L'animator Nicolas Peuch nos infòrma que lo convidat de l’emission  dau diumenc 10 de març 2024 a 11 oras sur França Blu Perigòrd sera  Jean-jacques Gillot per presentar lo tresiesma tòme de son livre Les Oubliés de l’Histoire 1939-1945, que ven de pareisser chas Editions Les Livres de l’Ilot.

Meitat chen , Meitat pòrc , chasque diumenc a 11 oras  sur França Blu Perigòrd!

Per escotar l'emission en directe o en redifusion, clicar sur lo ligam: França Blu Perigòrd

Veiqui lo ligam vers los sites de Nicolas Peuch:  https://www.nicolaspeuch.com/ e https://fr-fr.facebook.com/nicolas.peuch

Messatge de Sigolena Cabié, dau TCOP ( Talhier Culturau Occitan de Perigüers)

Dijuous 7 de març a 20 o 30 a la MOP (Maison Occitana de Perigord, 21 rua Beranger a Perigüers), recebrem  Patrick SALINIE que nos presentara son darrier libre "La nuit de la Mandragore".
Chabarem la serada amb lo veire de l'amistat,
 
A dijuòus !
 
Patrick Salinié es nascut a Sarlat dins la nuèch del 31 de decembre de 1955.
Comença de cantar en lenga d'òc en 1974 amb son companh Jean-Louis Garriga jos l'impulsion notòria de Michel Chapduelh e de Joan Pau Verdier.
Dins l'encastre de lors enfanças sarladaises, Patrick e Jean-Louis cobdejan Jean Bonnefon dempuèi de temps, sustot al Centre de Lésers o al Club dels joves. Crèan amassa Peiraguda en 1977.
A participat de 1991 a 1999, coma animator, a l'aventura d'Aqui TV, la television de Perigòrd.
Otra lo fach qu'el siá membre fondator de Peiraguda, fa partida de "l'afar Brassens" e als omenatges scenics regularament tornats a Oncle Georges als costats de Jean Bonnefon, Joan Pau Verdier, Jacques Gandon, Pascal Bonnefon, Patrick Descamps.
Autor de mantun obratge sus l'istòria locala, escriu egalament de recuèlhs de novèlas paregudas a las edicions del Fissacòls.
Patrick Salinié a acabat sa carrièra professionala coma Cap de servici educatiu en genièr de 2018.
Parallèlament investit dins la vida associativa e politica, es estat elegit a Sarlat coma conselhièr municipal de 1983 a 1995.
Es dempuèi dempuèi 2014 cònsol màger de Sant Andrieu Anères (900 abitants), comuna limitròfa de Sarlat. Patrick es actualament vici president de la Comunautat de Comunas Sarlat Peiregòrd Negre, en carga de la cultura, de la lectura publica, de l'enfança pichona, enfança e joventut.
Cultura e espòrts fan bon coble : Patrick Salinié parteja dempuèi son enfança la passion e la cultura del rugbi : a longtemps jogat al Club Atletic Sarladés, a l'Ententa Esportiva Senac-Daglan puèi a l'US Senac.

L'animator Nicolas Peuch nos infòrma que lo convidat de l’emission  dau diumenc 11 de feurier 2024 a 11 oras sur França Blu Perigòrd sera l’escrivan Patric Chalmel per son noveu libre "Memòria de raiçs et promessa de fruchas" editat chas Lo Bornat dau Perigòrd.

Meitat chen , Meitat pòrc , chasque diumenc a 11 oras  sur França Blu Perigòrd!

Per escotar l'emission en directe o en redifusion, clicar sur lo ligam: França Blu Perigòrd

Veiqui lo ligam vers los sites de Nicolas Peuch:  https://www.nicolaspeuch.com/ e https://fr-fr.facebook.com/nicolas.peuch