Joan-Pau Verdier e Marçau Peironi nos informan que lo convidat de l'emission de questa dimenjada sera

Sebastian Girard dau Pole Occitan de l'Agença Culturala per parlar de «Escriure en òc », concors d'escritura dubert a tots sur la tematica de la dança.

De veire lo site :www.escriure.fr , los contributors i deven depausar lors textes avant lo 11 de abriu, perdatz pas de temps, esperetz pas lo darrier moment !

De veire tanben l'article sur aqueu blògue

Escriure en òc, le concours d'écriture pour Paratge

Meitat chen , Meitat pòrc , chasque diumenc a 11 oras 30 sur França Blu Perigòrd!

Veiqui lo ligam vers França Blu Perigòrd

France-Bleu Périgord

Et voilà pour ceux qui y étaient et les autres le lien vers l'album de ce blog , également accessible depuis la page d'accueil !

A vous ensuite de lancer le diaporama.

http://occitan.blogspirit.com/album/carnaval-au-cafe-oc-de-lagulhac-de-cercles/

Quo es benleu ço qu' aurian chantat los Beatles, apres un meschant ivern que portava mau son nom. Per ço que, d' ivern vertadier , ne'n avem pas agut. Pas de freg, pas de nevia, de l'aiga, de segur e mai que ne'n voliam.« Que d'aiga, que d'aiga » coma disset lo president Mac Mahon a Tolosa. E dau vent tanben sur lo littorau onte la plajas dispareissen e se cubren de tot nòstre retrum que nos tòrna la granda aiga, coma una indigestion vergonhosa e acusatritz.

Urosament en Perigòrd, ren de tot quò, nonmas de las terras aigassadas, daus rius e de las ribieras que uflan e sabrondan e dau retard dins lo trabalh daus paisans, daus vinhairons mai daus amoros de lor vergier.

Mas queste còp, dempuei una setmana, avem benleu un avant-gost de la prima, dau primtemps qu'esperam per lo vint de març. Los borrons e la prumièras flors començan d'espelir, lo ciau tòrna blu, lo monde tòrnan au merchat emb daus risons sur la pòtas, las femnas son mai bravas, los auseus se trapan de chantar e l'ome estifla en trabahlar dins son vergier. Esperam tot parier que lo giau vai pas tot fotre en l'aer en abriu mas bon, nos fau demorar positiu e prener lo brave temps quante ven!

Quo es per quò que aimeria ben vos perpausar doas chausas.

La prumiera, per los que vòlen escrire, de far daus textes corts (max.1400 signes) en pròsa o en vers sur lo tema dau primtemps en Perigòrd, paraulas de chançons, dires d'autres còps, permenadas dins la natura, lo plaser de far son vergier, los risons de la femnas e daus mainatges, la botanica e.a.c...Tot ço que vos platz!

Sabe aitot que i a demest v'autres daus fins fotògrafes. Parier: si queu brave temps, la natura, lo bestium, lo trabalh daus champs, lo patrimòni, los òmes vos inspiran, fasetz de las bravas fotòs.

Vos dona jusc'au 28 de març per me far segre vòtres textes e vòstras fotòs, au flor e a mesura, a l'adreça que seg: philippe.p.christophe@gmail.com .

Co que ne'n farem? Per los fotòs, drubirem un albòm sur lo blògue Rubrica en òc , per los textes, zo publicarem graciosament sur lo blògue tanben e chausirem un de quilhs textes per una de las rubricas a la debuta d'abriu. Veiqui la prumiera iniciativa de l'annada per los legeires de Rubrica en òc, laidonc, fasetz chaufar los estilòs et los aparelhs fotò e laissatz espelir vòstra inspiracion !

Denis Gilabert.