Bona annada 2021
Chars legeires e contributors dau blògue Rubrica en òc,
vòle vos grandmercejar de nos aver legit e donat de la matiera per botar sur aqueu blògue, mai que mai pendant la prumièra periòda de l'embarrament, lo confinhament, coma voletz, en debuta d'annada 2020. Avem vist que totplen de monde an essaiat e reüssit a far viure l'occitan, se son botats au "distenciau". Quò es important de contunhar, desja que nos fan ben saber que sem pas una prioritat en temps normau, alaidonc en temps de crisa sanitaria...
Esperam qu'en 2021, tots los projectes/prefatz qu'avem pas pogut far l'an passat van finalament poder se far, que la musica e la dança van poder tornar prener e que de noveus projectes van espelir. N'avem mestier, n'autres los adultes mas mai que mai los jòunes que an mestier de gardar fisança en l'avenir e d'imatginar e far viure un monde melhor per doman.
Vos soate una bona santat, totplen de projectes e de bons moments de vita per 2021... e coma disem " Bevem a l'an que ven, si sem pas mai, que siam pas mens!"
Denis Gilabert, animator dau blògue Rubrica en òc.
Lien permanent
Catégories : Actualitats, actualité
Nicolas Peuch nos infòrma que lo convidat de las doas emissions dau diumenc 20 e 27 de decembre a 11 oras sur França Blu Perigòrd sera Pascal Laurent, passionat de cosina, per preparar un bon repas de festas de fin d'annada.
Nicolas Peuch nos infòrma que lo convidat de l'emission dau diumenc 13 de decembre a 11 oras sur França Blu Perigòrd sera Laurenç Labadia per parlar de la novela platafòrma de VOD de Cont'am : OCVOD .