A perpaus de la refòrma daus liceus e las lengas regionalas...
Veiqui dos messatges mandat per Pèire Brechet, Pesident de l'IEO.
-----------------------------------------------------------------------------------------------
Lo moment es grèu.
En rason dei repercussions catastroficas per la lenga occitana de la Reforma dau Licèu e de l‘Ensenhament… e dei divèrsei mesuras mortifèras que son ja a prendre de rectorats e de caps d’establiment … podèm que dire :
« NON a la SUPPRESSION de l’ENSENHAMENT de l’OCCITAN ! »
Per ansin, l’IEO engatja totei sei sòcis e simpatizants a se mobilizar en nombre per participar e sostenir totei leis accions revendicativas per sauvar la lenga, organizadas d’en pertot per leis uns e leis autrei…
●Lo CREO de Tolosa rampèla lo monde lo dimenge 17 de febrier, a 14h, per manifestar e contestar lei decisions dau govern de tuar l’ensenhament de l’occitan dins l’Educacion Nacionala.
●Una peticion de la FELCO es de signar tanben a molons :https://www.mesopinions.com/petition/enfants/revalorisation-enseignement-occitan/59490?fbclid=IwAR1IDcnxeoTJAUCNsRarbtlrNhZGJkJ_Va0INDKb47E2CQTYd-bt10d83aY
●L’IEO vos demanda d’escriure a vòstrei deputats, senators e autrei decideires… per que sostengan lei demandas preconizadas dins sa letra° au President de la Republica e au Ministre de l’EN…
●E ben mai… !
° Còpia a direccion@ieo-oc.org, l’aguessiatz pas !
Anem Occitans ! Bolegam !
----------------------------------------------------------------------------------------------------
Segonda informacion
AI SÒCIS de l’IEO
Adieu en totei,
En rason dei repercussions catastroficas de la Reforma dau Licèu e de l‘Ensenhament, dins un premier temps, l’IEO a adreiçat la letra çai-joncha au President de la Republica, au Ministre de l’Educacion Nacionala, ai Presidents dau Senat e de l’Assemblada Nacionala, ai Caps de gropes parlamentaris, au president dau grope d’estudis « Langues et cultures régionales » de l’Assemblada Nacionala.
Esitètz pas de participar a aquesta campanha de protèsta e de refortir l'intervencion de l'IEO.
O podètz faire en vòstre nom personau, en nom de vòstre seccion, despartement, region ò gropament.
Escriure
A l'Elysée :
http://www.elysee.fr/ecrire-au-president-de-la-republique/
Au Ministèri de l'Educacion Nacionala :
http://www.education.gouv.fr/pid33441/nous-contacter.html
Au President de l'Assemblada Nacionala :
president@assemblee-nationale.fr
A son deputat :
www.assemblee-nationale.fr/qui/xml/liste_alpha.asp?legislature=14
Au President dau Senat :
g.larcher@senat.fr
Ais senators :
http://www.senat.fr/nouveau.html
PJ. Letra au President de la RepublicaIEOLetraPstRep.pdf
De còr e d’òc
Pèire Brechet
President
Joan-Pau Verdier e Nicolau Puech nos informan que lo convidat de l'emission dau diumenc 10 de feurier 2019 a 11 oras sur França Blu Perigòrd sera Alban Garros, professor d'occitan au collegi Alienòr d'Aquitania de Brantòsme mai au liceu Alcide Dussolier de Nontronh.
Joan-Pau Verdier e Nicolau Puech nos informan que la convidada de l'emission dau diumenc 3 de feurier 2019 a 11 oras sur França Blu Perigòrd sera Gisèla Naconaski, animatriça de D'òc show sur octele.com mai de l'emission Lo Miegjornau sur radiò Lenga d'òc.