Nous l'annoncions le 15 décembre dernier, cinq collèges de Dordogne ont inscrit leurs élèves de l'option occitan au programme « Dançem au collegi » lancé par l' Agence Culturelle Dordogne Périgord, dont l'objectif est d'initier les collégiens au chant et à la danse occitans, en vue d'un spectacle sur scène le 26 mai prochain à la salle des fêtes de Brantôme. Les sessions de travail viennent de commencer avec l'appui de musiciens professionnels comme Nicolas Peuch ou comme Christophe Célérier qui a en charge les 4ème 2 et 4 de la cité scolaire Giraut de Borneil à Excideuil.

Immersion en òc e en ritme au collegi. « Per començar, anem far coneissença » ço-disset Christophe aus dròlles. Lor juguet còp-sec « L'esperanza aranesa » d' André Minvielle a l'accordeon diatonic, puei lor damandet de se presentar, en trobar un ritme. « Coneissetz la chançon « L'aiga de ròcha », l'avetz apresa en cors, crese ? « Oc Monssur », reponderen en cor los dròlles. Avian vist lo vocabulari occitan de la dança tanben. E apres l'aver chantada, Christophe lor faguet trobar un ritme per se companhar en tutar lor parpalh, lo pès, la chamba, en esclanquetar los dets e clafar las mans. Fin finala , los companhet a la guitarra e au chant e quò comencet de virar en dança redonda. «Aura qu'avetz trobat lo ritme emb vòstres còrs e qu'avetz consciencia de l'importança dau collectiu, podem passar au cercle circassian », ço-disset lo musicaire. Entau fagueren : un goiat, una dròlla, un goiat, una dròlla e quo es partit ! Quatre pas en avant, en arrier...e daus risons sur las pòtas daus jòunes ! Las doas classas fonccioneren finament. An quitament agut lo temps de començar quauques pas de borrèia, quante l'eschinleta sonet. « Desjà ? » ço-disseren los dròlles. « M'esperava a quauquaren de nulle, que io, avia un meschant imatge de la dança tradicionala »,ço-disset una goiata. «Mas, vertat, quo es geniau, ritmat e tot ! ». « Boiram lo chant e la dança, quo es interessant e plasent ». Laidonc, van tornar començar la setmana entrant per quatre autras sessions, qu'an tot parier dau trabalh de far avant d'esser prestes per lo 26 de mai. Van gardar de las fotòs e un film de quelas seanças de trabalh.

Une façon différente de découvrir la langue et la culture occitanes et de sortir en rythme des sentiers battus.

Denis Gilabert.