Per lo prumier Cafe òc de l'annada, dimarts 8 de genier, au cafe associatiu Lezidefuz de Lagulhac de Cercles, Jaumeta Beauzetie fara una presentacion « Lo pitit monde de nòstres contes e legendas » en videò-projeccion, a partir de las pinturas de Piare Rapeu una invitacion a una permenada dins lo bòsc daus contes afen de descrubir tot un monde invisible, siá una quarantena de personatges que lo pintre Piare Rapeu aviá saubut pinturar sus los aubres e rochiers dau « Bòsc dau Leberon » a Ajac (Abjat-sur-Bandiat) dins las annadas 90. Entrada a partir de 6 oras 30 de l'enser.

Lo blògue de Rubrica en òc, la cronica occitana de Sud-Oest Dordonha desira a tots sos legeires e sos contributors fidels una bona annada 2019, plan granada e acompanhada, emb totplen de projectes en e per l'occitan !

Denis Gilabert, animator de rubrica.

Joan-Pau Verdier e Nicolau Puech nos informan que lo convidat de l'emission dau diumenc 6 de genier 2019 a 11 oras sur França Blu Perigòrd sera Joan-Lois Orazio per parlar de son noveu libre bilingüe occitan francés: « Arbres, arbrilhons e arbricèls salvatges dels causses de Perigòrd », 219 paginas, 25€ en venda en librarias.

Meitat chen , Meitat pòrc , chasque diumenc a 11 oras  sur França Blu Perigòrd!

Per escotar l'emission en directe o en redifusion, clicar sur lo ligam: França Blu Perigòrd

Veiqui lo ligam vers lo site de Joan-Pau Verdier

e los ligams vers lo sites de Nicolas Puech:  www.nicolaspeuch.com e facebook.com/nicolaspeuch