Veiqui un texte de Nadau Rebeiròl dau talhier de lenga de Moissídan, mandat per son animator Joan-Claudi Dugros.

°°

Quo era, autres còps ente los parents a la ferma, trabalhaven jusc’a la nuech e los mainatges devián esser coijats avant que tots sián rentrats.

E queste ser coma a l’abituda, las tres filhas aneren se coijar, totas dins la mesma chambra car n’i aviá que doas peças, la granda cosina ente coijaven los parents e la memé, e dins l’autra las tres filhas dins dos liechs còsta a còsta.

Una de las filhas rentra dins lo liech e ne’n tòrna surtir tota afolida e a s’esjaulhar, i a quauqu’un dins lo liech, ai sentit una chamba chauda !

La memé estant aicí, tot bien reflechit, trapa lo piquet que aviá estat botat dins la chaminèia per fin d’esser brutlat, lo trapa e sens saber-far, en veire un monticolet dejós la cuberta, balha una granda escodiada, e suspresa, paguna reaccion, descruba e que vai veire, la sopiera de sopa que la mamà aviá botat per demorar chauda en esperar que tots sián rentrats.

Sigueren rassegurats, mas pas la sopiera ni la sopa.

Nadau Rebeiròl.

L'hypermarché E. Leclerc de Sarlat vient d'implanter une vingtaine de livres en occitan dans son rayon librairie, des classiques aux plus récents. Vous trouverez ces livres au rayon Périgord.

Les responsables sont à votre écoute et peuvent vous procurer certaines références sur commande.

Nous saluons cette initiative et comptons sur vous pour le faire savoir sur le Sarladais.

Denis Gilabert

Veiqui un noveu texte de Nadau Rebeiròl dau talhier de lenga de Moissídan, mandat per son animator Joan-Claudi Dugros.

°°

Tots los sers, a la tombada de la nuech, suerte far ma pita permenada a l’entorn de la maison.

Justament, queste ser, coma a l’abituda, fagueri ma pita virada. Veniá juste d’apreciar un coijar de solelh entrant de tota beutat.

Las estelas dins lo ciau començavan a s’apercegre, una a una, chascuna plus o mens luminosa, mesma per moment una lusor coma una estela filanta, benleu un avion, o ben tot ‘n autra besonha.

Tot en persegre mon chamin, vau veire una ligor quasiment a rasís de la muralha d’ente, per un petit bocin de plais aveque quauquas romzes, ortujas e autras plantas sauvatjas, me tròbe surprés de veire un verme lusent.

Quò fai quauquas annadas que ne’n aviá pus vist.

Sei restat tot un moment a me laissar ‘nar, dins quel univers, e auvir dins un silenci de nuech, los chants melodiós de la sauvatgina a proximitat.

Tot un moment a raibassar, mas pensar e tot esmogut, rentrava a la maison.

Nadau Rebeiròl