Cette semaine, Nontron accueillera l'événement Paratge 2018, avec de très nombreuses activités et concerts, notamment vendredi 4 mai à partir de 19 h à la salle des fêtes avec le célèbre groupe montpelliérin Mauresca et la chanteuse aranaise Alidé Sans avec Paulin Courtial ( 10€ la soirée).

A voir le programme complet sur : http://paratge.org/

Quò es sovent que me dise que podem trobar l'occitan onte l'esperam pas mai, quò es entau que en passar quauques jorns rasis « la mar granda », l'ocean, ai descubert un pitit museu que vòle vos parlar, a Vendais-Montalivet. Queu museu es plan ben fach, en doas partidas, la prumiera, animada emb de las projeccions mai daus paneus, vos fai viure l'evolucion de la còsta atlantica d'un biais geologic, arqueologic e istoric. La segonda partida es consacrada aus mestiers de gemaire o rosinier. Fuguet creat mercés l'associacion "Los tradinaires" de Vendais que an amassat daus utils e colectat tot un fum de monde que trabalhavan dins quela activitat, jusc' a sa fin dins las annadas 1990. Regina Ardilley , la presidenta, vos ne'n fara la vesita en gascon de Medòc, si l'i damandatz.
L'istòria dau gematge
Daus braves paneus bilingües van vos explicar que los prumiers plantadis de pinhiers se fagueren plan avant lo segle XIX e Bremontier Chamberet e la lei de 1853 per forçar lo monde a semnar los pinhiers maritimes. Quò comencet jos Lois XIV vers 1727, que lo monde comenceren de plantar sur « los terraus » o los « piqueirs » ( les dunes, grandes ou petites) per fixar lo sable. Au segle XIX, jos Napoleon III, nasquet lo grand project Solferino, semenadis de pins dins las landas que montet pauc per pauc dins lo ranvers de Vendais en Medòc. Quò se faguet pas sens problema, i avia sur plaça daus pastres e lors ovelhas, las comunas eran forçadas de zo far si que non, perdian lor terra e l'Estat zo fasia a lor plaça. Entau los pastres vengueren paisans, buschairons, sejaires e gemaires o rosiniers ( segon qu' eran sindicats o pas), que trabalhavan coma meitadiers. Avian un territori de 6500 pinhiers a trabalhar en feurier e setembre. Quò duret entau jusc'a la fin dau segle XX, e se chabet per causa de concurença de l'Espanha, dau Portugal, de China ...coma sovent.
Lo trabalh e los utils dau gemaire
Quand lo pinhier avia 25 ans, los gemaires començavan de talhar la rusca sur 70 cm emb son hapchòt per ne'n far surtir 1,5 l per an de la famosa rosina. Montavan, jusc'a 3,5 m e fasian lo torn complet de l'aubre, qu'era « gemat a mòrt » e que falia laidonc copar. La rosina era colectada dins daus pitits pòts de terra, per esser transportada a la distilaria per fin de n'en far de la terebentina e la colòfana. Vesem tots los utils emb los noms en francés mai en occitan : la plaça-vira, lo malhòt, l'escocita sur ròda... Un brave pitit film fai parlar en francés los darriers gemaires, i a tanben de las bravas fotòs, daus poemas en francés,en occitan. Mas lo mai interessant son totas las explicacions balhadas per nòstra guida que ne'n sap totplen qui-dessur. Un vertadier trabalh de colectatge de pas mancar entre doas permenadas sur la plaja. « Jos los pavats, la plaja », benleu, mas jos los pinhiers, l'occitan daus gemaires.

Denis Gilabert.

Musée "La grange du Patrimoine" de Vendays-Montalivet, exposition permanente "Le gemmage dans le Médoc/ Lo gematge en Medòc", visite les vendredis après midi à partir de 14 h ou sur rendez-vous au 0556733202.

Photo: Régine Ardilley présidente des Tradinaires fait en occitan ou en français la visite de l'exposition permanente sur le gemmage à Vendays-Montalivet.

Joan-Pau Verdier e Nicolau Puech nos informan que los convidat l'emission dau diumenc 29 d'abriu 2018 a 11 oras sur França Blu Perigòrd seran lo grope Mauresca per lor noveu CD « Big Sur » mai la residença e lo concert que van far a Nontronh dins l'encastre de l'eveniment Paratge 2018.

Meitat chen , Meitat pòrc , chasque diumenc a 11 oras  sur França Blu Perigòrd!

Per escotar l'emission en directe o en redifusion, clicar sur lo ligam: França Blu Perigòrd

Veiqui lo ligam vers lo site de Joan-Pau Verdier

e los ligams vers lo sites de Nicolas Puech:  www.nicolaspeuch.com e facebook.com/nicolaspeuch