una communicacion de Jaumeta Beauzetie.

 

Mai d'una quinzena de personas an lo plaser de se tornar trobar tots los 15 jorns, los dimarts au ser a 8 oras a la sala RPA de Pueg'Gut per assistar aus cors de doas oras de Jan-Peire Meriguet, provisor-adjoent a la retreta.

'Queu dimarts 29 d'octòbre, una discussion sus la frucha de sason era au programa. Qu'es entau que parlerem de las varietats de pomas obludadas, de champanhòus, de chastanhas... e de las animacions que se fan dins los ranvers de Pueg-Gut. La Clòtilda, 'na debutanta en occitan se lancet mesma per parlar e escrir -perfectament- çò que 'la venia de dire !

Legiguerem e comenterem un passatge de la « Lison dau Peirat » de Monica Sarrasin (ed. Chamins de Sent-Jaume)* e 'quò fuguet lo moment de notar en grafia classica la « la cigala e la fermic », fabla de J. Foucaud (1747-1818).

Jan-Peire Meriguet presentet lo libre « un paisan lemosin dins las annadas 50 » de Gisela Chretien (1948-1984) que sira estudiat pus tard e dins la varianta provençala, legiguet un poema de Frederic Mistrau.

Una lectura dau texte de Roland Berland « lo v-onze de novembre » fuguet conselhada, sus lo site « chanson-limousine.net » afen de lu comentar au prochen cors... e qu'era desja l'ora de partir !

Una serenada plasenta e plan richa !

L'associacion Cercl'Oc organiza tanben de las rencontras tots los mes « merchat en oc » au merchat de Pueg'Gut e « Cafe oc » a « l'Entente Cordiale » a Ajac, rencontras animadas per la Michela Larossaria.

 

* analisa plan interranta de 'queu libre dins lo blòg de Jan-Peire Cavalièr « Mescladis e còps de gula » : « qu'es entau, qu'es pas autrament ! » (dins la varianta lengadociana !)