Per segre l'intervueda que nos balhet l'autor ( de veire l'article), veiqui un extrach de son noveu roman policier:

°°

Lo medecin Cabanel era un bel òme, i aviá pas a dire. Grand, espatlut, los piaus enquera blonds bien ondulats, fasiá pas sa seissantena. D'alhors era conegut per estre un famós fumelaire. Sos uelhs blues fasián daus degasts terribles demest lo femnum de Maraval. Quilhs uelhs blues que espiavan los dos òmes d'en pè de l'autre costat de son bureu, e semblavan se damandar çò que fasián quí, cilhas fruncidas, segurament en causa de sa chamisa. Era fotuda, sa brava chamisa a finas raiadas. Dos cròs negresits per la podra eran tanben rogesits per un pauc de sang calhat. Dos còps de revolver o de pistolet a corta portada. Darnaudguilhem e Le Goff, las mans dins las pòchas, lo còl de manteu relevat, li tornavan son espiada, sens pilhonar. L'odor de cafe fresche lor rapelava tròp que eran estats fotuts en bas dau liech a pas d'ora per queu matin de janvier jalat, brumasson e eslampiaire. Puegpelut los aviá credat tan leu que la clinica daus Jarrics Verds aviá sonat lo comissariat d'una votz esfoudida que un veniá de trobar lo patron mòrt dins son bureu, aparentament tuat a còps de pistolet. Lor aviá pas faugut mai de vint minutas per 'ribar, estre aculhits per una femna sanglutanta, estre menats davant la despolha mortala dau Medecin Enric Cabanel, proprietari de la clinica daus Jarrics Verds e d'aver constatat que çò que era estat dich au telefòne era l'estricta veritat. Darnaudguilhem se viret vers la femna que, acotada a l'enquadrament de la pòrta, eissaiava d'estofar sos sangluts dins un mochenas abeurat. -Avetz ren tucat ? la responsa venguet d'un movament de testa. Non, Madama Rebairòl aviá tucat ren. Quo es ela que, eimatin dabora, estonada de veire de la lum jos la pòrta dau bureu a sieis oras, era entrada après aver tustat e obtengut cap de responsa. Pas estonant. Lo sole ocupaire de la peça era estat amuit de dos còps de pistolet. Madama Rebairòl era infirmiera, infirmiera chefe, e aviá pas mestier de longtemps per saber que quauqu'un era mòrt. Completament estabalausida, aviá tornat barrar la pòrta, aviá ren dich a degun, e aviá bombat sur lo telefòne per credar la polícia. Puei era tornada dins lo bureu per purar son chen d'aise davant lo cadabre dau medecin Cabanel. Brava blonda bien parpalhada, deviá se sentir veusas, la Rebairòl. Lo comissari era preste a gatjar que quela-quí fasiá partida dau Arem dau funtat. Le Goff aviá desjà sonat Masdelbòsc e la banda a Riublandon. Dins quauquas minutas, legista e identitat judiciària aurián envasit bureu e corredor, e quita sala d'operacion. Per l'ora, la clinica s'esvelhava doçament e la mòrt dau patron semblava enquera esconduda. L'entrada daus dos policiers s'era facha per l'en bas e l'infirmiera los avia menats directament au second per l'ascensor. Avián rencontrat degun. Darnaudguilhem dempuei lo bassolh, espiava la peça luxuosa. Quo es la moqueta, subretot que l'interessava. D'ente era, vesiá una chadiera esversada ente quauqu'un s'era degut sietar, s'era levat bruscament, aviá fait un pas vers lo bureu. Los piaus prigonds ne'n portavan enquera la marca. E si sa vuda era enquera bona, la piada imprimada dins la nauta lana, era la d'un solhier ponchut. E las marcas que se vesián davant la chadiera semblavan fotrament a çò que fan generalament daus talons-'gulha. Un anava ben veire çò que lo pitit Riublandon anava ne'n surtir, mas lai enquera, lo comissari era preste a pariar sa paia d'un mes qu'una femna s'era sietada quí, s'era levada d'un lanç e aviá proprament tirat sur lo medecin a bot tucant.( de segre)

Joan Ganhaire, "V'autres que m'avetz tuada", junh 2013

Comme indiqué dans le journal Sud-Ouest et sur Sud Ouest.fr, voici ci-dessous l'extrait fourni par l'auteur pour les lecteurs de notre blog.Pensez à noter sur votre agenda la séance de présentation et signature que fera Joan Ganhaire samedi 25 mai à 10h30 à la librairie Lanard de Brantôme, en présence de l'éditeur , l'écrivain, musicien et chanteur Jan dau Melhau et l'illustrateur Jean-Marc Siméonin. Une rencontre importante avec trois "pointures" de l'occitan limousin !

N'hésitez pas à réagir sur cet article sur ce blog en pied d'article et sur sudouest.fr ! Denis Gilabert.

°°

Lo beret de Massime.

"L'escòla e Massime eran pas faits l'un per l'autre. Era tornada emb un beret nuòu e la bona novela : bric d'escòla, e l'i aviá conhat sus la testa lo gatge que l'aviá pus quitat dempuei. La mair l'aviá pres pro beu que lo dròlle era dau genre testarut, d' endefòra per lo mens. D'annada en annada, s'eran ajustats l'un l'autre, cuer craquelat, lana tintada, piaus escorcits puei de mens en mens espes. Aura, lo beret era una p'ita chausa verdauda, marcada de cercles rosselards que faliá s'enfonsar a ras de cilhas e d'aurelhas, reddisada per quaranta ans de suor e de mans negras e grassas. Aviá faugut lo petaçar dos còps, un quand la Friqueta, per jugar, l'aviá tirat de la testa de Massime e aviá començat de lo chaunhar. Era pas 'nada bien luenh, que lo gorjetar l'aviá presa còp sec, e se riscariá pas tornar començar, que 'masset la mai brava sarclada de sa vita. L'autre còp, quo es quante la poda bien afialada li era tornada en plen front, renvoiada per una nosilhiera tròp flauja. Quo era pas la fendassa que pissava lo sang que lo faguet bramar, lo Massime, mas la talhassa de son crueba-chap ente se podiá passar la man. La Zelia aviá vougut aprofiechar l'accident per lo passar a la bujada, mas le dròlle s'esbramelet emb tau 'na violéncia que lo project fuguet leu abandonat. Los jorns seguents eran estats doleiròs, que lo pensament de Chaminot aviá pas permettut au beret petaçat de tornar trobar sa plaça. Las solas infidelitats eran estadas impausadas per la Zelia e l'Iveta que s'i era botada ela maitot. Los jorns de festa e de ceremonia, òm surtiá d'una tireta dau cabinet un beret tot nuòu, large coma una ròda de charreta, que se podiá clinar gentament sus l'aurelha, mas que tanleu l'enser se tornava embarrar dins lo papier de seda e lo creba-tinha. E lo M assime tornava trobar son vielh companhon que butiá lo gentum a li far pagun repròche. Sabiá plan que reinava en mestre a la bela cima de Massime. Eran amics, tot franc. Jurcinc'a ueimatin. Lo vent que s'era pertant assuausat l'aviá traït. Una remolinada brutala aviá boissat la bassa-cort, 'rachat un marn au vielh telhòu, fait trundir lo portau meitat desgondat, esborissat polas e pintadas, e emportat lo beret de Massime. Una frijolada per lo cagassot, quatre piaus griselards s'esflacassent dins lo vent , una brutala sensacion de voide. Lo beret era pus quí. Era pas bien luenh, encrunchat dins las puas d'un vielh cultivator que rolhava au mitan de la bassa-cort. Massime eslonget lo pas per tornar prener possession d'un gatge tan preciòs. Se doblet malaisadament, mas lo beret que semblava calat se reviscolet e rudelet vint metres pus luenh. Auriatz dich que coneissiá lo chamin. Engulhet lo portau landat e semblet voler colar sus Mòrtamart, mas trobet la p'ita caforcha que mena a la font Bidoira davalet lo sendareu. Massime seguiá , des'lenat, ventre secodut, suchas pesantas, que n'era pas 'bituat a entau un exerci.

Vai plan tombar dins lo lavador ..."( de segre). Joan Ganhaire

Trois livres prêts à sortir ! C'est l'actualité 2013 de l'écrivain occitan périgourdin Joan Ganhaire( Jean Ganiayre). Entre ses fonctions de Conseiller Général de Brantôme, de Délégué à la langue et la culture occitanes et tant d'autres activités, l'écrivain a trouvé le temps pour une nouvelle, un policier et un livre de contes. Il nous a reçu chez lui , à Valeuil, pour nous parler de sa nouvelle qui sort cette semaine .

Né d'un père nontronnais, également écrivain, et d'une mère saintongeaise, Joan s'est installé dans la vallée de la Dronne au début de sa carrière de médecin pour ne plus la quitter. Nous avons découvert l'auteur entre son bureau et son antre d'écrivain : le fauteuil et la cheminée devant laquelle il écrit , un peu plus d'une heure chaque soir. « C'est une discipline quotidienne, je ne m'arrête que quand j'ai la suite qui me permettra de recommencer le lendemain ».

Le thème ? «  L'histoire d'un vieux garçon, comme on en voit souvent par ici , éternellement coiffé d'un vieux béret qui mène sa vie routinière entre sa mère et sa mule , la Friquette. Quand soudain surgissent deux événements qui vont bouleverser profondément son existence... ». Voilà le point de départ.« Mais cette fois les choses s'arrangent à peu près à la fin! », nous dit l'auteur souvent coutumier des intrigues les plus sombres , notamment dans ses romans policiers. On y retrouve le style vif , prenant, riche de belles expressions et de vocabulaire qu'adorent chez lui les amoureux de la belle langue occitane. Amateur de littérature policière américaine (Edgar Poe, Ray Bradbury),sud américaine ( Julio Cortazar), catalane ( Manuel Vázquez Montalbán, l'auteur de Pepe Carvalho) , suédoise ( Henning Mankel) et sicilienne ( Andrea Camilleri), Joan Ganhaire puise surtout son inspiration dans ses expériences personnelles et les histoires souvent véridiques qui lui ont été rapportées par le monde rural dans lequel il vit et où il a appris l'occitan. Ceci confère à ses œuvres un ancrage profond dans la réalité périgourdine. L'action n'en est que plus passionnante et réaliste.

« Los braves jorns de Perdilhòta », publié aux éditions « Lo chamin de Sent Jaume » de l'écrivain et musicien Jan dau Melhau, est joliment illustré par Jean-Marc Simeonin.

Les deux seront également présents lors de la séance exceptionnelle de présentation et dédicace que fera Joan Ganhaire le samedi 25 mai à partir de10h30 à la librairie Lanard a Brantôme. Un rendez-vous important à ne pas manquer !

Voir également:  le site de Jean Ganiayre

Denis Gilabert.