En poursuivant votre navigation sur ce site, vous acceptez l'utilisation de cookies. Ces derniers assurent le bon fonctionnement de nos services. En savoir plus.
Dins la seria "Eveniments", octele.com perpausa un film sur la darriera dedicaça d'autors que se debanet en novembre 2021 a la libraria Marbot de Perigüers.
De las entrevistas coma Francesa Dudognon, Jan Peire Reidi, Esteve Ros menadas per Nicolas Peuch.
De veire en clicar qui apres: https://www.octele.com/Rencontra-autors-periguers_fiche_4150.html
L'animator Nicolas Peuch nos infòrma que lo convidat de l'emission dau diumenc 30 de genier 2022 a 11 oras sur França Blu Perigòrd sera David Lajudie, President de l’IEO Lemosin per presentar las activitats de l’associacion coma La Libraria occitana de Lemotges, La Biaça.
Meitat chen , Meitat pòrc , chasque diumenc a 11 oras sur França Blu Perigòrd!
Per escotar l'emission en directe o en redifusion, clicar sur lo ligam: França Blu Perigòrd
Veiqui lo ligam vers los sites de Nicolas Peuch: https://www.nicolaspeuch.com/ e https://fr-fr.facebook.com/nicolas.peuch
L'avetz remarcat, i a de l'occitan dins la letra dau departament. Los buletins municipaus, los sites de las comunas son tanben de las occasion de balhar mai de visibilitat a la lenga e la cultura occitanas de Perigòrd. Los que saben escriure l'occitan podrian perpausar de tenir una rubrica en occitan dins los supòrts locaus de lor meraria, comunautats de comunas, ofici de torisma, que sabe-io. Los subjects mancan pas: noms de luòcs, noms de familha, actualitat. Trobaretz totplen d'informacion dins queu blògue, dins la revuda Paraulas eca.
Avez aqui l'exemple de çò que faguet Jan-Peire Reidi dins sa comuna de Javerlhac.
Bona idèia, non?
Denis Gilabert