Questa annada, lo PEAC ( parcours d'éducation artistique et culturelle) enginhat per l'Agença Culturala Dordonha Perigòrd dans l'encastre de Generacion Paratge aura pour tema lo chant polifonic occitan. Sera seguit per 8 collegis perpausant l'opcion occitan mai de las escòlas elementarias sur los ranvers  de La Coquilha e Sent-Abre, valent a dire a mai de 800 elevas .

Las femnas dau grope La Mal Coiffée son en charja  de preparar los jòunes a quela pratica richa dau chant e a l'espectacle de restitucion qui se debanara los 14 e 15 de mai a venir.

Immersion coma  la chantairitz Marie Coumès pendant la prumiera intervencion coma los collegians de La Coquilha.

« Avem previst tres fasas de formacion. La prumiera es una discutida, un talhier de refleccion emb los eslevas sur lo tema del espectacle a venir, Leona, basat sur lo conte « Diotime et les lions » de Henry Bauchau, adaptat e botat en musica per Laurent Cavalié. Pausam de las questions en francés sur la pratica de lengas a l'ostal, sur las valors que son importantas per los eslevas, sur la libertat de chausida, los moments de festa, coma fasem societat...Nos botam a l'escota daus jòunes, aquò es pas sovent qu'an la possibilitat de s'exprimir, aquò es interessant de descubrir lor biais de veire las causas. Farem un montatge audiò de tot aquò per fin de lo difusir au començament de l'espectacle.

D'en segond, emb Karine Berny e Myriam Boisserie, farem doas intervencions sur lo chant polifonic en feurier e març . La prumiera intervencion vai far descubrir la musicalitat de la lenga occitana, per la pratica de chants tradicionals, continas e viralengas. Pueiprès, farem un talhier d'expression, de la refleccion au chant.

Fin finala, lo 14 o lo 15 de mai, en dos gropes, farem la jornada de restitucion a la sala de las festas de La Coquilha, l'espectacle Leona, seguit d'un baleti ».

Un programa riche per un dispositiu a l'entorn dau chant e de la dança qui s'instala dins la durada e federa de mai en mai d'establiments e d'eslevas en Dordonha.

Denis Gilabert.

Joan-Pau Verdier e Nicolau Puech nos informan que l'emission dau diumenc 29 de decembre 2019 a 11 oras sur França Blu Perigòrd sera consacrada a la seguida daus melhors moments de la sason 2019, un florilegi d'umor e de bona umor !

Meitat chen , Meitat pòrc , chasque diumenc a 11 oras  sur França Blu Perigòrd!

Per escotar l'emission en directe o en redifusion, clicar sur lo ligam: França Blu Perigòrd

Veiqui lo ligam vers lo site de Joan-Pau Verdier

e los ligams vers lo sites de Nicolau Puech:  https://www.nicolaspeuch.com/ e facebook.com/nicolaspeuch

La setmana passada, octele.com rodet mai d'un filmes un pauc pertot en Perigòrd : au PNR Périgord-Limousin a La Coquilha, au collegi Alienor d'Aquitania a Brantòsme, à Bordelha, au merchat de Nadau a Sarlat, a Perigüers...

Avem rencontrat Samira El Hadrati encharjada de produccion chas octele.com. Son nom de familha vòu dire "de la presencia" , podem dire que ne'n manca pas, es capabla de menar mant'una vidas en mesme temps emb un ligam a totas quelas activitats: l'occitan.

DG : Samira, podetz vos presentar?

S E.H.: M'apele Samira El Hadrati, mon nom de familha vòu dire « de la presencia ». Sei nascuda a Vilafranca de Roerga en Avairon, onte la lenga es enquera plan viva. Ai començat l'occitan l'escòla mairala, ai seguit au collegi, au liceu. Ai fach dels estudis d'espòrt, de Karate, e ai continuat de l'aprener per correspondencia emb Renat Jurie. Aprep, ai fach dels estudis d'occitan a la facultat de lenga Joan-Jaurès au Miralh a Tolosa, en mesme temps, avia una entrepresa. Puei, ai ensanhat la lenga au collegi de Castel Nòu d'Ari, en Aude. Trabalhe emb l'òc dempuei totjorn.

DG : Quora e coma avetz començat de trablahar emb octele.com ?

S E.H.: Ai contactat Stéphane Valentin i a doas annadas d'aquò. Dins l'encastre de lor developament, Octele.com drubiguet un bureu a Tolosa, en mai de lo de Pau. Aura sei encargada de produccion e rodam de filmes un pauc pertot en regions Novela Aquitania e Occitania. Ad aqueste moment, avem de las comandas de l'OPLO, de nòstres partenaris coma lo Conselh departamentau de Dordonha. Nostras setmanas son plan activas e aquò es plan ben aital !

DG : Per vos, que representa l'occitan ?

S E.H.: Cò que representa l'occitan per ieu? L'occitan fa partida de mon identitat. La lenga apieja aquela legitimitat. Crese que sèm pas lo produch d'un sòl, sèm lo produch de l'accion que i menam.

Les films tournés par octele.com en Périgòrd seront disponible en début d'année, nous aurons l'occasion d'y revenir.

Denis Gilabert.

Fotò: Samira El Hadrati a la Libraria Marbot de Perigüers e son texte qui-dejòs