Cette année, la Félibrée du Bornat dau Perigord se tiendra à Ladouze et sur les communes environnantes les 3, 4 et 5 juillet prochains. Olivier Boudy( notre photo), président du Bornat nous présente le fruit d'un travail de préparation de plusieurs mois par les bénévoles des 12 communes.

« Coma l'an passat, començam divendres 3 per la Jornada daus escolans e collegians. Esperam questa annada mai de 1000 eslevas, collegians venguts de tota la Dordonha e escolans dau ranvers. Seran pres en charja per daus benevòles per lor far segre una cinquantenada de talhiers emb los artisans e los mestiers tradicionaus : dinandiers, fuelhardiers, esculptaires, belhaires ( l'Abeille Périgordine) e autras causas... Veiran dels vielhs tractors, veituras, motòs... Auran la possibilitat de far de l'iniciacion au cant e a la dança e per acabar, un grand concert-baleti de « DBDB »(Bibonne e Becdelièvre), qu'an jugat a Brantòsme per « Dançem au collegi ». Lo ser, a 21 oras, concert de « Z'Amidales ». Lo dissabde, aurem un merchat de productors dau ranvers lo matin, mai, partir de 15 oras, lo Cant'oc, la baniera dau Bornat a 18 oras, puei, a 19 oras, concert dau grope « Du Bartas » e a 21 oras « C'D La bal » emb Nicolas Peuch. Lo diumenc, quò sera la remesa de la clau del Conse a 8 o 45, defialat, messa e omenatge a Gui Bonnet. A 12 o 30, la Taulada a a 15 oras, Cor d'Amor e lo resultat dau concors literari dau Bornat. Acabarem per lo concert de « Gric de Prat » a 19 oras e un baleti coma « Ysope » a 21 oras. Auretz la possibilitat de rencontrar los autors jos la granda ala. Avem chausit una programmacion musicala plan actuala mai los gropes tradicionaus dau Bornat. Los benevòles se son bien afarats per preparar queste eveniment. La reina e una dotzenada de personas an trabalhat l'occitan mercés lo talhier de lenga animat per Didier Dupont a Rofinhac».

Un rendez-vous traditionnel et évolutif qui offre trois jours de culture occitane, facile d'accès pour tous. Denis Gilabert

Plus de renseignements sur le blog : www.felibreeladouze.com .