Ok

En poursuivant votre navigation sur ce site, vous acceptez l'utilisation de cookies. Ces derniers assurent le bon fonctionnement de nos services. En savoir plus.

gilles de becdelièvre

  • Gargamas, lo gigant de las doas testas

    SDC16400.JPGQuante rencontri Antonin Duval e Gilles de Becdelièvre, lor demandi d'onte venia lo nom dau grope, me disseren : « Gargamas es un autre nom de Gargantua », lo famos gigant Gerjan daus contes vielhs. « L'ideia nos venguet d'un conte de Daniel Lhomond onte lo gigant Gargamas pissava dins la Dordonha...Trobèrem que qu'era un brave nom per un grope de musica tradicionala ». Antonin lo violonaire, 23 ans ven de Normandia e Gilles 32 ans, acordeon diatonic e chant, nasquet en Perigòrd. 

    « Fau dau « trad » dempuei mai de dietz ans, ço-ditz lo Gilles, qu'es a dire de la musica que fuguet colectada en Perigòrd-est o Lemosin pròpche de Dordonha per Casse e Chaminada en 1905 ( chansons patoises du Périgord) o mai recentament per Thierry Boisvert dins las annadas 1980. Jugam de las chansons coma « Las filhas de Marzac », mais de las mens conegudas de segur ».

    Eran convidats dijuòus passat a la mediateca de Trelhissac per jugar vivent a l'enregistrament de « D'òc show » de octele.com. Los dos òmes baten la cadança sietats en tustar daus pès dautemps que jugan e chantan. Fuguren bien clafats per lo public. E viratz beucòp ?

    « Oc-plan, en Dordonha, mas tanben en Lemosin, Auvernha . I a pertot un reviscòu vertadier per totas las danças patrimonialas e de mai en mai vesem daus jòunes que venen per aprener las danças coma la borreia o b'etot la sautiera ». Quò es vrai que que lo nombre de jugaires d'instruments traditionau fai nonmas de creisser, un pauc pertot en França, pas nonmas dins lo domeni occitan. « Fasem sovent de la presentacion en escòla, collegis ou liceus, coma per exemple a Bertrand de Born au cors d'occitan de Marçau Peironi. E podetz nos creire, son interessats, los joùnes, son un pauc surprès a la debuta de veire dau monde que an nonmas quauquas annadas de mai que ilhs ». E avetz de las autres activitats ? "Oc-ben, mas totjorn dins lo « trad », avem un autre grope « la Poule Noire » emb Cecile au chant. Dins queu moment sem trapats de chabar un CD per Gargamas que deuria surtir en junh que ven ».

    Eh bien, voilà un duo actif au service d'une musique qui effectue son grand retour avec la langue qui la porte.

    Denis Gilabert.

    De veire tanben: http://gargamas.wix.com/duogargamas.

    e de segur sur : octele.com partir de dimarç 8 de abriu.

  • Albòm fotò dau viratge de D'òc show a Trelhissac (Dordonha)

    SDC16460.JPGPodetz trobar quauquas fotòs de l'equipa de Octele.com venguda le 03 de abriu a Trelhissac rasis Perigüers per virar l'emission "D'òc show". Fotòs sens pretencion daus convidats, dau public, daus tecnicians presas sur lo viu. De veire sur queu blògue, clicar sur octele vira en Dordonha puei sur diaporama.

    Lo tema de l'emission era la santat en mitant rurau.

    Stéphane Valentin e Vincenç Claveria de Octele convideren Joan Ganhaire Conselhier Generau en charja de las questions medicalas en Dordonha e Françoise Vergnot que nos parlet de son experiença de terren.

    Daus reportatges fuguren difusats per ilustrar lo perpaus( Lo programa Cassiopée come madama Joana Moreau, Intervista de Joan-Lois Leveque sur la formacion dau personau medicau en occitan, presentacion daus objects intelligents...)

    Francès Lagòrça de l'Agença Culturala Dordonha Perigòrd e Olivier Pijasson de Novelum nos parlèren dau colectatge de la memòria occitana que faguèren en maisons de retirada.

    Fuguet parlat de l'importança de la premsa en mitan rurau e de l'occitan dins los medias per Felip Christophe.

    Monica Burg, contairitz parlet tanben de son experiencia d'animations en occitan en maison de retirada e disset en direct un conte "Lo Peisson-Lebre".

    Apres una difusion de "La peau" de sa seria "l'occitania en banhadoira" Laurenç Labadia expliquet lo programa de formation en occitan per comedians que se botara en plaça partir de mai 2014.

    Lo grope perigòrd Gargamas de Gilles De Becdelièvre( acordeon diatonic) e Antonin Duval ( violon) juguet daus bocins de musica tradicionala colectada en Perigòrd mai Lemosin. Son per surtir un CD en junh que ven.

    L' enregistrament se faguet dins una atmosfera plan plasenta e conviviala.

    Podretz tornar trobar l'emission en "tornar jugar" partir de dimarç 8 de abriu sur octele.com, onglet "programas totes" puei "D'òc show".

    Denis Gilabert