tanben una version occitana de « The water is wide », cançon nòrd-irlandesa que lo quite Renaud adaptet en francés. Estèfe Ros vai venir coma nosautres emb sa chabreta per far una version de « Dija Joanton », cançon tradicionala de Perigòrd, plan coneguda. Avem trabalhat una cançon trobadorenca de Jaufre Rudel, anem tornat prener «Tolosa » de Claudi Nogaròt en occitan, la meschanta reputacion de Brassens...Zo vestez ben, surtem de nòstre repertòri abitual per far de las cançons qu'aimam plan, mas qu'aviam jamai o pas sovent interpretat sur scena. Falia una ocasion per montar aquel project, per se tornar trobar emb dels amics per far qualquaren en comun. La 100esma de la Felibrejada, aquò vos inspira totparier ! En mai de quò, aurem la scena del parc Gamenson, un endrech plan plasent. Aquò fuguet totplen de trabalh e de plaser per nosautres, aura esperam que lo monde siran contents ! »

Pratique: Peiraguda jugara "Oc Projècte" sur scena divendres 5 de julhet à 21 oras au Parc Gamenson.

Entrada 10€, entresenhas e réservacions au 0553028217.

De veire tanben lo site de la Felibrejada : https://perigueux.fr/perigueux-au-quotidien/animation/1000-2019-la-felibree-a-perigueux.html

Denis Gilabert.

Fotò: lo grope Peiraguda au trabalh...

Joan-Pau Verdier e Nicolau Puech nos informan que los convidats de l'emission dau diumenc 9 de junh 2019 a 11 oras sur França Blu Perigòrd seran François Ardouin president dau comitat de la felibrejada de Perigüers, Emma Bonnin, la reina, Micheu Samolhan Majoral dau Bornat dau Perigòrd e Sebastien Girard per lo Conselh Departamentau de Dordonha.

Meitat chen , Meitat pòrc , chasque diumenc a 11 oras  sur França Blu Perigòrd!

Per escotar l'emission en directe o en redifusion, clicar sur lo ligam: França Blu Perigòrd

Veiqui lo ligam vers lo site de Joan-Pau Verdier

e los ligams vers lo sites de Nicolau Puech:  www.nicolaspeuch.com e facebook.com/nicolaspeuch

A l'occasion de l' Enchantada 2019 a Nontron, Alain et Catherine Dogneton de l'Union Occitane Camille Chabaneau ont tourné un film sur Arnaud Cance, dans le cadre de leur série Monde d'Aqui.

L'auteur compositeur musicien et interprète rouergat de Rodez parle de son attachement a la langue occitane, de son cheminement pour apprendre la langue, la chanter jusqu'à en faire sa langue quotidienne de travail. Il interprète plusieurs chansons et parle aussi de la transmission de la langue à ses enfants.

A écouter sur https://vimeo.com/337844204