Un bon texte de rentrada de Jan Peire Reidi

Nòstra vacha a pus de lach. La sechiera de l’estiu a bruslat los prats. Es pas presta de tornar menar un autre vedeu la paubra bèstia. Avem pus d’erba e gaire de fen. Per nurir nòstres pitits, som oblijats de ’chaptar dau lach dins d’autras bòrias emb daus sòus que avem pas. Som oblijats d’empruntar a daus interès que nos costen los uelhs de la testa. 

Lo pauc de lach que la vacha nos dòna, lo proprietari lo pren per far son fromatge. Lo vend sus los merchats e garda los sòus per se. Som tots esmalits contra tot e contra tots. Avem chamjat de vasle sai pas quantben de còps, mas chasque còp quo es parier : prometen miràudia, mas cugen pas li far donar mai de lach a nòstra paubra vacha. Pertant, vos garantisse que passem pas fauta de candidats, capables o pas, per far lo vaslet o lo baile. Passen mai de temps en maniganças per empaichar los autres candidats d’aver la plaça que de se damandar coma far, emb d’autres candidats vaslets de bona volontat, per eissaiar de la sauvar, nòstra paubra vacha.

Los uns disen que quò es la vacha que ne’n es causa : es tròp grassa, minja tròp. Fau mainatjar l’erba. Fau laissar mai de lach au proprietari per l’amor que fai trabalhar los pitits per far son fromatge. Si fai pus de fromatge, los pitits auran pus de trabalh e pus de sòus. E tant pieg si d’autres pitits n’an ren – son daus fenhants ! – e si i a pus de sòus per paiàr l’escòla o lo medecin. Disen que faudriá trabalhar mai de temps per lo patron e per la vacha, mas sens ren ganhar.

Los autres disen que fau far pàiar lo patron, pus li donar de sòus, e pas l’escoltar quand ditz que las taussas lo van roinar. Los pitits trabalhen tròp e son pas pro paiats. Vòlen pas auvir parlar d’esfòrç que deurian far si a proporcion los que an mai de sòus ne’n dònen mens. Mas benleu que la mòrt de la vacha siriá pieg per ilhs que l’injustícia d’aura.

Malurosament, los mielhs plaçats per aver las plaças de vasle e de baile, son los que fan creire çò que de mai en mai de pitits an enviá de creire : los que son causa de nòstres malurs son los pitits venguts d’autras bòrias ente lurs zebús dònen enquera mens de lach que nòstra vacha. Tracten los autres de tots los noms e disen de las meissonjas a los que las vòlen auvir.

Me que sei pas un patron, mas que ai una bona pension de retirada, daus sòus a la banca, un patrimòni, un o dos quatre-quatre, doas o tres maisons, sabe-ieu que de mai, degun me damanda ren. Pertant, la voldriá plan sauvar, nòstra vacha. Mas vos promete que ne’n ai mon aise de los que se polhen, s’entraupen e s’afinen los uns autres au luòc de prener lurs responsabilitats.

A Javerlhac, lo 4 setembre de 2025

Jan-Peire Reidi

Messatge d'Olivier Pijasson.

Adiussiatz monde,

Pour la rentrée, je vais vous le faire en deux versions.

Quò es ben perque ploguet questa nuech e que preni un moment en esperar que quò esbralhe un pauc avant que de tornar a la natura.

Nos tornam veire dimars entrant, coma d'avesat lo segond dimars de chade mes au Café Associatiu de Lagulhac de Cercle. Aquí zo sabetz vosautres/as tot(a)s enchucats/adas per un estiu chalorós que sentiguet pas lo chaumenís, pas mai que v'autres queraque.

Lo convidat de dimars, Laurenç Labadiá, se mesma, vendrá nos parlar de l'actualitat culturala occitana e de sas activitats e de sos projects.

Ne'n aprofecharetz per far parier !

Pas mai de platussadís que devi ne'n tornar parlar en franciment.

Rampalada a tots e a totas que lo minjar suert de vòstres paniers e autras bòjas, comprés los cuberts gatges bacadoires. Lo beure au comptador dau Café.

Lo Café drueba partir de 7 oras de l'enser. Venetz nombrós, l'en dedins es pro chabissent, e parli pas de l'en defòra ! 

Los potons, z'afanatz plan coma se ditz dins las reclamas.

La còla meritanta que vos espera.

                                          -----------------------------------------------------------------------------------------

Je recommence.

Maintenant que vous êtes bien réchauffé(e)s et séché(e)s, il est tant de nous retrouver à l’abri du temps en évoquant l'actualité culturelle occitane et les projets pour son avenir. 

Pour se faire nous avons invité Laurent Labadie , en personne (vous pourrez le toucher), qui en sait plus sur le sujet que les RG et la CIA réunis. D'autant plus qu'il trempe littéralement dans l'affaire.   

Vous en profiterez pour parler des vôtres, actualité et projets réunis.

Pour mémoire, le Café ouvre à 19 h. Auberge espagnole pour le solide, les boissons se prennent au comptoir du Café Asso. N'oubliez pas de vous munir de vos couverts.

N'hésitez pas à venir nombreux. Il y aura assez de place pour se supporter tous et toutes.

On se claque la bise en attendant mieux.

L'équipe que vous méritez.

L'animator Nicolas Peuch nos infòrma que lo convidat de l’emission de rentrada dau diumenc 7 de setembre 2025 a 11 oras sur Ici Périgord sera Patrick Ratinaud per presentar la 17ᵉ edicion de l’Enchantada,  lo festenau de la chançon occitane en Périgord Vert, los 20 e 21 de setembre 2025 a Nontronh et Sent Estèfe. 

Per escotar l'emission en directe o en redifusion, clicar sur lo ligam:  Ici Périgord

Veiqui lo ligam vers los sites de Nicolas Peuch:  https://www.nicolaspeuch.com/ e https://fr-fr.facebook.com/nicolas.peuch