Joan Bonafon a ben vougut nos balhar las paraulas de quela brava chanson que fugueren escrichas per Daniel Chavaròcha.

Quela chanson fuguet registrada per lor disc Lo Leberon. Podetz tanben ne'n auvir una version de trabalh enregistrada en "repet" a Manzac de Vern en genier 2013. Clicar qui-dejòs :

La vielha maison

Autres còps, una tropelada
De petits nenets bien desgordits
S’escampavan tota la jornada
Dins lo petit prat del jardin.
A l’entorn de la granda taula,
Era nombrosa la familha
Quand los dròlles de chas la Graula
Veniàn far dançar las filhas.

En aquel temps lo paisan
Podià viure de sa tèrra.
N’èra pas riche mas sos enfants
N’aviàn pas paur de la misèria.
Al solelh, la vinha grimpava
En drecha regas peus cairons
Un còp per an, lo vin pagava
Bien son temps al vinhairon.

Coma la pèsta, una annada
La vinha, an degut l’arrachar.
La bona térra era malauda
S’i botèt lo filoxerà.
La maion, l’an abandonada
I a pus de vin en Peiregord.
Te cal manlevar dins las vilas
De que esperar la mòrt.

Rèsta màs la maison pincada.
Son partits. I a pus de paisans.
Coma un vièlh chen, monta la garda
Sus lo passat, sa vita d’antan.
T’an daissada, paura vielha roina.
Dumpuei aquel temps, Peiregord
Se’n vai cada jorn dins las vilas.
Te cal pas purar sus son sòrt.

Ai apres diumenc a Sarlat
Que la roina èra venduda.
Un conh de torista a crompat
La maion de la garriçada.
Vòl tornar montar la teulada
En teules plates, quò’s mins car.
Dins la piscina que vòl crusar
Lo bronza-cuol tota l’annada.

E si voletz tornar trobar las paraulas d'autras chansons en occitan, de veire lo site:

Paraulas en òc

e lo site de Peiraguda