Per lo prumier còp, «mas de segur pas per lo darrier », ço-disset Olivier Boudy President dau Bornat dau Perigòrd, la Felibrejada decidet d'organizar una jornada per los escolans e collegians qu'aprenen l'occitan dins lo departament mai los dau canton de Vertelhac.

« Una jornada força interessanta e plan ben organizada » ço-disset un famos professor d'occitan a Perigüers e Brantòsme e animator de radiò ( Marçau Peironi, l'aviatz conegut de segur). Una genta persona dau ranvers, en costume tradicionau, acompahnet chasque grope pendant tota la jornada. En una vintenada de talhiers, los jòunes an pògut rencontrar daus artisans, artistes, professionaus que lor parleren en occitan e en francès de lor passion.

Coma de costuma, las farralhas, los vielhs petarons, la dalhuza, la baturza eran quì e viravan enquera. Lo teulaire monlet daus teules canau davant los eslevas. L'esculptaire sur boesc Mr Laurenç de Vancens expliquet en occitan e en detalh coma far surtir la forma dau materiau. Un expausat complet fuguet fach per « Le Rucher du Périgord », seguit per una degustacion de brescha frescha e de miau de caulzat, de ronze o de chastanh. Pòguèrem verifiar un còp de mai lo biais de dire« Culherada de miau trapa mai de moschas que barricon de vinagre » quante los dròlles botavan lo det dins lo miau fresche. Lo molinier Alan Mazeu, dau Molin de la Pausa a Sent Meard de Drona expliquet l'evolucion dau trabalh dau grun, dempuei l'esbolhatge daus prumiers òmes jusc'a la monaria e la minotaria actualas. Talhadors de peire, esculptaires, fotògrafes, juòcs ancians, bolengier...Auria faugut dos jorns per tot veire!

Musica e dança fugueren plan ben representadas : « Les chanterelles » de Gots-Rossinhòu jugueren e chanteren Turlututu emb los dròlles, avant lo talhier de danças tradicionalas. Apres la taulada, lo grope Talabast faguet un concert onte los jòunes pògueren dançar, borèia, sautiera, cercle circassian mai chantar « Se canta » a la fin. « Quò fai plaser de veire tots quilhs jòunes dansar, chantar e s'interessar a l'occitan » me disset un brave òme. «Qu'era geniau e plan interessant» disset una genta goiata. Tradicion e avenidor se tornan botar ensemble.

Une journée essentielle pour la découverte, le plaisir et la transmission, préparée de main de maître par les intervenants, les bénévoles du canton de Verteillac et du Bornat, pour le plus grand bonheur des élèves et leurs professeurs.

Denis Gilabert.

Vous le croisez sur les marchés, aux cafés òc, sur le tournage d'un clip, aux spectacles et festivals occitans partout en Dordogne, mais qui est donc Philippe Corbière, patron de la boutique Adishatz de Périgueux et promoteur actif de l'occitan?

« Nasquei a Agen, valent a dire a la limita de la Gasconha e dau Lengadòc, auviguei mos grands parlar gascon, quitament lengadocian a l'ostal, mas aprenguei vertadierament la lenga quand demòrava a Anglet, i aprenguei lo basque tanben. Seguei los cors daus talhier « Aici Gasconha », aprenguei de dançar e de chantar en polifònia en gascon e en basque, avem quitament enregistrat un CD coma los Spingolats. Me sente gascon e òme de las Pireneus.Tot ço qu'es a l'entorn de l'occitan m'interessa, me sei essaiat a far un estagi de teatre coma Laurenç Labadia. En 2007, decidèrem emb ma femna de nos instalar a Perigüers, dempuei queu temps ai decidat d'aprener l'occitan lemosin. Puei, quò fuguet la dubertura de la botica Adishatz, un malhum que aura compta 10 boticas e 80 punts de venta ».

Et les activités culturelles? 

« Coma Christian Lafaia e Sigolena, avem creat lo TCO de Periguërs( Talhier Culturau Occitan), au café associatiu des Thetards. Organisam daus cafés òc, de las conferencias emb Joan-Loís Leveque, Micheu Chapduelh , Brigita Oraziò, Peire Martial, Jan-Peire Reidi... ». Et Nicolas Peuch ? « Oc, sem amics, a virat son darrier clip a la discoteca Panda Club, rasis la botica rua Chancelier de l'Hôpital, onte avem fach un baleti de rua lo 05 de junh que fuguet un succès. »Et vous avez aussi un rayon littérature en òc ? « Oc, sei un defendaire de l'occitan. Fau tot ço que pòde per ajudar a la visibilitat e la socializacion de la lenga o de la cultura ».

Et quel programme pour les semaines à venir ? 

« Podretz me veire sur lo merchat de Sench-Astier chasque dijuòus, puei a Paratge a Bordelha lo 15 de junh, la Felibrejada de Vertelhac lo 28 e 29 de junh, lo Torn de França ... ». D'autres projets ? « Oc-es, per la rendrada, una emission de musica occitana, basca, catalana es en preparacion sur radiò RLP 102.3  ». Les idées ne manquent pas à ce gascon hyperactif venu faire son nid en Périgord .

Denis Gilabert.

Joan-Pau Verdier e Marçau Peironi nos informan que los convidats de l'emission du diumenc 1er de junh seran Sergi Lespinassa e Gui Boisson de l'ASCO ( Atelier Sarladais de Culture Occitane).

Anem tornar parlar de la Ringueta de Sarlat 2014 que se debanara los 7 e 8 de junh, plaça de la Granda Rigaudia.

De veire : http://www.ringueta-sarlat.fr/

e lo site de l'ASCO : http://www.asco-sarlat.org/asco-sarlat/ACCUEIL.html

Meitat chen , Meitat pòrc , chasque diumenc a 11 oras 30 sur França Blu Perigòrd!

Veiqui lo ligam vers França Blu Perigòrd

France-Bleu Périgord

e lo ligam vers lo site de Joan-Pau Verdier