Veiqui lo programa 2022 2023 dau TCOP ( Talhier Culturau Occitan de Perigüers),  lo prumier dijous de chada mes a la MOP (Maison Occitana de Perigòrd), 21 rua Beranger a Perigüers a 20 oras 30.

Informacion mandada per Sigolène Cabié.

6 d’octòbre de 2022 : Danis Chapduelh, capredactor del jornau Lo Diari, nos parlara d’aqueu magasine culturau occitan.

Podrem nos regalar pendent la serada amb las chatinhas de Joan de Matha (se'n pòt crompar tanben : 4 € lo kg)

3 de novembre de 2022 : Recebrem Patrick Chalmel , escrivan que nos parlara de sos libres « Las set fonts d’Alvèra», « Los contes de l’Agaça », « Eva e sos pressecs », etc…

1er de decembre de 2022, Joan De Matha, productor de cacaus e de chatinhas contara son mestier. Repais a la biaça.

5 de Genier de 2023 : Joan Micheu BARDOU, que seguiguet la formation del DCL nos balhara son experienca aura de formator de la formacion "Ensenhar" facha per l'associacion Novelum IEO Perigòrd.

2 de Belier de 2022 : Mateu PRAGOUT, ensenhaire en bilingue e tanben musicaire sera lo nostre convidat

Escotisson : 10 euros per l’annada per persona. La dintrada es a gratis.

Informacions : 0667788675 o 0623916523

Adiu, brave monde!

La 14esma edicion de l'Enchantada, dins l'encastre de Paratge, l'eveniment occitan de l'Agencia Culturala Dordonha Perigòrd se debanara dissabde lo 8 d'octòbre 2022 a partir de 16 oras 30.

A 16 oras 30 , a la gleisa, concert coma lo grope vocau "Chant'òc greu" de Sent-Auvent (87)

A 17 oras 30, a la sala de las festas, concert coma lo grope vocau de l'ASCO ( Atalhier Sarladés de Cultura Occitana)

Entrada paianta per tots los concerts de la serenada a la sala de las festas : 6€

A 20 oras 30 , a la sala de las festas, concert coma lo grope Azalaïs, vengut de Provença.

A 22 oras, a la sala de las festas, concert-bal coma lo grope Abal, de Perigòrd

Un eveniment organisat per l'Union Occitana Camila Chabaneu de Nontronh.

Adiu, brave monde,

veiqui lo ligam vers la novela botica en linha onte podetz trobar e comandar daus libres, CD, DVD editats o distribuats per Novelum IEO Perigòrd.

https://www.novelum-ieo24.fr/shop