L'avetz remarcat, i a de l'occitan dins la letra dau departament. Los buletins municipaus, los sites de las comunas son tanben de las occasion de balhar mai de visibilitat a la lenga e la cultura occitanas de Perigòrd. Los que saben escriure l'occitan podrian perpausar de tenir una rubrica en occitan dins los supòrts locaus de lor meraria, comunautats de comunas, ofici de torisma, que sabe-io. Los subjects mancan pas: noms de luòcs, noms de familha, actualitat. Trobaretz totplen d'informacion dins queu blògue, dins la revuda Paraulas eca.

Avez aqui l'exemple de çò que faguet Jan-Peire Reidi dins sa comuna de Javerlhac.

Bona idèia, non?

Denis Gilabert

Plantoliersbullmun.pdf

Veiqui lo prumier d'una seria de uech filmes sur lo tema daus trobadors virat per octele.com.

Dempuei la vila e lo chasteu de Autafòrt,  Joan-Francés Gareyte nos explica lo ligams de la poesia de Bertran de Born emb la poesia americana dau segle XX: Ezra Pound, Ernest Hemingway...e l'influença que Bertran de Bòrn a dins la literatura en generau.

https://www.octele.com/Perig-rd-pa-s-trobador-bertran-born-jean-francois-gareyte_fiche_4144.html

L'animator Nicolas Peuch nos infòrma que los convidats de l'emission  dau diumenc  23 de genier  2022 a 11 oras sur França Blu Perigòrd seran Laurence Salles-Villard e Sebastian Girard per parlar de« Perigòrd, Pais Trobador » , 8 filmes cortets en occitan, mai dau Festival Paratge organisat per l'Agença Culturala Dordonha Perigòrd. 

Meitat chen , Meitat pòrc , chasque diumenc a 11 oras  sur França Blu Perigòrd!

Per escotar l'emission en directe o en redifusion, clicar sur lo ligam: França Blu Perigòrd

Veiqui lo ligam vers los sites de Nicolas Peuch:  https://www.nicolaspeuch.com/ e https://fr-fr.facebook.com/nicolas.peuch