L'invité-lo convidat-de "Meitat chen, Meitat pòrc" dau diumenc 23 de junh
Joan-Pau Verdier e Marçau Peironi nos informan que los convidats de l'emission de questa setmana seran:
Bernard Sendrès president dau Bornat dau Perigòrd, Michel Samouillan majoral e lo president dau comité de la Félibrejada 2013 a Brageirac François Bonnin.
...Tot quò-qui sur :
Meitat chen , Meitat pòrc , chasque diumenc a 11 oras 30 sur França Blu Perigòrd!
Veiqui lo ligam vers França Blu Perigòrd
e veiqui lo ligam vers lo site de la Felibrejada2013
Lien permanent
Catégories : Musica, chants e dança
Nous en parlions le 18 avril sur ce blog , le film est désormais disponible.
« Nous avons 18 ans et nous parlons occitan », nous disent Marine et Lucille, élèves de terminale au Lycée Bertran de Born à Périgueux. Eh oui, dans un département ou la langue est parlée par près de 40% de la population, quò fai plaser de l'auvir parlar per la jounessa. « Avem començat de l'aprener en classa de sieisesma coma nòstre professor Marçau Peironi », ço ditz la Marina. La prumièra es una perigòrda vertadiera de Sent Laurent de Manoire, l'autra ven de Tolosa e demòra a Trelhissac. Perqué avetz vougut aprener l'occitan de Perigòrd ?« Quò nos semblava naturau, per mielhs comprener lo païs onte vivam. Mos grands parents parlan la lenga. Voliam saber la lenga e la cultura a l'entorn, avem descubert totplen de chausas que los autres saben pas ! ».Literatura occitana, teatre, chançon, musica, dança, l' istòria daus trobadors. « Avem seguit lo « parcors trobadorenc », per mielhs coneisser nòstres trobadors Bertran de Born, Arnaut Daniel, Giraut de Bornelh etc..Avem visitat los chasteus catares, Rodés, Barcelona e aprengut de dançar e chantar en òc. Faguerem un espectacle dins la cort dau licee. Avem quitament fait de la BD en occitan, emb Mr Puzzle ! ». Qualas autras lengas avetz apresas? «L'anglès, l'espanhòu en classa europenca dempuei la 4èma, qu'es a dire 5 oras de cors per setmana ».Las lengas, mai ne'n aprenem, mai quo es aisat de ne'n aprener !« L'occitan lemosin qu'aprenem es una lenga latina, 'laidonc, quò nos aida plan per l'espanhòu ».E quò balha daus punts per lo Bac!« L'occitan, qu'es geniec (génial)! Nos parlam per SMS o b'etot per internet ». Apres 7 annadas , las drollas parlan finament la lenga . Recentament, an fait las comedianas dins « Benvenguda en Périgòrd », un film de Dètz TV, metut en scena per Laurent Labadie.« D'en prumier, escriguèrem los textes coma Monsur Peironi emb los autres escolans dau cors, puei los juguerem davant la camerà a Mencinhac e a Montancés, coma los garçons. Qu'era beucòp de trabalh, mas fuguerem plan contentas. Anirem a l'Estivada de Rodés en julhet per presentar lo film».La setmana passada, las dròllas an fait un « casting » a Bordeu per las ficcions en occitan de la chadena Dètz TV de Tolosa. «Deviam dire un monològue e un dialògue, aviam lo trac, mas lo monde de Dètz TV nos an botadas à l'aise e fin finala , quò se passet plan ben ». Avem qui benleu las stars ( estelas?)occitanas de doman !