Esperat per los apreneires de tota mena, collegians, liceans, membres de talhiers de lenga, veiqui lo « Lexique français occitan limousin / Lexic occitan francés lemosin », establit per lo lexicografe Danis Chapduelh e editat en coedicion Novelum /Lo Congrès permanent de la lenga occitana.

Aqueu lexic d’usatge corrent presenta una chausida de mai de 15000 entradas costat francés occitan e 25000 costat occitan francés e s’apieja notadament sur lo trabalh de Joan Ros, Joan Ganhaire e Jan-Peire Reidi.

De segur pas l’exaustivitat d’un diccionari, mas quauquaren de plan pratic, 620 paginas e per un pretz de venda accessible de 25€.

Surtida en abriu 2023.

Queu obratge es disponible dins las librarias de Perigòrd e sur la botica en linha de Novelum : https://www.novelum-ieo24.fr/shop

L'animator Nicolas Peuch nos infòrma que la convidada de l’emission dau diumenc 16 d'abriu 2023 sera  Ive Lavalada per presentar la novela edicion de son diccionari Français Occitan editat per l'Union Occitana Camila Chabaneu.

Meitat chen , Meitat pòrc , chasque diumenc a 11 oras  sur França Blu Perigòrd!

Per escotar l'emission en directe o en redifusion, clicar sur lo ligam: França Blu Perigòrd

Veiqui lo ligam vers los sites de Nicolas Peuch:  https://www.nicolaspeuch.com/ e https://fr-fr.facebook.com/nicolas.peuch

Messatge d'Olivier Pijasson

Adiussiatz monde escarabilhats, ainsi que les autres,

Es ben plan temps de surtir dau jaç e de vos desgorçonar ; sortez vous aérer avant de finir par sentir l'estufis.

E per aquò avez vòstre café òc mesadier en Lagulhac la Polida, au Café Associatif de Léguillac la Cerclée, ce mardi 11 à partir de 19 h. Los que vendrián mai dabora podrán boissar e desrantelar la charriera jusca au bassoelh.

Comme d'habitude, venez armer de vos couverts, avec de quoi les utiliser. Lo beure au comptador per la glòria de vòstre gorjareu tant preciós.

Lo tema de la serenada : quantben, onte, quoras avez trobar de las maurilhas aquesta annada ?

Bona dimenjada e a dimars dròllas e dròlles

Pijasson