A l'occasion de sa 94ema felibrejada, Lo Bornat dau Perigòrd tòrna far son concors literari annadier emb l'ajuda de l'Institut Eugene Le Roy. Veiquí las categòrias que podetz presentar :

1. Poesia (maxi 100 vers).

2. Pròsa : conte, novela o raconte, essai o roman.

3. Teatre : peça en un acte.

4. Revirada en occitan d'òbras en lenga francesa o estrangiera.

5. Chançon : texte e musica.

6. Eituda istorica : monografia sus 'na comuna o un terrador.

Totas las òbras deven estre redijadas en lenga d'òc e mandadas en doble exemplari emb 'na revirada, manca l'eituda istorica que pòt se far solament en francés. Mandat abant lo 31 de mai de 2013 a l'adreça seguenta : Lo Bornat dau Perigòrd / Concors literari 2013

13 charriera Kleber 24000 Perigus

Per daus rensenhaments e de las precisions : revue.lobornat@laposte.net. Lo palmarès sirá proclamat a la felibrejada de Brageirac lo 6 de julhet de 2013 per la remesa de la baniera dau Bornat a la merariá.

Cette réunion organisée par le CDDP , la DASEN et la DSDEN de la Dordogne se tiendra à Périgueux le 23 janvier 2013 . Il y sera notamment discuté du bilinguisme et des langues régionales.

Un atelier sur les langues régionales sera ainmé par M.Serge Mahourat, Cap'Oc, CRDP d'Aquitaine et Martine Ralu Présidente d'OCBI Aquitània.

CDDP de la Dordogne - 4 bis, rue Albert Pestour, 24 000 Périgueux05 53 09 85 83 – cddp24@ac-bordeaux.fr

Es arribat , lo noveu blògue en occitan dau jornau Sud-Oest Perigòrd!

Dempuei mai de dos mes , lo grope de trabalh de Novelum, seccion perigòrda de l' IEO preparava daus textes per vosautres e aurá , quo es fait , lo pitit es nascut! Grandmercès à Sud-Oest de nos aculhir sus son site.

Nòstre objectiu es de vos perpausar un contengut variat: las novelas de la creacion en Perigòrd ( espectacles , libres, CD , teatre...) e, de segur, la lenga (vocabulari , onte la parlar, etc...)

Daus braves fachilhiers-escriveires se son clinats sur son breç : Jaumeta Beauzetie, Micheu Chapduelh, Joan-Claudi Dugròs, Joan Ganhaire , Joan-Loís Leveque, Jan-Peire Reidi e Joan Ros van vos far partejar lor coneissença intima de la lenga e dau país de Perigòrd. Sem segurs que d'autres autors van nos segre.

Avem chausit de nos exprimar en occitan (lemosin e lengadocian) e en francès, per amor dau bilingüisme, una realitat dins nòstre departament, e tanben per balhar l'enveja a tot lo monde de contunhar a parlar la lenga, de començar o bentot de s'i tornar botar!

La Rubrica en òc se vòu duberta sus lo monde de sos legeires, podretz balhar vòstra opinion. Alaidonc, 'chabatz d'entrar , 'sietatz-vos a la taula e començam de platussar!

Nos fiam a vos per far conèisser quela iniciativa a vòstres amics e amorós de la lenga en Perigòrd o alhors. Pensatz a vos abonar a la letra d'informacions.

Bona legida a tots e a leu!

Denis Gilabert, animator dau grope de trabalh de Rubrica en òc