Auei, qu'es la rentrada per Rubrica en òc tanben.
Voici donc une petite chronique de mobilité géographique par Micheu Chapduelh, afin de nous remettre en route pour la rentrée. Comme de coutume, en toute dérision bien sûr...
°°
Chabadas las vacanças. Es temps de tornar, de tornar au trabalh, de prener lo chamin dau retorn. Auvetz totjorn a la ràdio o a la television, los jornalistas dire que lo chamin dau despart es encombrat au començament de julhet. O lo chamin dau retorn saturat a la fin dau mes d’aost. Me sei longtemps damandat coma podián saber si tala o tala veitura presa dins un embotelhatge partiá o tornava. Me semblava que quauqu’un de Marselha qu’anava passar sas vacanças a Clarmont era sus lo chamin de l’anar, mas que queu chamin anava dins la mesma direccion que lo chamin dau retorn d’un parisian que veniá de passar sas vacanças a Seta. Mas non ! Per los jornalistas son tots dos sus lo chamin dau retorn. Quo es que partir vòu dire « quitar París per las Vacanças » e tornar vòu dire « quitar las Vacanças per rentrar a París ».
Fin finala, lo governament a tòrt de voler redusir lo nombre de regions : desjà ne’n i a nonmàs doàs : París per i trabalhar e las Vacanças onte los parisians se van pausar..
Si de Perigòrd voletz anar passar quauques temps en Bretanha o vers Briançon, partetz pas e tornatz pas : demoratz en Vacanças. E si voletz anar passar quauques temps a París, cresetz d’i anar mas quo es pas vertat, ses a i tornar, que seguetz lo sense dau retorn.
Quauqu’un que fai París-Rouen e vai vers lo nòrd es dins lo sense dau despart, mas tanben quauqu’un que vai vers lo sud e fai París-Marselha. E far Rouen-París o Marselha-París, quo es anar vers lo sud o vers lo nord, mas totjorn dins lo sense dau retorn. Quo es pas simple la geografia !
Tornar au trabalh, quo es per consequent tornar a París. Los que tornan pas a París son totjorn en vacanças, trabalhan pas, son daus gròs fenhants.
Micheu Chapduelh
Si cette chronique vous inspire des commentaires et des textes en occitan, laissez les sur notre blog
Joan-Pau Verdier e Marçau Peironi nos informan que l'emission dau diumenc 14 de setembre a 11 oras (atencion, novel orari) sur França Blu Perigòrd se debanara en direct de la fiera espausicion de Marsac emb los gropes occitans e sur l'estand dau Bornat dau Perigòrd.
L'association « Qualité de vie à Antonne et Trigonant » de Yannick Cleyrat organise un bal traditionnel samedi 6 septembre à 21 h, salle Storelli.