Micheu Chapduelh a préparé un texte sur le passage des grues, signe visible du temps cyclique.

Regardez une reproduction du célèbre Angélus de Millet et imaginez… Imaginez que ces paysans au pieux maintien regardent vers le ciel et pas humblement vers la terre. Imaginatz que l’òme brandisse son chapeu coma per saludar, que la femna en plaça de junher las mans las druebe coma per dire la benvenguda, que los auseus dins lo ciau a drecha volan en V, en bona formacion. Geste de bienvenue, geste d’offrande, symbole de l’ordre naturel, voici qu’un tableau chrétien deviendrait un magnifique tableau païen.

Lo vòl en V en bona formacion nos diriá que dins la natura tot a un sense, tot es en òrdre, un òrdre qu’òm podriá creire immudable. Quò seriá una volada de gruas. Los paisans las saludarián. I a pas tant de temps que zo fasián enquera. E mai, segur n’i a que zo fan totjorn, que se ‘restan de trabalhar per las veire passar, las saludar.

Quo es que las gruas son lo signe dau grand cicle de la natura. Quò es pro d’esperar e tot tòrna, lo brave temps après la freg, la freg après lo brave temps. « Gri-gro ! pausatz lo pelisson, prenetz los guenilhons ! Posez vos pelisses et revêtez vos haillons.» disen las gruas au printemps. E fin d’octòbre : « Gri-gro ! pausatz los guenilhons, prenetz los pelissons ! »

Anonciar l’ivern, quo es pas una meschaenta novela : l’ivern fai partida dau cicle, dau retorn annadier. Tot contunha de virar.

Malurosament las gruas son vengudas fòlas : se ’restan aquí sens mai tornar partir, perden lo nòrd, e mai daus còps doàs voladas se crosan en plaça de se segre. Pas besonh de grands sabents per nos dire que i a quauquaren de purrit dins lo climat, que quò vira pus coma faudriá.

Micheu Chapduelh