En poursuivant votre navigation sur ce site, vous acceptez l'utilisation de cookies. Ces derniers assurent le bon fonctionnement de nos services. En savoir plus.
Auvetz, auvetz, brave monde !
Lo grope Peiraguda sera en dedicaça musicala lo dissabde 17 de decembre a partir de 15 oras a la libraria Marbot de Perigüers. Eran pas venguts dins lo ranvers dempuei la felibrejada de Perigüers! De pas mancar !
L'animator Nicolas Peuch nos infòrma que lo convidat de l’emission dau diumenc 11 de decembre a 11 oras sur França Blu Perigòrd sera Michel Feltin-Palas per son noveu libre « Sauvons les langues régionales » e sa letra d’info « Sur le bout des langues » de l’Express.
Meitat chen , Meitat pòrc , chasque diumenc a 11 oras sur França Blu Perigòrd!
Per escotar l'emission en directe o en redifusion, clicar sur lo ligam: França Blu Perigòrd
Veiqui lo ligam vers los sites de Nicolas Peuch: https://www.nicolaspeuch.com/ e https://fr-fr.facebook.com/nicolas.peuch
Dissabde 26 de novembre 2022, a l'Espaci Culturau E Leclerc de Brageirac se debanava una dedicaça occitana coma los autors Joan-Claudi Dugros e Joan Ganhaire mai lo grope Peiraguda ( Joan Bonafont, Patric Salinié, Jacques Gandon).
Finament preparats per lors doas regentas, los goiassons de la Calandreta Bel Solelh de Brageirac se junheren au grope per chantar "Lo garric", "La dama Pijonièra" e "Un pais que canta". Los parents e lo monde dins la galaria comerciala fugueren plan contents d'auvir los goiassons que coneissian plan ben las paraulas e chantavan juste ! Un brave moment d'emocion per tot lo monde !
Veiqui quauquas fotòs de l'eveniment e un enregistrament de Lo garric captat per Joan-Micheu Bardou.
