Questa dimenjada sur Meitat-chen, meitat-pòrc...
Joan-Pau Verdier e Marçau Peironi nos informan que lo convidat de l'emission dau diumenc 28 de junh a 11 oras sur França Blu Perigòrd sera Danis Chapduelh per parlar de la programacion de l'Estivada que se debanara dau 22 au 25 de julhet a Rodès.
Meitat chen , Meitat pòrc , chasque diumenc a 11 oras sur França Blu Perigòrd!
Veiqui lo ligam vers França Blu Perigòrd
e lo ligam vers lo site de Joan-Pau Verdier
Lien permanent
Catégories : Actualitats, actualité, Musica, chants e dança
Après « Vautres que m'avetz tuada » en 2014, Joan Ganhaire fait reprendre du service à l'équipe du commissaire Darnaudguilhem de Maraval pour le quatrième volet de ses aventures policières. Mais cette fois, c'est depuis son lit de convalescence chez ses parents adoptifs à Puegmaurin qu'il conduit l'affaire. Perque, sabetz, lo Sandon se faguet (enfin !) operar de son januelh. Queste còp, l'afar parla d'un òme que faguet set annadas de preison per un murtre que a pas comés. « L'idèia me venguet quante io tanben era a l'espitau e podia ren far, ço ditz l'autor. Quò me balhet un punt de despart e me sei botat a brochar l'istòria. De segur, i a una trama, mas daus un còp, un personatge, una situation imprevisda pòt tot chanhar. Queste còp, quo es un bocin de papier de musica, un grope folclòric... ».L'auteur nous en a confié les premières phrases : « Era quí, d’en-pès en plen solelh a la caforcha de Fontlauriera. L’autobus l’aviá pausat lai e era tornat partit dins un siulament de pòrtas que se barren. Quo era pus lo vielh pilòt de feralha e lo Bertrand que lo menava qua’iment de maison en maison. Queu-qui, Diu sap ente era partit, benleu drech a Maraval. Ne’n aviá raibat de quela caforcha, curiosament mai que de la maison, ente coma la memet, aviá passat mai de quinze ans. Dins sos raibes de libertat, quo era quela plaça que li veniá d’en prumier. Un jorn, serai quí, libre. E queu jorn era ‘ribat. Eran estats plasents que li ‘vián escorcit sa pena de tres ans. Quo era pas estat sens mau, mas aviá talament estat durant quilhs set ans, sens romar, sens se planher, sens la mendra manifestacion de meschanta umor, que avián ren trobat a l’encontre de la requesta de son avocat. Enquera un grand mot… D’alhors, quo era pas lo mesme que per lo procès… Era estat talament bon, queu-qui, que un ‘nava pas tròp lo trobar en dire. Lo noveu era vengut lo veire de temps en temps. Aviá dich que l’autre era partit sap pas ente, e que, eu, era estat mandat per una associacion que s’ocupava daus dròlles de l’ Assistança...»